Chapter Title : Kathal An Unusual Love Story 2 🥰 [രുദ്രദേവ്]

സീറ്റിൽ ഇരുന്നു...... കുറച്ചു കഴിഞ്ഞ് അവളെന്റെ നേർക്ക് വന്നിരുന്നു....

" എന്താ നിന്റെ ഉദ്ദേശം.... "

" എനിക്ക് നിന്നെ ഇഷ്ടമാണ് അത്രേയുള്ളൂ സിമ്പിൾ..... "

" നോക്ക് ഞാനാ ടൈപ്പ് അല്ല അത് പറഞ്ഞിട്ട് പോകാൻ വന്നതാണ് അല്ലാണ്ട് നിന്നോട് ഇഷ്ടമുണ്ടായിട്ടില്ല....എന്റെ പുറകെ മേലാൽ വരരുത്.... ബൈ "

" അവിടെ ഇരിക്ക് "

എന്റെ ശബ്ദത്തിന്റെ ടോൺ മാറിയത് കൊണ്ടാണോ അവൾ യാന്ത്രികമായി അവിടെ ഇരുന്നിപ്പോയി.....

" നിനക്ക് എന്നോട് ഒരു ഇഷ്ടമുണ്ട്... അത് നമ്മൾ തമ്മിൽ കണ്ട അന്നുമുതൽ ഞാൻ കാണുന്നതാണ്...ഒരു പരിചയവും ഇല്ലാത്ത എന്നോട് നീ എൻഗേജ്ഡ് ആണെന്ന് ആദ്യം കേറി പറഞ്ഞപ്പോഴേ എനിക്ക് മനസിലായി നിനക്ക് എവിടേയോ എന്നോടൊരു ഇഷ്ടമുണ്ടെന്ന് ..... അതുപോലെ നിനക്ക് ഒരു മെസ്സേജ് അയച്ചു പറയേണ്ട കാര്യം നീ ഇവിടെ വന്നു പറഞ്ഞപ്പോ എനിക്ക് ഉറപ്പായി നീ എന്നെ കാണാൻ മാത്രമാണ് വന്നത്..... അല്ലെങ്കി ഇപ്പൊ പറഞ്ഞോ .....അല്ലേ..... "

അവളിരുന്നു വിയർത്തു.... അപ്പോഴേക്കും ഞാൻ ഓർഡർ ചെയ്ത കോഫിയും വന്നു......

ഒരു കപ്പ്‌ അവളുടെ നേരെ നീക്കി വെച്ച് ഞാൻ പറഞ്ഞു...

" കുടിക്ക് ക്ഷീണം ഒക്കെ മാറട്ടെ..... "

എന്റെ കോഫിയുടെ ഒരു സിപ് എടുത്ത് ഞാൻ പറഞ്ഞു...

" രുദ്ര നിന്നെ കണ്ട അന്ന് വരെ എന്റെ ഐഡന്റിറ്റി എന്താണ് എന്നെനിക്ക് അറിയില്ലാരുന്നു.... രണ്ട് കാര്യങ്ങൾ അന്നെനിക്ക് മനസിലായി ഒന്ന് ഞാനൊരു ലെസ്ബിയൻ ആണെന്നുള്ളത് രണ്ട് നീ എനിക്ക് വേണ്ടി ഉള്ളതാണെന്ന്..... എനിക്ക് ആദ്യമായിട്ടാണ് ഇങ്ങനെ ഒരു ഫീലിംഗ് ഒരാളോട് തോന്നുന്നെ...അത് നിനക്കും അങ്ങനെ ആണെന്ന് തോന്നുന്നു.... "

അവളൊന്നും മിണ്ടിയില്ല.......

" എന്നെ കുറിച്ചു നിനക്ക് ഒന്നും അറിയില്ല എന്നെനിക്കറിയാം ബട്ട്‌ യു ഹാവ് ടു നോ....നാളെ ഉച്ചയ്ക്ക് ശേഷം ലീവ് എടുക്കാമോ.വീ ഷുഡ് ഹാവ് ടു നോ ഈച്ച് അദർ...... "

പിന്നെയും അവൾ ഒന്നും മിണ്ടാതെ ആയപ്പോൾ ഞാൻ തുടർന്നു....

"രുദ്ര നിനക്ക് എന്നേക്കാൾ വയസ്സുണ്ട്, സോ ഞാൻ പറയുന്നത് നിനക്ക് മനസിലാക്കാം... അതുപോലെ നീ എന്താണ് എന്നുള്ളത് നിന്നോട് തന്നെ ചോദിക്കൂ... ശെരിക്കും നിനക്ക് ഇഷ്ടമില്ലെങ്കിൽ അത് പറയാം. ഞാൻ ഒന്നിനും നിർബന്ധിക്കുന്നില്ല.... പക്ഷെ എവിടെ എങ്കിലും എന്നോട് എന്തെങ്കിലും തോന്നുന്നു എങ്കിൽ നാളെ എന്റെ കൂടെ വരണം. ഞാൻ കാറുമായിട്ട് പുറത്ത് ഉണ്ടാവും 3 മണിക്ക്.. വന്നാൽ 7