Kathal An Unusual Love Story 3

Author : Rudradev | Previous Part

2.45 നു ഞാൻ ബാങ്കിലെത്തി അവൾക്കൊരു മെസ്സേജ് ഇട്ടു.അവൾ വരുമോ ഇല്ലയോ എന്ന് ചോദിച്ചുകൊണ്ട്.....

അവളത് അപ്പൊ തന്നെ കണ്ടു എന്നിട്ടും റിപ്ലൈ ഒന്നുമില്ല...

എനിക്ക് ചെറിയ നെഗറ്റീവ് അടിച്ചു തുടങ്ങി...അവൾ വന്നില്ലെങ്കിലോ...?

എന്ത് ചെയ്യാനാ ഞാൻ ഇങ്ങനെ ഡെസ്പ്പ് അടിക്കണ ഒരു മുതൽ ആണ്......😂

വെറുതെ അവളുടെ വാട്ട്‌സ്ആപ്പ് വീണ്ടും എടുത്ത് നോക്കിയപ്പോ ലാസ്റ്റ് സീൻ 2 47 എന്ന് കാണിച്ചു....

അവസാന പിടിവള്ളി എന്നതുപോലെ

"ഞാൻ പുറത്തുണ്ട്"

എന്നുകൂടെ മെസ്സേജ് അയച്ചു....

അവൾ അത് സീൻ പോലും ചെയ്തില്ല.......

എന്നാലും മൂന്നുമണിവരെ നിൽക്കാം എന്ന് ഞാൻ വിചാരിച്ചു...... പ്രതീക്ഷ കളയരുതല്ലോ....... 😜

2.55 ആയപ്പോൾ എന്റെ കണ്ണിന് ദൃശ്യ വിസ്മയമൊരുക്കി കൊണ്ട് എന്റെ പെണ്ണാകാൻ പോകുന്നവൾ അവളുടെ ബാഗുമായി പുറത്തേക്ക് വരുന്നത് കണ്ടു.....

ശ്വാസം നേരെ വീണത് അപ്പോഴാണെന്ന് എനിക്ക് തോന്നി പോയി.....

അവൾ പുറത്തു വന്നിട്ട് അങ്ങോട്ടുമിങ്ങോട്ടും നോക്കുന്നത് കണ്ടു...... ഒരുപക്ഷേ എന്നെ കാണാൻ വേണ്ടിയിയാകും....

ടിന്റ് ഉള്ളതുകൊണ്ട് പുറത്തുനിന്ന് അവൾക്കെന്നെ കാണാൻ സാധിക്കുമായിരുന്നില്ല....

അവൾക്ക് മനസ്സിലാക്കാൻ വേണ്ടി ഞാൻ രണ്ടുവട്ടം ഹോൺ അടിച്ചു.....

അവളെന്റെ കാറിന് നേരെ നോക്കിയതും ഞാൻ വിൻഡോ താഴ്ത്തി കൈ ഉയർത്തി കാണിച്ചു ഒപ്പം അവൾക്ക് കയറാൻ ഡോർ തുറന്ന് കൊടുത്തു....

അവൾ അകത്തു കയറി ഡോർ അടച്ച ഉടനെ ഞാൻ കാർ സ്റ്റാർട്ട്‌ ചെയ്തു......

ഡ്രൈവ് ചെയുന്ന ഇടയിൽ ഞാനവളെ പാളി നോക്കിയെങ്കിലും അവൾ ഒന്നും മിണ്ടാതെ ദൂരെ എവിടെയോ നോക്കി ഒരേ ഇരിപ്പായിരുന്നു.....

" എവിടേക്കാണ് പോകുന്നത് എന്നെങ്കിലും ചോദിക്ക് "

നിശബ്ദത ഭേദിച്ചുകൊണ്ട് ഞാൻ പറഞ്ഞു

" എന്റെ ഇഷ്ടത്തിന് അല്ലല്ലോ പോകുന്നത് ".

"എന്നാ പിന്നെ എങ്ങോട്ട് പോകണം എന്ന് പറ "

" ഞാനല്ലല്ലോ തീരുമാനിച്ചത് പോകണം എന്ന് "

ശെടാ ഇതെന്ത് കഷ്ടമാണെന്ന് നോക്കിക്കോണെ.. എന്തൊക്കെ കേൾക്കണം...

" ഇഷ്ടമില്ലെങ്കിൽ പറഞ്ഞാൽ പോരായിരുന്നോ ബാഗുമെടുത്ത് വന്നതെന്തിനാ......." ?

" എന്നാൽ എന്നെ ഇറക്കി വിട് "

" സൗകര്യമില്ല എന്തേയ്..... ഇന്ന് ഞാൻ നിന്നെ ഇറക്കി വിട്ടിട്ട് ഭാവിയിൽ അതുംപറഞ്ഞെന്റെ മെക്കട്ട് കേറാം എന്ന് നീ കരുതണ്ട... നടക്കില്ല.... "

അറിയാതെ എങ്കിലും അവൾ അത് കേട്ട് ചിരിച്ചു....ഞാൻ കണ്ടില്ലെന്നു കരുതി പെട്ടന്നു അത് മാറ്റി