Chapter Title : Kathal An Unusual Love Story 🥰 [രുദ്രദേവ്]

പോയത് അതെ ബാങ്കിൽ അക്കൗണ്ട് ഉള്ള ആൾക്കാരെ കണ്ട് പിടിക്കാൻ ആയിരുന്നു. എന്തെങ്കിലും ഒരു കാരണം വേണമല്ലോ അവിടെ കയറാനും അവളെ കാണാനും....

അങ്ങനെ കൂട്ടുകാരുടെ പരിചയത്തിൽ ഒക്കെയുള്ള ഒന്ന് രണ്ട് പേരുടെ കിട്ടി. അവരുടെ റിക്വസ്റ്റ് ലെറ്റർ ആയിട്ട് അടുതടുത്ത പല ദിവസവും ഞാൻ അവിടെ കയറി ഇറങ്ങി...

ആശ്ചര്യം എന്തെന്നാൽ എന്നെ കാണുമ്പോ ഒക്കെ അവളുടെ മുഖം വിടരും അപ്പോൾ തന്നെ അതൊരു ഗൗരവ ഭാവത്തിലേക്ക് മാറുകയും ചെയ്യും.

അന്നത്തെ ദിവസം ഞാൻ കുറച്ചു നേരത്തെ പോയി... പതിവില്ലാതെ അവൾ എന്നോട് ചോദിച്ചു

"തന്റെ പേരെന്താ?"

"അമർ"

ഒട്ടും മടിക്കാതെ ഞാൻ പറഞ്ഞു

"എന്ത് "

"അമർ, അമർജ്യോതി അമറെന്നു വിളിക്കും "

"എന്താ പേര് " ഞാനും തിരിച്ചു ചോദിച്ചു

"നിനക്ക് വായിക്കാൻ അറിയില്ലേ ഇവിടെ എഴുതി വച്ചേക്കുവല്ലേ...?"

അവളുടെ ഗൗരവം ഒട്ടും കുറയ്ക്കാതെ പറഞ്ഞു...

"ഞാനത് കണ്ടു പക്ഷെ ഒരാളുടെ പേര് അയാളുടെ നാവിൽനിന്ന് കേൾക്കുന്നത് അല്ലേ അതിന്റെ സുഖം....."

കുറച്ചു നേരം എന്റെ മുഖത്തേക്ക് നോക്കിയിട്ട് അവൾ പറഞ്ഞു

"രുദ്ര,രുദ്ര ലക്ഷ്മി പ്രകാശ് "

"ഹ്മ്മ് "

ഞാൻ അവിടെ വെയിറ്റ് ചെയ്യാം എന്ന് പറഞ്ഞു പേപ്പർ കൊടുത്തു തിരിഞ്ഞതും അവൾ എന്നെ വിളിച്ചു

"അവിടെ നിൽക്ക് "

"എന്താ...?"

"താനിത്ര കഷ്ടപ്പെട്ട് ഇനി വരണം എന്നില്ല കേട്ടോ എന്തേലും ഉണ്ടെങ്കിൽ വിളിച്ചാൽ മതി "

എന്ന് പറഞ്ഞു അവൾ അവളുടെ ഒഫീഷ്യൽ കാർഡ് എനിക്ക് നേരെ നീട്ടി....

ശെടാ ഇതിപ്പോ ഞാൻ അവളെയാണോ അവൾ എന്നെയാണോ വളക്കുന്നത് എന്ന്