Chapter Title : കെട്ടിലമ്മ [ഋഷി]

കുളിച്ചു വരാം.

അടുക്കളേലോട്ടു ചെല്ലാൻ പാറുച്ചേച്ചി പറഞ്ഞു. ചീരു പൊറകിൽ നിന്നും വിളിച്ചു പറഞ്ഞിരുന്നു. അവൾ നീട്ടിയ എണ്ണക്കുപ്പിയും സോപ്പും ഉമിക്കരിയും തോർത്തുമെടുത്ത് ഞാൻ കിണറ്റിൻ കരയിൽ ചെന്നു പല്ലുതേച്ചു. ഒരു പച്ചീർക്കിലി വാർന്നു നാവു വടിച്ച്,  കുളത്തിലേക്ക് നടന്നു. നന്നായി എണ്ണതേച്ച് സോപ്പിട്ടു മെഴുക്കിളക്കി വെള്ളത്തിലിറങ്ങി. തണുപ്പ്... ആഹ്... കുറച്ചുനേരമങ്ങനെ മലർന്നു കിടന്നു. നല്ല സുഖം. പേശികളയഞ്ഞു. ഇത്തിരിനേരം നീന്തിയിട്ട് ഞാൻ കരയ്ക്കുകയറി. തോർത്തുമുടുത്ത് നനച്ച മുണ്ടുണക്കാനിട്ട് മുറിയിൽ നിന്നും പുതിയ മുണ്ടുമുടുത്തിറങ്ങിയപ്പോഴാണ് മുന്നിലൊരു മദ്ധ്യവയസ്കനായ കുള്ളൻ. വെളുത്ത ശരീരത്തിൽ ഭസ്മക്കുറി, രുദ്രാക്ഷം, ചിരിക്കുന്ന കണ്ണുകൾ, നെഞ്ചിൽ സമൃദ്ധമായ നരച്ച മുടി, തലമുടി പറ്റെ വെട്ടിയിരിക്കുന്നു. ആരാ? അദ്ദേഹമാരാഞ്ഞു. എനിക്കാളെ പിടികിട്ടി. പേര് നീലൻന്നാണ് തമ്പുരാനേ. ഞാൻ കൈകൂപ്പി ഇത്തിരി മാറി നിന്നു. ഓഹോ! വല്ല്യതമ്പുരാട്ടീടെ ആള്! തമ്പുരാൻ ചിരിച്ചു. താൻ നീങ്ങിനിക്കണ്ടടോ. അതൊക്കെ പഴയ ആവശ്യമില്ലാത്ത ആചാരങ്ങളാണ്. ഞാൻ പല കാര്യങ്ങളിലും ഒരു പഴഞ്ചനാണെങ്കിലും ഇത്തരം കാര്യങ്ങൾ എനിക്കു പഥ്യമല്ല. അപ്പോ ഞാനങ്ങട്... ഞാൻ വലിയാൻ തുടങ്ങി. ഒരു നിമിഷം. തനിക്ക് ചതുരംഗം കളിക്കാനറിയാമോ? കേശവനമ്മാവൻ ഒരു ചെസ്സുകളിഭ്രാന്തനായിരുന്നു. അച്ഛൻ വിട്ടുപോവുന്നതിനു മുൻപ് എത്രയോ മണിക്കൂറുകൾ ഞാനവിടെ ചെസ്സിൽ മുഴുകി ചെലവഴിച്ചിട്ടുണ്ട്! ഇപ്പോൾ വർഷങ്ങളായി ഒരു ചെസ്സ്ബോർഡു കണ്ടിട്ട്. പണ്ടു കളിച്ചിരുന്നു. ഇപ്പോ കൊറച്ചു നാളായി. ഞാൻ ബോധിപ്പിച്ചു. അതൊന്നും സാരമില്ലെടോ. താനിപ്പോ എവിടേയ്ക്കാ? അടുക്കളയിൽ എന്തെങ്കിലും കഴിക്കാൻ... ഞാനിത്തിരി സങ്കോചത്തോടെ പറഞ്ഞു. അതു കഴിഞ്ഞ് ദേ ആ വരാന്തയിലേക്കു വരൂ... തമ്പുരാൻ അങ്ങോട്ടു നടന്നു, ഞാനടുക്കളയിലേക്കും. കുളിച്ചു സുന്ദരിയായ പാറുച്ചേച്ചീടെ കൊഴുത്ത മുട്ടൻ