Chapter Title : കെട്ട്യോൻ ഇച്ഛിച്ചതും അനുജൻ കല്പിച്ചതും [സിമോണ]

കൊണ്ടുമെല്ലാം കൗണ്ട് വർദ്ദിപ്പിക്കാൻ സാധിച്ചുവെന്നു വരാം... പക്ഷെ... പക്ഷെ നിങ്ങളുടെ കേസിൽ കൗണ്ട് കുറവാണെന്നു മാത്രമല്ല... ഉള്ള ബീജങ്ങൾക്കു തന്നെ കാര്യക്ഷമത വളരെ കുറവുമാണ്... സോ.... നൂറുശതമാനം സാധ്യമല്ല എന്ന് ഞാൻ പറയില്ല... പക്ഷെ.. എന്റെ ഒരു എക്സ്പീരിയൻസ് വെച്ച് നിങ്ങൾക്ക് ഒരു പിതാവാകാനുള്ള ബീജശേഷി ഉണ്ടാവാനുള്ള ചാൻസ് വളരെ വളരെ കുറവാണ്..." ഡോക്ടർ റോയ് മാത്യുവെന്ന, നഗരത്തിലെ വളരെ ഫേമസ്സായ ഫെർട്ടിലിറ്റി സ്പെഷ്യലിസ്റ്റിന്റെ എ സി ഓഫീസ് മുറിയിലെ കുളിർമ്മയിലും തന്റെ ശരീരമാകെ പൊള്ളുന്നതുപോലെ തോന്നി അലെക്സിന്.... ഡോകറ്ററുടെ ടേബിളിനപ്പുറത്തിരുന്നിരുന്ന അയാളുടെ മുഖം ദുഃഖം കൊണ്ടും നിരാശകൊണ്ടും പൂർണമായും കുനിഞ്ഞിരുന്നു... ".......നോക്കു അലക്സ്... ഇതിലിങ്ങനെ നിരാശപ്പെടേണ്ട കാര്യമൊന്നുമില്ല... നിങ്ങളുടെ കേസ് ഈ ലോകത്തിൽ ഞാൻ ആദ്യമായി കാണുന്നതൊന്നുമല്ല... ഇന്നത്തെ ജീവിതരീതികളും സാഹചര്യങ്ങളും മൂലം പുരുഷന്മാരിൽ ബീജശേഷി പണ്ടത്തേക്കാൾ തുലോം കുറഞ്ഞുകൊണ്ടിരിക്കുക തന്നെയാണ്... എന്നുവെച്ച് ഈശ്വരനിശ്‌ചയം എന്നൊന്നുണ്ടല്ലോ.... മെഡിക്കൽ സയൻസ് ഒരിക്കലും അന്തിമമായി ആ നിശ്‌ചയത്തിനു മേലെയല്ല.... ഒരുപക്ഷെ സമയം വരുമ്പോൾ ഒരു മിറാക്കിൾ സംഭവിച്ചുകൂടെന്നുമില്ല....

പക്ഷെ, തല്ക്കാലം വൈദ്യശാസ്ത്രത്തിന്റെ അറിവുകൾ വെച്ച് പ്രതീക്ഷയില്ലെന്നു മാത്രമേ എനിക്കും പറയാനാകൂ... എന്നുവെച്ച് അതിലിത്ര വിഷമിച്ചതുകൊണ്ടെന്തു കാര്യം... എന്തുകൊണ്ട് നിങ്ങൾക്കൊരു അഡോപ്‌ഷനെക്കുറിച്ച് ചിന്തിച്ചുകൂടാ???..."തലയുയർത്തി നോക്കിയ അലക്സിന്റെ മുഖത്ത് കാര്യമായ തെളിച്ചമൊന്നും ഡോക്ടർ കണ്ടില്ല... ".......ഡോക്ടർ... സ്വന്തം കുഞ്ഞിനെ പ്രസവിച്ച് വളർത്താനുള്ള സീമന്തയുടെ ആഗ്രഹം... അത്... അത് ഡോക്ടർക്ക് മനസ്സിലാവില്ല.... പാവം... അവൾ ഇപ്പോഴും വല്ലാത്ത പ്രതീക്ഷയിലാണ്.... എന്നെങ്കിലുമൊരിക്കൽ അവളുടെ ഗർഭത്തിൽ ഒരു കുഞ്ഞു വളരുമെന്ന്... ഒരിക്കലും അവൾക്ക് അതിനുള്ള ഭാഗ്യമില്ലെന്ന് ഞാനെങ്ങനെ അവളോട് പറയും... അതും... അതും എന്റെ കുറവുകൊണ്ട് മാത്രം.... " അലക്സിന്റെ കണ്ണുകൾ നിറഞ്ഞു.... ".......ഹേയ്... നിങ്ങളിങ്ങനെ വറീഡാവാതെ അലക്സ്.... ഒരുകാര്യം ചെയ്യൂ... സീമന്തയോട് ക്ലിനിക്കിലെ ഡോക്ടർ രമയെ വന്നോന്നു മീറ്റ് ചെയ്യാൻ പറയു.... അവർ പറഞ്ഞുമനസ്സിലാക്കിക്കോളും അയാളെ... കണ്ടിടത്തോളം സീമന്ത അത്രയ്ക്ക് നിര്ബന്ധബുദ്ധിയുള്ള കൂട്ടത്തിലാണെന്ന് എനിക്ക് തോന്നിയിട്ടില്ല..." ".......അത് ശരിയാണ് ഡോക്ടർ.... ഞാൻ പറഞ്ഞാൽ അവൾ തന്റെ ആ ആഗ്രഹം ഒരു അക്ഷരം പോലും എതിർത്തുപറയാതെ എല്ലാ കാലവും അടക്കിവെക്കുമെന്ന് എനിക്കുറപ്പാണ്... പക്ഷെ.... പക്ഷേ അങ്ങനെയുള്ള അവളോട്