Chapter Title : കെട്ട്യോൻ ഇച്ഛിച്ചതും അനുജൻ കല്പിച്ചതും [സിമോണ]

ഒമ്പതിലായെന്ന് എനിക്ക് വിശ്വസിക്കാനേ പറ്റുന്നില്ല.. എന്തൊരു കൊച്ചു കുട്ടിയാ..." ".......ഹ്മ്മ്... ഇളയമ്മ അവനെ ഏഴുമാസം ഗര്ഭിണിയായി ഇരിക്കുമ്പോഴാ ഇളയച്ഛൻ ആക്സിഡന്റിൽ മരിക്കുന്നത്.. അന്ന് ഞാൻ ഡിഗ്രിക്ക് പഠിക്കുകയാണ്... ഒരുതരത്തിൽ പറഞ്ഞാൽ ഞാനാണ് അവന്റെ വളർച്ച ഇങ്ങനെ കുറയാൻ കാരണം… കോളേജിൽ ഒരിക്കൽ നടന്ന ചെറിയൊരു കശപിശയിൽ ഞാൻ പോലീസ് സ്റ്റേഷനിൽ പോകേണ്ടിവന്നപ്പോൾ ആകെ ഭയന്ന് ഓടിവന്നതാ ഇളയച്ഛൻ... പാവം.. വല്ലാതെ ടെന്ഷനടിച്ചാ അന്നവിടന്നു പോയത്... അന്ന് തിരിച്ചുപോകും വഴി ഹൈവേയിൽ വെച്ച് പുള്ളിക്കാരന്റെ ബൈക്ക് ഒരു ലോറിയുമായി കൂട്ടിയിടിക്കുകയായിരുന്നു... ആ സംഭവത്തോടെ പ്രെഗ്നെന്റായിരുന്ന ഇളയമ്മയുടെ ബി പി വല്ലാതെ കൂടി തല കറങ്ങി വീണു… അബോര്ഷനാവാൻ ചാൻസ് ഉണ്ടെന്ന് കണ്ടപ്പോൾ പെട്ടെന്ന് സിസേറിയൻ നടത്തുവായിരുന്നു.. പ്രീ മെച്വർ ബർത്ത് ആയിരുന്നു ഫെലിക്സിന്റെ.. അതാ അവന് വളർച്ച കുറഞ്ഞിരിക്കുന്നത്... പക്ഷെ അത് കാലം കഴിയും തോറും ശരിയായിക്കോളുമെന്നാണ് ഡോക്ടർ പറഞ്ഞത്... ഞാനാ ഇളയച്ഛന്റെ മരണത്തിനും ഇളയമ്മ വിധവയാവാനും കുട്ടൻ ഇങ്ങനെയാവാനുമെല്ലാം ഒരുതരത്തിൽ കാരണക്കാരൻ... പാവം കുട്ടി..." അത് പറയുമ്പോഴേക്ക് അലക്സിന്റെ കണ്ണുകൾ നിറഞ്ഞിരുന്നു... ".......ഹേയ്... അതൊന്നും ഇച്ചായൻ അറിഞ്ഞുകൊണ്ടല്ലല്ലോ... സാരമില്ല... " അലക്സിന്റെ കണ്ണുകൾ തുടച്ച് സീമന്ത അയാളുടെ നെഞ്ചിലേക്ക് ചാരിയിരുന്നു... ".......വിഷമിക്കണ്ടാ ട്ടോ....

ഞാൻ നോക്കിക്കോളാം അവനെ... വേണ്ട എല്ലാ കാര്യങ്ങളും ഞാൻ ചെയ്തു കൊടുത്തോളം... ഇനീപ്പോ... അവനൊരു ഭാര്യയെ ആണ് വേണ്ടതെങ്കിൽ, അവനു പ്രായപൂർത്തി ആവുമ്പൊ നമുക്കാലോചിക്കാം... അതു പോരെ..."കുസൃതിച്ചിരിയോടെ അവളത് പറഞ്ഞപ്പോൾ അലക്സ് പോലും വിഷമം മറന്ന് പൊട്ടിചിരിച്ചുപോയി... ".......പിന്നേയ്... ശരീരവളർച്ച അല്പം കുറവാണെന്നേ ഉള്ളു കേട്ടോ... പിന്നെ പെട്ടെന്ന് വിഷമം വരുകേം ചെയ്യും...