ഖൽബിലെ മുല്ലപ്പൂ 6 [കബനീനാഥ്]

ഖൽബിലെ മുല്ലപ്പൂ 6 Khalbile Mullapoo Part 6 | Author : Kabaninath [ Previous Part ] [ www.kambistories.com ]

ഇടനാഴിയിലെ വെളിച്ചത്തിൽ സ്വിച്ച് ബോർഡ് കണ്ടുപിടിച്ച് ഷാനു സ്വിച്ചിട്ടു. ആദ്യം സീലിംഗ് ഫാനാണ് കറങ്ങിയത്, അടുത്ത സ്വിച്ചിട്ടപ്പോൾ പ്രകാശം മുറിയിൽ പരന്നു.  ടൈൽസ് പാകിയ തറ .. ഒരു ഡബിൾ കോട്ട് ബെഡ്ഡ് , ഒരു ചെറിയ ടേബിൾ ... ടേബിളിനടുത്തായി ഭിത്തിയിൽ അത്യാവശ്യം വലിപ്പമുള്ള ഒരു കണ്ണാടി . രണ്ടു പ്ലാസ്റ്റിക്ക് കസേര ...ടേബിളിനു താഴെ ഒരു വേസ്റ്റ് ബിൻ ...ഭിത്തിയിൽ അലുമിനിയം പൈപ്പ് അഴയായി സെറ്റു ചെയ്തിരിക്കുന്നു... ബാഗ് തുറന്ന് ജാസ്മിൻ ഒരു ബെഡ്ഷീറ്റ് എടുത്ത് കിടക്കയിൽ വിരിച്ചു.  ഷാനു ശ്രദ്ധയോടെ ചുമലിൽ കിടന്നിരുന്ന മോളിയെ കിടക്കയിൽ കിടത്തി നിവർന്നു ...

ഇനിയെന്ത്.... ??

ഇരുവരും മുഖത്തോടു മുഖം നോക്കാതെ കുറച്ചു നേരം നിശബ്ദരായി നിന്നു .... ആ നിമിഷം വാതിൽക്കൽ മാഷിന്റെ തല കണ്ടു ..

" കിടന്നില്ലേ ....?" വന്നിട്ട് അധികം ആയില്ലെന്ന് അറിഞ്ഞുകൊണ്ടു തന്നെ ഭംഗിവാക്കു പോലെ മാഷ് ചോദിച്ചു.

"ഇല്ല മാഷുപ്പാ ...." ഷാനു പറഞ്ഞു.

" ഇവിടെ ഭക്ഷണ സൗകര്യമൊന്നും ഇല്ല ... ഓർഡർ ചെയ്താൽ അവർ കൊണ്ടു വന്നു തരികയാണ് പതിവെന്നു പറഞ്ഞിരുന്നു ... "

" ഇന്നിനി ഒന്നും വേണ്ട മാഷുപ്പാ ..." മാഷ് പറഞ്ഞു വരുന്നതെന്താണെന്ന് മനസ്സിലാക്കി ജാസ്മിൻ പറഞ്ഞു.

"രാവിലെ സിയാറത്തിൽ പോകണമെന്നാണ് വിചാരിക്കുന്നത് "

" റെഡിയാകാം ... " അവൾ പറഞ്ഞു