Chapter Title : കിച്ചുവിന്റെ ഭാഗ്യജീവിതം 6 [MVarma]

അതെല്ലാം ഓക്കേ ആണ്.

ഞാൻ: ഞാൻ ഒന്ന് നോക്കട്ടെ ചേട്ടാ.. ലൈനിൽ ആണ് കംപ്ലൈന്റ്റ് എങ്കിൽ കെഎസ്ഇബിയിൽ വിളിക്കേണ്ടി വരും.

ഞാൻ നേരെ വീടിനു വെളിയിൽ ഉള്ള മെയിൻസ്വിച്ച് ബോര്ഡില് പോയി നോക്കി.

ഞാൻ: ചേട്ടാ, കുറച്ചു വയറും ഒരു സ്ക്രൂഡ്രൈവറും വേണം.

പ്രകാശ്: എന്ത് പറ്റിയെടാ...?

ഞാൻ: അതെ ചേട്ടാ മീറ്ററിൽ ലൈറ്റ് ഉണ്ട്, അപ്പോൾ ലൈനിൽ കംപ്ലൈന്റ്റ് ഇല്ല. ഈ ഫ്യൂസ് പോയതാണ്. അത് കെട്ടിയിട്ടാൽ മതി.

ചേട്ടൻ പോയി ഒരു തുണ്ട് വയറും സ്ക്രൂഡ്രൈവറും കൊണ്ട് തന്നു. ഞാൻ ആ ഫ്യൂസ് ശെരിയാക്കി ഇട്ടു. മെയിൻസ്വിച്ച് ഓൺ ചെയ്തതും വീട്ടിൽ ലൈറ്റും തെളിഞ്ഞു.

പ്രകാശ്: ശോ.. ഞാൻ എന്നാൽ ഫ്യൂസ് ചെക്ക് ചെയ്യാൻ മറന്നെടാ.. താങ്ക്സ് കിച്ചു.

ഞാൻ: ഇതിനൊക്കെ എന്ത് താങ്ക്സ്.. അല്ല പുതിയ താമസം ആയിട്ട് ചിലവൊന്നും ഇല്ലേ..??

പ്രകാശ്: ഇന്ന് എല്ലാം അടുക്കി വയ്ക്കാൻ തന്നെ സമയം എടുക്കും. ഒരു കാര്യം ചെയ്യ് നാളെ ഉച്ചയ്ക്ക് നീ ഇങ്ങു പോരെ.. ആഹാരം ഇവിടെ നിന്നും ആകാം. അല്ലെടി..

പാർവതി: അത് തന്നെ.. നാളെ ഉച്ചയ്ക്ക് പോരെ കിച്ചു..

ഞാൻ: അയ്യോ നാളെ ഉച്ചയ്ക്ക് പറ്റില്ല.. നാളെ ഒരു കല്യാണം ഉണ്ട്.. നമുക്ക് ഒരു കാര്യം ചെയ്യാം അടുത്ത ഞായറാഴ്ച്ച ആക്കാം.

പ്രകാശ്: തിങ്കളാഴ്ച്ച ഞാൻ പോകും. പിന്നെ ഒരു മാസം കഴിഞ്ഞിട്ടേ വരൂ. അത് കുഴപ്പമില്ല, നീ അടുത്ത ആഴ്ച്ച വാ.. ഇവൾക്കും കൊച്ചിനും ഒരു കമ്പനി ആവും.

പാർവതി: അത് തന്നെ. ചേട്ടൻ പോയാൽ പിന്നെ ഞാൻ ഇവിടെ ബോർ അടിച്ചിരിക്കണം..

ഞാൻ: ഒരു കാര്യം ചെയ്യ് ചേച്ചി, ചേച്ചിക്ക് ബോർ അടിക്കുമ്പോഴൊക്കെ എന്റെ വീട്ടിൽ വന്നാൽ മതി. അവിടെ അമ്മയുണ്ട്, പുള്ളികാരിയും ബോർ അടിച്ചു ഇരുപ്പാണ്.. നിങ്ങൾക്ക് രണ്ടു പേർക്കും സമയം പോകുകയും ചെയ്യും. ഞാൻ എന്തായാലും വൈകിട്ട് വരുമ്പോൾ ഏഴു മണി കഴിയും, അത് വരെ അമ്മയ്ക്കും ഒരു കമ്പനി ആവും.

പ്രകാശ്: അതും ശെരിയാണ്.

പാർവതി: നോക്കട്ടെടാ.. പിന്നെ അടുത്ത ഞായറാഴ്ച്ച ഇവിടുന്ന് ഊണ്.