Chapter Title : കൊച്ചിക്കാരി [പമ്മന്‍ ജൂനിയര്‍]

വിളമ്പി തരുമ്പോള്‍ ഒരു പ്രത്യേക സുഖം ഉണ്ടല്ലോ. കരുതലിന്റെയും സ്‌നേഹത്തിന്റെയുമൊക്കെ. ആ. ആര്‍ക്കറിയാം. ഞാന്‍ വരുമ്പോള്‍ മിക്കപ്പോഴും 10-11 മണിയാവുമല്ലോ. അപ്പോഴേക്കും അവര്‍ കിടന്നിരിക്കും. രാവിലെയുള്ള കാപ്പി കുടി ഒരു ശീലമാക്കാം. ഞാന്‍ സമാധാനത്തില്‍ കിടന്നു.

രാവിലെ 930 ആയപ്പോഴേക്കും ഞാന്‍ ഉണര്‍ന്നിരുന്നു. 10 മണിക്കുള്ള വിളിക്കായി കാതോര്‍ത്തിരുന്നു. കൃത്യം 10 നു കതകില്‍ തട്ടു കേട്ടു. ഞാന്‍ ഒട്ടും താമസിയാതെ ഞാന്‍ വാതില്‍ തുറന്നു. പുഞ്ചിരിയോടെ അവള്‍. ഇന്ന് സാരിയാണ് ഉടുത്തിരിക്കുന്നത്. എവിടെയോ പോവാന്‍ റെഡിയായ മട്ട്.

ഇന്നു സുന്ദരിയായിരിക്കുന്നല്ലോ ജ്യോതി. എവിടെ പോകുന്നു.

അതോ, ഒരു രുദ്രേഷിന്റെ ഒരു സുഹൃത്തിനെ കാണണം. ആ മുഖത്ത് ഒരു മ്ലാനത പടര്‍ന്നിരുന്നു. അതിന്റെ കാരണം അറിയാനുള്ള ആകാംക്ഷയായിരുന്നു എനിക്ക്.

ഞാന്‍ ആദ്യം ചോദിച്ചെങ്കിലും ജ്യോതി ഒന്നും പറഞ്ഞില്ല. അത്രയും അടുപ്പം ആയിട്ടുമില്ലല്ലോ ഞങ്ങള്‍ തമ്മില്‍. എങ്കിലും എന്നെ ഒരു സുഹൃത്തിനെ പോലെ കാണാനൊക്കെ പാറഞ്ഞു ഞാന്‍ അല്പം അടുപ്പം കാണിച്ചപ്പോള്‍ അവള്‍ കാര്യം പറഞ്ഞു. ബന്ധുക്കളില്‍ ആരുടേയോ അടുത്ത് പണം കടം വാങ്ങാന്‍ പോകാനൊരുങ്ങുകയായിരുന്നു അവള്‍. രുദ്രേഷ് അറിഞ്ഞാല്‍ ചിലപ്പോള്‍ ഇഷ്ടപ്പെടില്ലാത്തതുകൊണ്ട് തനിയെ പോവാനായിരുന്നു അവള്‍ടെ പ്ലാന്‍

രുദ്രേഷും മറ്റൊരു സുഹൃത്തും ചേര്‍ന്ന് ഒരു കഫത്തീരിയ തുടങ്ങാനായിരുന്നു പദ്ധതി. രണ്ടുപേരും പപ്പാതി പങ്കാളികള്‍, രണ്ടു പേരും വ്യത്യസ്ത കമ്പനികളില്‍ ജോലി ചെയ്തു വരവേ ആയിരുന്നു ഇങ്ങനെ ഒരു പദ്ധതി മുന്നോട്ടു വന്നത്. എന്നാല്‍ കഫത്തീരിയക്കുവേണ്ട ജോലികള്‍ പുരോഗമിക്കവേ, സുഹൃത്തിനെ ജോലിയില്‍ നിന്ന് പിരിച്ചുവിട്ടു. സാമ്പത്തിക ക്രമക്കേട് ആരോപിച്ചായിരുന്നു അത്. അയാള്‍ക്ക് കമ്പനിയില്‍ നിന്നു കിട്ടേണ്ട ആനുകൂല്യങ്ങള്‍ ബാങ്ക്