Chapter Title : കൊച്ചിയിലെ കുസൃതികൾ 3 [വെള്ളക്കടലാസ്]

ഭക്ഷണവും, മദ്യവും ഒക്കെയായി ആഘോഷം തന്നെയായിരുന്നു. നമ്മുടെ രീതികളും, ഭക്ഷണങ്ങളും, ആഘോഷങ്ങളും, സംസ്കാരവുമൊക്കെ നന്നായി എൻജോയ് ചെയ്ത അയാളും റബേക്കയും പോവുമ്പോ വല്യമ്മച്ചി അയാളെ ആണ് കെട്ടിപ്പിടിച്ചു കരഞ്ഞത്. പിന്നെ അടുത്ത സമ്മറിന് ബെന്നിയുടെ അമ്മ സാറ ചേട്ടത്തിയുടെ അപ്പന്റെ പെങ്ങളുടെ മോൻ ആൽബിയും ഭാര്യ ബെറ്റിയും നാട്ടിലെത്തിയപ്പോ സാറചേട്ടത്തിയെയും ബെന്നിയെയും കാണാൻ വന്നിരുന്നു. ബെറ്റിയാണ് സാറച്ചേട്ടത്തിയോട് കാര്യം പറയുന്നത്.

ആ അറബിയും റബേക്കയും ഒന്നിച്ചാണ് അവിടെ പൊറുതി എന്നും അവർ അവിടെ ഭാര്യാഭർത്താക്കന്മാരെപോലെയാണ് എന്നുമെല്ലാം. ആദ്യം അലക്‌സ് വിശ്വസിച്ചില്ലെങ്കിലും, ആൽബി അലക്സിനെ മാറ്റിനിർത്തി എന്തോ ചിലത് ഫോണിൽ കാണിച്ചുകൊടുത്തതോടെ അലക്‌സ് വിയർത്തു. ആ അറബിയും റബേക്കയും ജോലി ചെയ്തിരുന്ന പുതിയ ഹോസ്പിറ്റലിൽ തന്നെയായിരുന്നു ആൽബിയുടെ ഒരു ഫ്രണ്ട് സായിപ്പ് ജോലി ചെയ്തിരുന്നത്. ഒരു ദിവസം വൈകുന്നേരം എന്തോ സംസാരിച്ചുകൊണ്ടിരുന്നപ്പോഴാണത്രെ നിങ്ങളുടെ കേരളത്തിൽ നിന്നാണ് ഞങ്ങളുടെ ഒരു കോലീഗ് കല്യാണം കഴിച്ചിരിക്കുന്നത് എന്ന് പറഞ്ഞത്.

പിന്നെയാണ് ഡോക്ടറുടെ ബർത്ഡേ സെലബ്റേഷന്റെ ഫോട്ടോയിൽ നിന്ന് ആളെ കാണിച്ചുകൊടുത്തത്. പിന്നെ അപ്പോൾ തന്നെ റബേക്കയെ വിളിച്ചു, പ്രശ്നമായി. അന്ന് തന്നെ റബേക്കയുടെ വീട്ടിൽ പോയി.പിന്നെ വഴക്കായി വക്കാണമായി. രണ്ടു മാസത്തിനുള്ളിൽ റബേക്ക ലാൻഡ് ചെയ്തു, അതും ഒമറിനോടൊപ്പം. അവൾ വന്ന് രണ്ടാമത്തെ ആഴ്ച വീട്ടിൽ വക്കീൽ നോട്ടീസ് വന്നു പിരിയാൻ ഉള്ള. എന്തായാലും ഡിവോഴ്‌സ് കഴിഞ്ഞ് ഒരു വർഷം കഴിഞ്ഞാണ് അലക്‌സ് ബിൻസിയെ കെട്ടിയത്. ഇത്തവണ അബദ്ധം പറ്റാതിരിക്കാൻ അത്യാവശ്യം പഠിപ്പൊക്കെ ഉണ്ടെങ്കിലും അടങ്ങി ഒതുങ്ങിയ, പാവപ്പെട്ട വീട്ടിലെ പെണ്ണിനെ തെരഞ്ഞെടുക്കുകയായിരുന്നു.

അലക്‌സ് പറഞ്ഞതിന് മറുവാക്കില്ലാത്ത ബിൻസിയാകട്ടെ, നീ ഇനി ജോലിയ്ക്കൊന്നും പോകണ്ട , ഇവിടെ കുടുംബം നോക്കാൻ നമ്മുടെ ബിസിനസും കാര്യങ്ങളുമുണ്ട് എന്ന് പറഞ്ഞപ്പോൾ എതിർത്തൊന്നും പറഞ്ഞില്ല. ബിൻസിയെ സംബന്ധിച്ച് അലക്‌സ് രണ്ടാം കെട്ടാണെങ്കിലും, തന്റെ വീട്ടിലെ സ്ഥിതി വെച്ച് കിട്ടിയത് ഒരു ലോട്ടറി ആയിരുന്നു. പക്ഷെ അതോടെ ബിൻസിയ്ക്ക് കുടുംബത്തിൽ ആകെ ബോറടിയായി. അങ്ങനെയാണ് കുടുംബത്തിൽ അവളെ പോലെ തന്നെ ബോറടിക്കുന്ന ബെന്നിയെ അവൾ ശ്രദ്ധിയ്ക്കാൻ തുടങ്ങിയതും, ബെന്നിയുടെ ഏറ്റവും വലിയ ഫ്രണ്ട് ബിൻസിയായി മാറിയതും.

എന്തിനധികം പറയുന്നു