Chapter Title : കൊച്ചിയിലെ കുസൃതികൾ 6 [വെള്ളക്കടലാസ്]

വാങ്ങിയതിന്," അവൻ എന്തൊക്കെയാണ് പറഞ്ഞത് എന്ന് അവനുതന്നെ മനസ്സിലായില്ല. തന്റെ അച്ഛൻ ആകെ വാങ്ങിത്തന്നിട്ടുള്ളത് കുറെ കടമാണ് എന്നവന് അറിയാവുന്നതുകൊണ്ട് എന്താണ് താൻ പറയുന്നത് എന്നോർത്ത് അവൻ തന്നെ അത്ഭുതപ്പെട്ടു.

"അത് നല്ലതല്ലേ. എനിക്ക് മനസ്സിലാവുന്നില്ല?" അവന് ഉത്തരം മുട്ടി. ഇനിയെന്ത് പറയണം അവൻ ആലോചിച്ചു. "ഗുഡ് തിങ് മൈ ഫൂട്. നാൻ അംഗനെ മറ്റിരിയലിസ്റ്റിക് അല. യെനിക് പ്രയോജനമില്ലാത്ത കാര്യംഗൽ യെനിക് വേന്റാ.ബട്ട് ഡാഡ് ന് നാൻ ഡാഡ് നെ പോലെയാവനം യെനാന് ബിക്കോസ് അവർക് നാനെ ചൈൽഡ് ആയി ഉല്ലു. നമുക് റിയലി വേന്റത് യെന്റാന് യെന് നോക്കാതെ സോഷ്യൽ സ്റ്റാറ്റസ് ആന് ഡാഡ് നോകുനെ," അവൻ കത്തിക്കയറി. "സ്റ്റിൽ എനിക്ക് മനസ്സിലായില്ല."

"സീ ഡാഡ് എനിക് ഒരു കാർ വാംഗി.യെനിക് ഈ എയ്ജിൽ ഒരു കാർ വേന്റാ. ലാസ്റ്റ് വീക് യെനിക് 2 ലാക്‌സ് സെന്റ് ചെയ്തു, ഐ ഫോണ് വാംഗികാൻ. യെനിക് അത് വേന്റാ. യെന്റെ വർക് നടകാൻ യെനിക് വേരെ ഫോണ് ഉന്റ്. സോ നാൻ മണി റിട്ടേൺ ചെയ്തു," നുണപറയുമ്പോൾ ഒട്ടും കുറയ്ക്കേണ്ട എന്ന് അവനോർത്തു.

ദേവികയ്ക്ക് അതുകേട്ട് അത്ഭുതം തോന്നി. പണക്കാരുടെ എളിമ, അവൾ മനസ്സിലോർത്തു. "നിന്റെ ഡാഡ് ന്റെ ഒക്യൂപേഷൻ?"

" കുരെ ബിസിനെസ്സ് ഉന്റ് . ലാൻഡ്, കണ്സ്ട്രക്ഷൻ, ടെക്‌സ്റ്റൈൽസ്, ജൂവലറി, ഡൈമൻഡ്സ്. യെനിക് യെലാം അരിയില," തന്റെ നുണയുടെ വലുപ്പം കണ്ട് അവൻ തന്നെ പുഞ്ചിരിച്ചു. കൂടെ അവളും. അവിടെ നിന്നിറങ്ങുമ്പോൾ അവളുടെ മനസ്സ് നിറയെ അവനോടുള്ള ബഹുമാനമായിരുന്നു.

അന്ന് രാത്രി ഒളിച്ചിരിക്കാൻ ഒരു നുണ കിട്ടിയതിന്റെ ആശ്വാസത്തിൽ അവൻ ഉറങ്ങുമ്പോൾ തന്റെ പുതിയ സുഹൃത്തിന്റെ സമ്പത്തും , എളിമയും അവളുടെ ഉറക്കം കെടുത്തിയിരുന്നു. എങ്കിലും പിറ്റേന്ന് നേരം പുലർന്നപ്പോഴേക്കും അവൾ അവളെ സജീവമായി വായ്നോക്കിക്കൊണ്ടിരുന്ന , അവൾക്കും ചില ചെറിയ താത്പര്യങ്ങളൊക്കെയുണ്ടായിരുന്ന മറ്റ് ചില ദിവ്യന്മാരെ പൂർണ്ണമായും മറന്നിരുന്നു.

അവർ പിന്നെയും കണ്ടു സംസാരിച്ചു, ക്ലാസ്സിനകത്തും പുറത്തും ഫോണിലും. അവൻ ഓരോ മാസവും മിച്ചം പിടിക്കുന്ന പൈസകൊണ്ട് ഇടയ്ക്ക് ടൗണിൽ പോയി ,