Chapter Title : കൊച്ചിയിലെ കുസൃതികൾ 9 [വെള്ളക്കടലാസ്]

കോട്ടയത്ത് വന്നു ചാടിയപ്പോൾ എന്നെ ഓർമ്മവന്നിട്ടാവണം എങ്ങനെയോ എവിടുന്നോ എന്റെ നമ്പർ തപ്പിപ്പിടിച്ചു വിളിച്ചു. അങ്ങനെയാണ് ഞങ്ങൾ രണ്ടും വീണ്ടും ഒരേ പട്ടണത്തിന്റെ കൂരയ്ക്കുകീഴിലാണെന്നറിഞ്ഞത്.

ഇത്തവണ ഞാൻ പഴയ പട്ടിണിക്കാരി രജനിയല്ല കോടീശ്വരനായ പലിശ തോമസിന്റെ ഭാര്യയാണെന്ന അഹങ്കാരത്തിൽ നിൽക്കുമ്പോഴാണ് ഇവൾ എന്നോട് പറയുന്നത് അവൾ ബി എസ്സും, എം എസ്സും കഴിഞ്ഞ് ഒരു അമേരിക്കൻ കമ്പനിയിൽ ചേർന്നതും അമേരിക്കയിൽ എത്തിയതും അവിടെ വെച്ച് കൂടെ ജോലിചെയ്യുന്ന കോടീശ്വരൻ മാത്രമല്ല ഇവളെക്കാൾ നാലഞ്ചു വയസ്സിനിളപ്പമുള്ള സുന്ദരനായ അഭിയെ കെട്ടിയതും.

അതിൽ അതി സുന്ദരിയായ ഒരു അമേരിക്കൻ മകളെ കിട്ടിയതും. അമേരിക്ക മടുത്തപ്പോൾ ഭാര്യയും ഭർത്താവും കൂടി നാട്ടിൽ എത്തിയതും. ബാക്കിയുള്ളവരുടെ മോൻ ഇവിടെ അടിപിടി, കള്ളുകുടി ഒക്കെയായും, മോൾ പിള്ളേരുടെ അപ്പിയും മൂത്രവും കോരി ജീവിക്കുമ്പോ ഇവളുടെ മോൾ അവിടെ ബഹിരാകാശത്തേക്ക് ആളെ അയയ്ക്കുന്നതിനെ പറ്റി പഠിയ്ക്കുന്നു."

അത്രയും പറഞ്ഞു നിർത്തി ഒരു ശ്വാസമെടുത്ത ശേഷം അവൾ തുടർന്നു, "ഐഷു, ഇത് നിമ്മി എന്ന നിർമല. നിമ്മിയുടെ ഭർത്താവ് രഘു കപ്പലിലും കരയിലുമായി ജീവിക്കുന്ന ഒരുഭയജീവിയാണ്, കൊച്ചിയിലെ പരമ്പരാഗത പ്രഭു കുടുംബത്തിലെ പ്രധാനിയാണ്. ഭർത്താവിന്റെ ശല്യമില്ല. പിള്ളേരുമില്ല."

"അതുകേട്ടതോടെ നിര്‍മലയുടെ മുഖംവാടി. ഉടനെ "അതാണെനിക്ക് ഇവളോടുള്ള അസൂയയും," എന്നുകൂടി ചേര്‍ത്ത് രജനി പൊട്ടിച്ചിരിച്ചു. നിര്‍മലയുടെ മുഖവും തെളിഞ്ഞു.

"മതി, അതൊക്കെ വിട്. ഇന്ന് ഈ ഐശ്വര്യ അഭിഷേക് നായരും നമ്മുടെ കൂടെ ഉണ്ട്. സോ നമ്മൾ ഇറങ്ങുന്നു, ഷോപ് ചെയ്യുന്നു, ബോട്ടിൽ കേറുന്നു, ഫോർട്ട് കൊച്ചി പോകുന്നു, നല്ല ബിരിയാണി തട്ടുന്നു, സിനിമ കാണുന്നു...." രജനി തുടർന്നു.

"നിർത്ത് നിർത്ത്.... ഒരു കാര്യം പറയാൻ വിട്ടുപോയി," നിർമല ഇടയിൽ കയറിയ ശേഷം തുടർന്നു, " ഇന്ന് നമുക്ക് അത്യാവശ്യം ഷോപ്പിംഗ് മാത്രം നടത്താം. ഉച്ചയ്ക്ക് തിരിച്ച് വീട്ടിൽ പോണം."

"അയ്യട, അതങ്ങ് പള്ളിയിൽ പറഞ്ഞാൽ മതി."

"എടാ ഞാൻ കാര്യമായിട്ടാ, വീട്ടിൽ പോയിട്ട് കാര്യമുണ്ട്."

"എന്ത് കാര്യം, ദേ നോക്ക് ഞാൻ ഇവളെ പറഞ്ഞു സമ്മതിപ്പിച്ചിട്ട്, നീ കാല് മാറല്ലേ..." രജനി പരിഭവിച്ചു.

"എങ്കിൽ ശരി, നിങ്ങൾ രണ്ടുപേരും