Chapter Title : കൊച്ചിയിലെ കുസൃതികൾ 9 [വെള്ളക്കടലാസ്]

അഭയാര്‍ഥിയുണ്ട്. അവനോട് പറയാന്‍ ആണ്," രജനി തന്നെയാണ് മറുപടി നല്‍കിയത്.

"അഭയാര്‍ത്ഥിയൊന്നുമല്ല, എന്‍റെ ഒരു ഫാമിലി ഫ്രണ്ടും ബന്ധുവുമൊക്കെയാണ്," നിമ്മിക്ക് ചൊടിച്ചു.

"എന്തായാലും കൊള്ളാം, ഒരുമാതിരി വെള്ളത്തില്‍ വീണ കോഴിയെപ്പോലെ ഒരുത്തന്‍. ഒരു ചൂടും ചുണയുമില്ല.മര്യാദക്ക് ഒന്നുനിന്ന്‍ സംസാരിക്കുക കൂടിയില്ല," രജനി അരിശപ്പെട്ടു.

"ആ നിന്നോടൊന്നും സംസാരിക്കാന്‍ കൊള്ളൂല, നോക്കിയാല്‍ ചീത്തയായിപ്പോകും എന്നവന് മനസ്സിലായിക്കാണും," നിമ്മി അവസരം കിട്ടിയപ്പോള്‍ ആഞ്ഞടിച്ചു.രജനിയുടെ വാ അടഞ്ഞു. അതുകേട്ട് ഐശ്വര്യ പൊട്ടിച്ചിരിച്ചു.

"അല്ലേലും നിനക്ക് എപ്പോഴുമുള്ളതാ അവന്‍റെ സൈഡ് പിടുത്തം," രജനി മുറുമുറുത്തു.

"ആ ആ ചെറുക്കന്‍ എന്ത് തെറ്റ് ചെയ്തു? ഓരോ ആള്‍ക്കാര്‍ ഓരോപോലെ അല്ലേ?നിനക്ക് എപ്പോഴും അവനെ കാണുമ്പോ നല്ല ചൊറിച്ചില്‍ ആണ്."

പിന്നെ ചൊറിയാതിരിക്കുമോ? ഈ ചെറുക്കന്‍ വന്നതില്‍പിന്നെ വല്ലപ്പോഴും അവിടെ വന്ന് ഇത്തിരി കള്ളുകുടിച്ചിരുന്നത് നിന്നു. ഇവന്‍ അറിഞ്ഞാല്‍ കുടുംബക്കാര്‍ അറിയും, നാട്ടുകാര്‍ അറിയും എന്നൊക്കെ പറഞ്ഞ്, അവിടത്തെ കൂടല്‍ നീ നിര്‍ത്തി. അല്ലെങ്കില്‍ തന്നെ കുടുംബത്തില്‍ പിറന്ന പെണ്ണുങ്ങള്‍ക്ക് മനസ്സമാധാനത്തോടെ ആര്‍മാദിക്കാന്‍ ഇവിടെ എവിടെയാ സ്ഥലം, ഇത്തിരി ആശ്വാസം കിട്ടുന്ന ഇതുപോലുള്ള സ്ഥലത്ത് ഇതുപോലെ ചില ഇരണംകെട്ട ബന്ധുക്കള്‍ കേറിവരും," രജനി ആവലാതി പറഞ്ഞു.

"ശരി, നീ കരയണ്ട, നിനക്ക് ആര്‍മാദിക്കാന്‍ തോന്നുമ്പോ ഇവിടെ കേറിവാടി," ഐഷു രജനിയെ ആശ്ലേഷിച്ചു. അതിനുശേഷം ഐഷു പറഞ്ഞു, "ബൈ ദ ബൈ അതല്ലല്ലോ നമ്മുടെ ഇപ്പോഴുള്ള പ്രശ്നം, നിമ്മിയുടെ സിസി ടിവി അല്ലേ?"

"അതേ ആ ചെറുക്കനെക്കൊണ്ട് ഇങ്ങനേലും ഒരു ഗുണം ഉണ്ടാവട്ടെ എന്ന് വിചാരിച്ചപ്പോ ഇവള്‍ക്ക് അവനോട് ചോദിയ്ക്കാന്‍ ഒരു മടി," രജനി പറഞ്ഞു.

ചോദ്യഭാവത്തില്‍ തന്നെ നോക്കുന്ന ഐശുവിനോട്‌ നിര്‍മല പറഞ്ഞു, " അല്ല, ഞങ്ങള്‍ തമ്മില്‍ തീരെ സംസാരം കുറവാണ്. പിന്നേം രഘുവേട്ടന്‍ വരുമ്പോഴാണ് അവന്‍ വരാറുള്ളത്.ഇതിപ്പോ ഞാന്‍ ഇങ്ങനെ ചോദിച്ചാല്‍, അവന്‍ അതെങ്ങനെ എടുക്കുമെന്നാ? അവന്‍ ചെലപ്പോ ഞാന്‍ അവനെ ഒരു കാര്യസ്ഥനെ പോലെ , വാടകയ്ക്ക് പകരം ജോലി ചെയ്യ്പ്പിക്കുകയാ എന്ന്‍ വിചാരിക്കാനും മതി."

" അതൊന്നുമില്ലെടാ. ചെല പിള്ളേര്‍ ഇത്തിരി റിസര്‍വ്ഡ് ആവും എന്ന് കരുതി നിന്നോട് ദേഷ്യമോ അകല്‍ച്ചയോ