കോകില മിസ്സ് 3 [കമൽ]

കോകില മിസ്സ് 3
Kokila Miss Part 3 | Author : Kamal | Previous Parts

പച്ച പുതച്ച കുന്നിൻ മുകളിൽ, കോടയുടെ മറവിൽ നിന്നും ജിതിൻ പുറത്തു വന്നു. മഞ്ഞു പെയ്തിറങ്ങി തളിർത്തു നിന്ന ചെറുപുൽ നാമ്പുകളിലെ തെളിനീർ തുള്ളികൾ കാൽ കൊണ്ട് തട്ടിത്തെറിപ്പിച്ചു കൊണ്ടവൻ ആ കുന്നിൻചരിവിലൂടെ നടന്നിറങ്ങി. അങ്ങ് താഴെ ചെറു ഓളങ്ങൾ തല്ലുന്ന പുഴയുടെ കരയിൽ വളർന്ന് പന്തലിച്ചു നിൽക്കുന്ന ശിഖിരങ്ങളിൽ നിറയെ ചുവന്ന പൂക്കൾ വിരിയിച്ച് നിൽക്കുന്ന ഒരു വലിയ വാക മരം ലക്ഷ്യമാക്കി അവൻ പ്രൗഢിയോടെ നടന്നു. അവിടെ ആ മരത്തണലിൽ അവനെയും കാത്ത്, ചെഞ്ചോല ചുറ്റി ഒരു കാട്ടുപെണ്ണ് മരം ചാരി നിൽപ്പുണ്ടായിരുന്നു. കസവു കൊണ്ടലങ്കരിച്ച നീല കുർത്തയും കസവു മുണ്ടും ഉടുത്ത് തലയെടുപ്പോടെ നടന്നടുക്കുന്ന തന്റെ മാരനെ കണ്ടവൾ നാണിച്ചു പൂത്തുലഞ്ഞു. തന്റെ തമ്പുരാനെ അന്തിക്കൂട്ടിന് മണിയറയൊരുക്കി കാത്തിരുന്ന ആ കാട്ടുചെമ്പകത്തെ കണ്ടവന്റെ ഉള്ളം പ്രണയാർദ്രമായി. കൈ നിറയെ കരിവളകൾ അണിഞ്ഞ്, മുഖത്തേക്ക് വീണ അളകങ്ങൾ ചെവിക്ക് പുറകിലേക്ക് മാടിയൊതുക്കി നിന്ന അവളിലേക്ക് നടന്നടുക്കുംതോറും തിളക്കമാർജിച്ചു കൊണ്ടിരുന്ന അവളുടെ ചുവന്ന കല്ല് പതിച്ച മൂക്കുത്തി അവളുടെ വശ്യ മനോഹരമായ പുഞ്ചിരിക്ക് അഴകേകി. പ്രകൃതിയുടെ മുഴുവൻ സൗന്ദര്യവും തന്നിലേക്കാവഹിച്ച് സൂര്യ കിരണങ്ങളെ നിഷ്പ്രഭമാക്കിയ അവളുടെ ചിരിയിൽ മയങ്ങി ഒരു മായാലോകത്തെന്ന പോലെ അവൻ അവളിലേക്കടുത്തു. നീളത്തിൽ വാലിട്ട് മഷിയെഴു