Chapter Title : കോളേജ് ലൈഫ് 1 [നിഷ]

കോളേജിൽ നിന്ന് ഒരു പഠന യാത്ര പോകുവാൻ തീരുമാനം ആയി.

രണ്ടു ദിവസത്തെ പ്രോഗ്രാം ആണ് അനുവദിച്ചത്. എല്ലാവരും വലിയ ഉത്സാഹത്തിൽ ആണ്.

അങ്ങനെ അന്ന് ക്ലാസ്സ് കഴിഞ്ഞ് ഞാനും ആർദ്രയും കോളേജിൽ കൂടെ നടന്നു നീങ്ങുമ്പോൾ എന്നോട് സ്വകാര്യമായി ഒരു കാര്യം പറഞ്ഞു.

“വിദ്യാ, ഇന്ന് വീട്ടിൽ ആരുമില്ല. രാത്രി ഞാൻ ഒറ്റയ്ക്ക് ആയിരിക്കും. അച്ഛനും അമ്മയും ബ്രദറും ഒരു കല്യാണത്തിന് പോവുകയാണ്. എനിക്ക് എക്സാമിന് പഠിക്കാൻ ഉണ്ടായതുകൊണ്ട് ഞാൻ കല്യാണത്തിന് വരുന്നില്ല എന്ന് അവരോട് പറഞ്ഞു.”

“വിദ്യാ..പറ്റുകയാണെങ്കിൽ നീ ഇന്ന് എൻ്റെ വീട്ടിലേക്ക് വരുമോ?”

ഞാൻ wonder അടിച്ച പോലെയായി. എങ്കിലും “വരാം” എന്ന് ഞാൻ പറഞ്ഞു. ഉള്ളിൽ ഒരുപാട് കണക്കുകൂട്ടലുകൾ ഉണ്ടായി. അവളുടെ കൈകോർത്തുപിടിച്ച് കോളേജിൽ കൂടെ നടന്നു.

അങ്ങനെ ഞങ്ങൾ ബസ്റ്റോപ്പിൽ എത്തി. ബസ്സിനു കാത്തുനിൽക്കുമ്പോൾ അവൾ എന്നെ ഇടം കണ്ണിട്ടു നോക്കുന്നുണ്ടായിരുന്നു. ഞാൻ ശ്രദ്ധിക്കുന്നുണ്ടോ കള്ള പുഞ്ചിരിയോടെ നോക്കുന്നുണ്ടായിരുന്നു.

ആ സമയം റോഡിൻ്റെ അപ്പുറത്ത് നിർത്തിയിട്ട ഓട്ടോയിലെ ചില ഡ്രൈവർമാർ പെൺകുട്ടികളുടെ സൈഡിലേക്ക് ഒരുമാതിരി നോട്ടം നോക്കുന്നത് ഞാൻ ശ്രദ്ധിച്ചു. ഒരുപാട് എണ്ണം ഉണ്ടയത് കൊണ്ട് ആരെയാണ് നോക്കുന്നത് എന്ന് എനിക്ക് മനസ്സിലായില്ല.

അങ്ങനെ ബസ് എത്തി. എല്ലാ കുട്ടികളും ബസ്സിൽ കയറി. അതോടെ ബസ് ലോഡ് ആയി തിങ്ങി നിറഞ്ഞു. കുട്ടികൾ കുറച്ചു പേര് ഉള്ളതുകൊണ്ട് ആൺകുട്ടികളുടെ ഭാഗം പെട്ടെന്ന് കഴിഞ്ഞിരുന്നു. പിന്നെ മുന്നിൽ ഒട്ടും സ്ഥലം ഇല്ലായിരുന്നു. അതുകൊണ്ട് കുറച്ചു പെൺകുട്ടികൾ പിന്നിലെ ഡോർ വഴിയാണ് കയറിയത്.

ആർദ്ര ബസ്സിൻ്റെ മുന്നിലെ സ്റ്റെപ്പിൽ നിൽക്കുന്നത് കണ്ടു. കോളേജിൽ നിന്നും എൻ്റെ വീട്ടിലേക്ക് ഏകദേശം 11 കിലോമീറ്ററും അവളുടെ വീട്ടിലേക്ക് 6 കിലോമീറ്റർ ആണ് ഉള്ളത്.

“ഒന്ന് വഴി തരുമോ, ഇവിടെ നിൽക്കാൻ സ്ഥലമില്ല.” പെട്ടെന്നാണ് പുറകിൽ നിന്നും ശബ്ദം കേട്ടത്.

ഞാൻ തിരിഞ്ഞു നോക്കിയപ്പോൾ അത് വേറെ ആരുമല്ല ക്ലാസിലെ ജെസി ആയിരുന്നു.

“ഞാൻ വേണമെങ്കിൽ മാറി തരാം പക്ഷേ നിനക്ക് മുന്നോട്ടുപോകാൻ കഴിയുമെന്ന് എനിക്ക് തോന്നുന്നില്ല,” ഞാൻ അവളോട്‌ പറഞ്ഞു.

അത് കേട്ട് അവൾ മുഖം ചുളിച്ചു.