Chapter Title : കൂട്ടുകാരൻ്റെ പെങ്ങൾ എൻ്റെ കാമുകി [Sharath]

എവിടേക്കാണ് പോകുന്നതെന്നോ, ഇത് എന്നെങ്കിലും ഒരു യാഥാർത്ഥ്യമാകുമോ എന്നോ എനിക്ക് ഉറപ്പില്ലായിരുന്നു. പക്ഷേ, മെഹ്റിൻ എന്റെ ജീവിതത്തിൽ കൊണ്ടുവന്ന സന്തോഷം വലുതായിരുന്നു.

ഇക്ക ഗൾഫിലേക്ക് പോയതോടെ മെഹ്റിനുമായി സംസാരിക്കാൻ എനിക്ക് കൂടുതൽ സ്വാതന്ത്ര്യം കിട്ടി. രാവും പകലും ഞങ്ങൾ ഫോണിൽ സംസാരിച്ചു. അവളുടെ ശബ്ദം കേട്ട് ഞാൻ മതിമറന്നു. എന്നാൽ, അപ്പോഴും ഒരു കുറവുണ്ടായിരുന്നു, അവളെ നേരിൽ കാണാൻ സാധിക്കുന്നില്ലല്ലോ എന്നത്.

ഒരു ദിവസം രാത്രി, പതിവുപോലെ ഞങ്ങൾ സംസാരിച്ചുകൊണ്ടിരിക്കുമ്പോൾ മെഹ്റിൻ പതിയെ പറഞ്ഞു: "മാഷേ, എനിക്കെന്തോ വല്ലാതെ കാണാൻ തോന്നുന്നു."

അവളുടെ വാക്കുകൾ കേട്ടപ്പോൾ എന്റെ ഹൃദയത്തിൽ സന്തോഷം നിറഞ്ഞു. "എങ്കിൽ മെഹ്റിൻ, നമുക്ക് ഒരു വീഡിയോ കോൾ ചെയ്താലോ? നിന്നെ ഒന്ന് നേരിട്ട് കണ്ടിരുന്നെങ്കിൽ എന്ന് ഞാൻ ഒരുപാട് ആഗ്രഹിച്ചിരുന്നു," ഞാൻ ആകാംഷയോടെ പറഞ്ഞു.

എന്നാൽ, എന്റെ ആഗ്രഹങ്ങൾക്ക് വിപരീതമായി അവളുടെ മറുപടി വന്നു: "അത് വേണ്ട മാഷേ, എന്റെ ക്യാമറ കംപ്ലെയിന്റാണ്. നമുക്ക് നേരിട്ട് കാണാം."

അവളുടെ മറുപടി എന്നെ തെല്ല് അത്ഭുതപ്പെടുത്തി. ക്യാമറ കംപ്ലെയിന്റ് ആണെന്ന് പറഞ്ഞപ്പോൾ സത്യമാണോ അതോ എന്നെ ഒഴിവാക്കാൻ പറഞ്ഞതാണോ എന്ന് എനിക്കൊരു സംശയം തോന്നി. എങ്കിലും, നേരിട്ട് കാണാമെന്ന് പറഞ്ഞതിൽ എനിക്ക് സന്തോഷമുണ്ടായിരുന്നു.

"നേരിട്ടോ? അതെങ്ങനെ കാണാൻ പറ്റും മെഹ്റിൻ? നിനക്ക് പുറത്ത് എവിടെയെങ്കിലും വച്ച് കാണാൻ പറ്റുമോ അതോ നമ്മൾ ആദ്യം കണ്ടതുപോലെ ബസിൽ വെച്ചാണോ കാണാൻ ഉദ്ദേശിക്കുന്നത്?" ഞാൻ ചോദിച്ചു. ബസിൽ വെച്ച് കണ്ടുമുട്ടിയ ആ ദിവസമാണ് എന്റെ ഓർമ്മയിൽ ആദ്യം വന്നത്.

അവൾ ഉടൻ മറുപടി നൽകി: "ബസിൽ വേണ്ട മാഷേ.