Chapter Title : കൊറോണ ദിനങ്ങൾ 12 [Akhil George] [Climax]

കടിച്ചു ല്ലെ തെമ്മാടി.

ഞാൻ എഴുന്നേറ്റു ഇട്ടിരുന്ന T ഷർട്ട് അഴിച്ചു കളഞ്ഞു, അവള് ഒരു അമ്പരപ്പോടെ എന്നെ നോക്കി. ഞാൻ രണ്ടു മൂന്നു പോസ് കൊടുത്തു എൻ്റെ ബോഡി അവൾക്ക് മുന്നിൽ പ്രദർശിപ്പിച്ചു.

ഞാൻ: കഷ്ടപ്പെട്ട് ജിമ്മിൽ പോയി ഉരുട്ടി എടുത്തത് ആണ് മോളെ ഈ ബോഡി. അല്ലാതെ നിന്നെ പോലെ പേടയും സ്വീറ്റ്‌സും തിന്നുന്ന മാർവാടി ബോഡി അല്ല.

അവള് ചുണ്ട് കൊണ്ട് ഒരു ലോഡ് പുച്ഛം വിതറി എഴുന്നേറ്റു കണ്ണാടിക്കു മുന്നിൽ ചെന്ന് നിന്നു ഡ്രസ്സ് ശരിയാക്കാൻ തുടങ്ങി. പച്ചയും ചുവപ്പും കലർന്ന ഒരു ലഹങ്ക പോലുള്ള ഡ്രസ്സ് ആണ്, നിറയെ മിനുക്കു പണികൾ ഒക്കെ ഉണ്ട്.

ഞാൻ: എന്ത് ഡ്രസ്സ് ആണ് ഡോ ഇത്. ഞങ്ങളുടെ നാട്ടിലെ ടൂറിസ്റ്റ് ബസ്സിൽ ആണ് ഇങ്ങനെ ഒക്കെ ഉണ്ടാവുക.

അവള് തിരിഞ്ഞ് നിന്നു എന്നെ നോക്കി ഒന്ന് കണ്ണുരുട്ടി.

പ്രസീത: കാമദേവ. ആദ്യം ആ ഷർട്ട് എടുത്ത് ഇടു. ഒരു പെൺകുട്ടി റൂമിൽ ഉണ്ടെന്ന ബോധ്യം ഉള്ളത് നല്ലതാ.

ഞാൻ: ഓഹോ. ഇതാണോ പെൺകുട്ടി, തൈ കെളവി ആണ്.

"പോടാ പട്ടി" എന്നും പറഞ്ഞു അവള് എൻ്റെ നേർക്ക് അവിടിരുന്ന ചീർപ്പ് വലിച്ച് എറിഞ്ഞു. ഞാൻ ഒന്ന് ചിരിച്ചു.

ഞാൻ: പിന്നെ ഞാൻ ഇങ്ങനെ നിന്നാൽ പിടിച്ചു നിർത്താൻ പറ്റാത്ത അവസ്ഥ ഒന്നും തനിക്ക് വരില്ല, കാരണം അതൊന്നും അനുഭവിച്ചിട്ടില്ലല്ലോ.

പറഞ്ഞു കഴിഞ്ഞപ്പോൾ ആണ് ഞാൻ പറഞ്ഞതിൻ്റെ ആഴം എനിക്ക് മനസ്സിലായത്. കാരണം അത് കേട്ടതും അവളുടെ മുഖം സങ്കടം കൊണ്ട് ചുവന്നിരുന്നു, കണ്ണുകൾ നിറഞ്ഞു. ഒന്നും മിണ്ടാതെ അവള് റൂമിൽ നിന്നും ഇറങ്ങി പുറത്തേക്ക് നടന്നു. ഞാൻ T ഷർട്ട് ഇട്ടു പിന്നാലെ ഓടി ചെന്നു. അപ്പോഴേക്കും അവള് ലിഫ്റ്റിൽ കയറി താഴേക്ക് പോയി, സ്റ്റെപ്പുകൾ ഓടി ഇറങ്ങി താഴെ എത്തിയെങ്കിലും അവള് കാർ സ്റ്റാർട്ട് ചെയ്ത് പോയി കഴിഞ്ഞിരുന്നു.

ഞാൻ തിരിച്ചു റൂമിലേക്ക് വന്നു. അവളുടെ നമ്പറിലേക്ക് കുറെ വിളിച്ചു, പക്ഷെ കോൾ ഒന്നും അവള് അറ്റൻഡ് ചെയ്തില്ല, ഞാൻ ചെയ്ത തെറ്റിനെ