കോട്ടയം കൊല്ലം പാസഞ്ചർ 9

Kottayam Kollam Passenger Part 9 bY മനോജ് ഉർവശി

Click here to read previous Parts

"എങ്ങോട്ടാ എന്നു വച്ചാ കൊണ്ടു വിടാം കേട്ടോ ..  പകുതി കാശ് തന്നാൽ മതി "

കാവി മുണ്ടും മടക്കിക്കുത്തി ഒരു വഷളൻ ചിരിയോടെ ആ ഓട്ടോ ഡ്രൈവർ പറഞ്ഞു.

ബസ് സ്റ്റാൻഡ് മതിലിനോട് ചേർന്ന്‌ വരി വരിയായി ഓട്ടോകൾ നിരന്നു കിടക്കുന്നു എങ്കിലും പലതും കാലിയായി കിടക്കുകയാണ്. കൂട്ടം കൂടിയും ഒറ്റയ്ക്കും നിൽക്കുന്ന ഡ്രൈവർമാരിൽ നിന്നുള്ള അർത്ഥ ഗർഭമായ മൂളലുകളും വൃത്തികെട്ട  കമന്റുകളും കേട്ട് അറപ്പ്  തോന്നിയപ്പോഴാണ് തൊട്ടടുത്ത് ഒരു പോലീസ് എയ്ഡ് പോസ്റ്റ് കണ്ടത്.

സഹായത്തിന് ഒരു വനിതാ പോലീസ് ഉണ്ടോ എന്ന് നോക്കി , എയ്ഡ് പോസ്റ്റിൽ ലൈറ്റ് ഒക്കെ തെളിഞ്ഞു  കിടപ്പുണ്ടെങ്കിലും അവിടെ എങ്ങും ആരെയും കണ്ടില്ല.

സമയം ഒരു മണി കഴിഞ്ഞിരിക്കുന്നു. കൂട്ടം കൂടിനിന്ന് കമൻറുകൾ പാസ്സാക്കിയ ഓട്ടോ ഡ്രൈവർമാർ ദൂരെ നിന്ന് കണ്ണുകൾ കൊണ്ട് കൊത്തി വലിക്കുന്നതും ഞാൻ കാണുന്നുണ്ട്.

എയ്ഡ് പോസ്റ്റിൽ നിന്നും കുറച്ചു മാറി ഒരു ഓട്ടോറിക്ഷ പാർക്ക് ചെയ്തിട്ടുണ്ട്. മധ്യവയസ്കനായ ഒരാൾ ബീഡിയും വലിച്ച് മുണ്ടും മാടിക്കുത്തി അതിനടുത്ത്‌ നിൽക്കുന്നുമുണ്ട്. ഞാൻ അയാളെ ലക്ഷ്യമാക്കി നടന്നു.

"ഓട്ടം പോകുമോ .... ?"

അങ്കലാപ്പോടെ ഉള്ള എൻറെ ചോദ്യം കേട്ട അയാൾ ഞെട്ടി തിരിഞ്ഞു നോക്കി.

കഷണ്ടി കയറിയ നരച്ച തല മുടിയുള്ള ഒരു മധ്യവയസ്കൻ. ഒരു പ്രാരാബ്ധക്കാരനു ചേരുന്ന എല്ലാ ലക്ഷണങ്ങളുമുണ്ട്. തൊട്ടു മുൻപ് കമൻറുകൾ പാസാക്കി കണ്ണുകൾ കൊണ്ട് കൊത്തി വലിച്ച ചെറുപ്പക്കാരെക്കാൾ ഭേദം അയാൾ തന്നെയാണ് എന്നെനിക്ക് തോന്നി.

"ഓട്ടം പോകുന്നതിന് കുഴപ്പമൊന്നുമില്ല പക്ഷേ ഞാനീ സ്റ്റാൻഡിൽ കിടന്ന് അല്ല ഓടുന്നത് "

പതിഞ്ഞ സ്വരത്തിൽ അയാളുടെ മറുപടി അതെനിക്ക് പകുതി ആശ്വാസം നൽകുന്നതായിരുന്നു.

"അത് സാരമില്ല ഇവിടുന്ന് ഒരു 8 കിലോമീറ്റർ ദൂരമേ ഉള്ളൂ .. "

ഞാൻ പറഞ്ഞു.

"മൂന്നു മണിക്കുള്ള തെങ്കാശി സൂപ്പർ ഫാസ്റ്റിന് കുറച്ച് ലോഡ് കയറ്റി വിടാൻ വേണ്ടി വന്നതാണ് ഞാൻ ... ബസ്സ് വരുന്നതിനു മുൻപ് എനിക്ക്  തിരികെ വരണം"

അയാൾ പറഞ്ഞു.

"പോയി വരാൻ അര മണിക്കൂർ മതി പ്ലീസ്..."

ഇതും പറഞ്ഞ് അയാളുടെ അനുമതിക്ക് കാത്തു നിൽക്കാതെ ഞാൻ ഓട്ടോയിലേക്ക് കേറി.

ഓട്ടോയുടെ സീറ്റിന്റെ മുക്കാൽ ഭാഗവും ഇടത്തരം