Chapter Title : ക്രൈം ഫയൽ 1 [Moonknight]

അവൾ എഴുന്നേറ്റത്…

ബെഡിൽ എഴുന്നേറ്റ് ഇരുന്ന അവൾ കുറച്ചു നേരം പുറത്തേക് തന്നെ നോക്കി ഇരുന്നു…ശേഷം മുടി മെല്ലെ കെട്ടിവച്ചു…അപ്പോഴാണ് ബെഡിൽ തന്നെ ഉള്ള ഫോണിൽ ഒരു മെസ്സേജ് വന്നത്

അവൾ അതെടുത്തു നോക്കി…ഒരു മെസ്സേജ്…എന്നാൽ നമ്പർ കണ്ടപ്പോൾ തന്നെ അവൾക് അതൊരു ഓൺലൈൻ നമ്പർ ആണെന്നും ട്രാക്ക് ചെയ്യാൻ പറ്റില്ല എന്നും മനസ്സിലായി

അത് തുറന്ന് നോക്കിയപ്പോൾ അതിൽ ഒരു വരി മാത്രം ഉള്ള മെസ്സേജ് ആയിരുന്നു

“Hope you are alive.. Looking forward for a wonderful game “

അവൾ ആ മെസ്സേജ് കുറച്ചു നേരം നോക്കി.. ശേഷം ഫോൺ ഓഫ്‌ ആക്കി അത് കാര്യം ആക്കാതെ അവൾ ബെഡിന് സൈഡിൽ ആയി വച്ചിരുന്ന അവളുടെ വെപ്പുകാൽ എടുത്തു വലത് കാൽ തുടയിൽ ചേർത്ത് വച്ചു ലോക്ക് ആക്കി…ശേഷം അതിനു അടുത്ത തന്നെ വച്ചിരുന്ന സ്റ്റിക്ക് വച്ചു താങ്ങി എഴുനേറ്റു റൂമിലെ തന്നെ ബാൽക്കണി ലേക്ക് നടന്നു…..

—------

രാവിലെ മുതൽ എല്ലാ ന്യൂസ്‌ ചാനലുകളിലും ആ വാർത്ത മാത്രം ആയിരുന്നു…..

കുറെയധികം ആൾക്കാരെ കൊണ്ട് നിറഞ്ഞ ആ വീട്ടിലേക്കു മാധവ്നു എത്താൻ തന്നെ ബുദ്ധിമുട്ടി…

എന്നാൽ ക്രൈം സീൻ പോലീസ് സീൽ ചെയ്തത് കൊണ്ട് അകത്തേക്കു ആർക്കും പോകാൻ കഴിഞ്ഞിരുന്നില്ല

മാധവ് നേരെ വന്നു അവിടെ ഉള്ള സബ് ഇൻസ്‌പെക്ടർ ആയ മാത്യൂസ് നെ നോക്കി

“എന്തായി കാര്യങ്ങൾ.. ഫോറെൻസിക് കാർ വന്നില്ലേ “

“വന്നു സർ…എല്ലാവരും നോക്കികൊണ്ട് ഇരിക്കുവാണ്…ഫിംഗർ പ്രിന്റ്സ് പോലും ഇല്ല എന്നാണ് പറയുന്നത് “

അത് കെട്ട് മാധവ് ഒന്നും മിണ്ടാതെ അകത്തേക്കു കയറി.. എന്നാൽ ഹാളിലെ കാഴ്‌ച കണ്ടപ്പോൾ തന്നെ അയാളുടെ കാലുകൾ നിശ്ചലം ആയി…ആ കാഴ്ച കണ്ട അയാളിൽ ഒരു മരവിപ്പാണ് ഉണ്ടായത്

ഒരു സ്ത്രീയുടെ ശരീരം…എന്നാൽ പൂർണമായും വികൃതമാക്കിയ നിലയിൽ…കൈ കാലുകൾ എല്ലാം പലയിടതായി….

അയാൾ കണ്ണുകൾ അടച്ചു ഒരു നിമിഷം പുറത്തേക് നിന്നു…കേസ് കൈ വിട്ടു പോകുന്നത് പോലെ തോന്നി അയാൾക്ക്..

മലയാള സിനിമ നടി ശിവപ്രിയ ആയിരുന്നു ഇത്തവണ കൊല്ലപ്പെട്ടിരുന്നത്….