Chapter Title : ക്രിക്കറ്റ് കളി 6 [Amal SRK]

എല്ലാവരോടുമായി പരിഹാസരൂപേണ ചോദിച്ചു. " എന്നാലും മനസ്സിന് ഇപ്പോഴും ഒരു വിഷമം. ഞാൻ ഉറപ്പായും ജയിക്കുന്ന് വിചാരിച്ച കളിയല്ലേ... " അഭി നിരാശയോടെ പറഞ്ഞു.

" നിർത്ത്.. എനി അടുത്ത തവണ പിടിക്കാം... " നവീൻ എല്ലാവരോടുമായി പറഞ്ഞു. " എടാ.. അഭി റണ്ണേഴ്‌സ് അപ്പിന് കിട്ടിയ ക്യാഷ് പ്രൈസ്‌ വീതിച്ചെടുക്കണ്ടേ...? " രാഹുൽ ചോദിച്ചു. " അത് നമ്മക്ക് നാളെ വീതിക്കാം... " അഭി മറുപടി നൽകി. " എനിക്കൊരു 2000 രൂപ വേണം... " മനു പറഞ്ഞു. " പോടാപ്പാ... കാശ് വീതിക്കുന്നുണ്ടെങ്കിൽ എല്ലാവർക്കും ഒരേ പോലെയെ കൊടുക്കു. നിനക്ക് മാത്രം അതികമൊന്നും തരത്തില്ല... " അഭി പറഞ്ഞു. " എടേയ്... ഫോണിന്റെ ടച്ച്‌ കംപ്ലയിന്റ് ആയികിടക്കുവാ... ഫേസ്ബുക് ഓപ്പൺ ആക്കിയാൽ വാട്സ്ആപ്പ് കിട്ടും, വാട്സ്ആപ്പ് ഓൺ ആക്കിയാൽ ട്വിറ്ററ് കിട്ടും. ഉപയോഗിച്ച് മടുത്തു. ഫോണിന്റെ ഗ്ലാസ്സ് മാറ്റണം. " മനു പറഞ്ഞു. " ഒന്നു പോടോ... നിന്റെ അച്ഛനോട് ചോദിക്ക്... അയാള് തരാതിരിക്കില്ല... " രാഹുൽ പറഞ്ഞു. " നിങ്ങൾക്ക് തരാൻ പറ്റില്ലേൽ അത് പറഞ്ഞാ പോരെ വെറുതെ വീട്ടീകിടക്കുന്നവരെ പറയണോ... " മനു തിരിച്ചു പറഞ്ഞു. പെട്ടന്നാണ് രാഹുലിന് ഒരു കാര്യം ഓർമ വന്നത്. " അല്ലാ... ഞാൻ നിന്നോട് ഒരു കാര്യം ചോദിക്കണം ന്ന് വിചാരിച്ചിരിക്കുകയായിരുന്നു. " രാഹുൽ അഭിയോട് പറഞ്ഞു. " എന്ത്‌ കാര്യം...? " അഭി ചോദിച്ചു. " കിച്ചുവിന് വേണ്ടി ബാറ്റ് എടുക്കാൻ അവന്റെ വീട്ടിൽ ചെന്നപ്പോൾ സുചിത്ര നിനക്കൊരു പണി തന്നെന്നു പറഞ്ഞിരുന്നല്ലോ...? "