Chapter Title : കുമാരസംഭവം 2 [Poker Haji] [Climax]

മാറില്‍ തല ചായ്ച്ചു കൊണ്ടു എങ്ങലടിച്ചു കരഞ്ഞു.അവളെ എങ്ങനെ ആശ്വസിപ്പിക്കണമെന്നു അറിയാതെ രമണി കുഴങ്ങി.അമ്മയുടെ കരച്ചിലു കണ്ടിട്ടു കുഞ്ഞാറ്റയും കരച്ചിലു തുടങ്ങി.ഇതെല്ലാം കണ്ടു കുമാരനു വരേണ്ടിയിരുന്നില്ലെന്നു തോന്നി.ഇനി എന്തു ചെയ്യുമെന്നറിയാതെ കുമാരനും നിന്നു.രമണി കുമാരനെ നോക്കിയപ്പോള്‍ അയാളുടെ മുത്തെ ധൈന്യത കണ്ടപ്പൊ വിഷമം തോന്നി.അങ്ങു റോഡിലൊക്കെ മൂന്നാലു പേരു നിന്നു നോക്കുന്നുണ്ടു.കൂടുതല്‍ താമസിച്ചാലതു നാട്ടാര്‍ക്കു പറഞ്ഞു ചിരിക്കാനവസരമാകും എന്നു മനസ്സിലായ രമണി തന്നെആരും ഒന്നും പറയാതിരുന്ന അവസ്ഥയില്‍ സംസാരത്തിനു തുടക്കമിട്ടു.
'അനിയന്‍ വരുന്ന വഴിയാണൊ'
'അ. അതെ'
'വാ കേറിയിരിക്കു.'
രമണി ചൂണ്ടിക്കാണിച്ചിടത്തു കുമാരന്‍ കേറിയിരുന്നപ്പോഴേക്കുംഇന്ദുവിനെ നോക്കി പറഞ്ഞു
'എടി മോളെ നീ വെളക്കു കത്തിക്കാനുള്ളതു ചെയ്യു.ഈ ത്രിസന്ധ്യ നേരത്തു കണ്ണീരൊലിപ്പിച്ചോണ്ടു വെളക്കു വെക്കരുതു.'
ഇതു കേട്ടു ഇന്ദു പോയി കിണറ്റിന്‍ കരയില്‍ പാതി കഴുകി വെച്ചിരുന്ന വിളക്കും താലവും എടുത്തു കഴുകി തുടച്ചു വെച്ചിട്ടു കുഞ്ഞു കിണ്ടിയില്‍ വെള്ളം നിറച്ചതിനു ശേഷം ചെടിയില്‍ നിന്ന ഒന്നു രണ്ടു പൂക്കളിറുത്തു കിണ്ടിയിലെ വെള്ളത്തിലേക്കിട്ടു.എന്നിട്ടു താലത്തില്‍ വിളക്കും കിണ്ടിയും വെച്ചു കൊണ്ടു പോയി വിളക്കു കത്തിക്കുന്നിടത്തു വെച്ചിട്ടു അതില്‍ എണ്ണയും തിരിയും ഇട്ടു വെച്ചു.അപ്പോഴേക്കും രമണി പോയി ഒരു കട്ടന്‍ ചായ ഇട്ടൊണ്ടു വന്നു.
'ഊം അനിയാ ദെ ഇതു കുടിക്കു.'
യാന്ത്രികമായി കുമാരന്‍ ആ ഗ്ലാസ്സു മേടിച്ചു പതിയെ ചുണ്ടോടടുപ്പിച്ചു ചൂടു കട്ടന്‍ മൊത്തി മൊത്തി കുടിച്ചു.
'എപ്പോഴവിടുന്നു തിരിച്ചു.'
'ഒരു പത്തു മണിയായപ്പൊ .എല്ലാ ഓഫീസ് കാര്യങ്ങളും കഴിഞ്ഞപ്പൊ ഇറങ്ങി .'
'ഊം വല്ലതും കഴിച്ചാരുന്നൊ'
'ഊം കഴിച്ചു അവിടുന്നു ബസ്സു കേറുന്നതിനു മുമ്പു തമ്പാനൂരു നിന്നു ചോറുണ്ടു.പിന്നെ ചാരുമ്മൂടിറങ്ങിയപ്പൊ അവിടന്നു ചായയും കുടിച്ചു.'
'എങ്കി കൊറച്ചു ചോറുണ്ണുന്നൊ വെളമ്പട്ടെ ഞാന്‍ .'
'യ്യൊ വേണ്ടചേട്ടത്തീ എനിക്കു വിശപ്പില്ല കുഴപ്പമില്ല'
'ചോറു കുറച്ചേയുള്ളു ഞങ്ങളു രണ്ടു പേരല്ലെയുള്ളു.പിന്നെ അനിയന്‍ വരുമെന്നു അറിയില്ലാരുന്നല്ലൊ.'
എന്നിട്ടു അത്രയും നേരം സംസാരം കേട്ടു കൊണ്ടു ഉമ്മറത്തു ചുമരും ചാരി നിന്നിരുന്ന ഇന്ദുവിനോടായി പറഞ്ഞു.
'എടി മോളെ ഗോതമ്പു പൊടിയിരുപ്പില്ലെ അതോണ്ടു ദോശയൊ ചപ്പാത്തിയൊ എന്തെങ്കിലുമൊക്കെ ഉണ്ടാക്കു.അല്ലാതെ ചോറു തികയില്ല.'
'അയ്യൊ എനിക്കായിട്ടൊന്നും