Chapter Title : കുടുംബം 3 [Binu]

പിറ്റേന്ന് വീട്ടിൽ വന്നു.മുത്തച്ഛൻ വീട്ടിൽ ഉണ്ടായിരുന്നു.അവൻ ഹാളിൽ നിന്നു ഞാനും വിനുവും സെറ്റിയിൽ ഇരുന്നു

"നീ അവിടെ ഇരിക്ക് " മുത്തച്ഛൻ അവനോടു പറഞ്ഞു. വിനു അവനെ പിടിച്ചു ഇരുത്തി.

"നിൻ്റെ പേര് എന്താ... ?" മുത്തച്ഛൻ ചോദിച്ചു

"അനുരാഗ്.. അനു എന്ന് എല്ലാവരും വിളിക്കും" അവൻ ബഹുമാനത്തോടെ പറഞ്ഞു.

"അച്ഛൻ്റെയും അമ്മയുടെയും നാട് എവിടെയാ..? "

മുത്തച്ഛൻ ചോദിച്ചു

"അറിയില്ല " അവൻ മറുപടി പറഞ്ഞു

" ബന്ധുക്കൾ...?" മുത്തച്ഛൻ പിന്നെയും ചോദിച്ചു

"ആരെയും അറിയില്ല " അവൻ മറുപടി പറഞ്ഞു.മുത്തച്ഛൻ്റെ മുഖം തെളിഞ്ഞു.

" മോളെ... ആ.. കവർ ഇങ്ങ് കൊണ്ടുവാ... " മുത്തച്ഛൻ പറഞ്ഞു അമ്മ ഒരു കവർ മുത്തച്ഛൻ്റെ കയ്യിൽ കൊടുത്തു

" നിനക്ക് ബന്ധുക്കളോ.... സ്വന്തകാരോ ഇല്ലെങ്കിൽ

ഈ പണം നിനക്ക് സ്വീകരിക്കാം പക്ഷേ പഠനം കഴിഞ്ഞു ഇങ്ങ് വരണം ഇവിടെ ഞങ്ങളുടെ മക്കളുടെ കൂടെ ജീവിക്കണം മക്കളിൽ ഒരാളായി.

പിന്നെ ജോലിക്ക് പോകാൻ പാടില്ല ഇവിടുത്തെ സ്ഥാപനങ്ങൾ നോക്കി നടത്തണം. ഇവരിൽ ഒരാളായി നിന്നെ തിരക്കി ആരും ഇങ്ങോട്ട് വരാൻ പാടില്ല കണ്ടീഷൻ സ്വീകരിച്ചാൽ നിനക്ക് ഈ പണം എടുക്കാം" മുത്തച്ഛൻ പണം ടീപ്പോയ്ക്ക് മുകളിൽ വച്ചു അവനെ നോക്കി അവൻ വിനുവിനെ നോക്കി അവൻ ചിരിച്ചു എടുത്തോ എന്ന് ആംഗ്യം കാട്ടി.അവൻ കവർ എടുത്ത് മുത്തച്ഛൻ്റെ കാലിൽ തൊട്ട് തൊഴുതു

" പിന്നെ നിനക്ക് കെട്ടാൻ ഉള്ള പെണ്ണിനെ പോലും കാണിച്ചു തരുന്നത് ഞാൻ ആയിരിക്കും" മുത്തച്ഛൻ പറഞ്ഞു

" എനിക്ക് സമ്മതം ആണ് എന്നെ ഇത്ര