Chapter Title : ലക്ഷ്മിയുടെ രണ്ടാം തിരുമുറിവ് 1 [അച്ചു]

തുറന്ന ആ നിമിഷത്തെ ഓർത്ത് ഒരു ദീർഘ നിശ്വാസത്തോടെ അവൾ കണ്ണടച്ചു.

ഇത് ലക്ഷ്മിയുടെ കഥയാണ്, ഈ കഥ തുടങ്ങുന്നത് 2 ആഴ്ച മുൻപാണ്.

ഒരു സാധാരണക്കാരിയായ തന്നെ കോടീശ്വരനായ രാജീവ് ഇത്രത്തോളം സ്നേഹിക്കുന്നതെങ്ങിനെന്ന ചോദ്യം കോളേജ് കാലം മുതൽ ലക്ഷ്മിയെ അലട്ടിയിരുന്നു. പറയത്തക്ക സൗന്ദര്യം ഒന്നുമില്ല, ഇരുണ്ട നിറം, ചുരുണ്ട മുടി, എന്നാലും രാജീവിന് തന്നെ ജീവനായിരുന്നു, പലപ്പോഴും ആ പ്രണയത്തിൽ ലക്ഷ്മി അഹങ്കരിച്ചിരുന്നു.

ആ അഹങ്കാരത്തിന് ഒരു അവസാനം വന്നത് വിവാഹശേഷം രാജീവിന് കുട്ടികൾ ഉണ്ടാവില്ല എന്നറിഞ്ഞപ്പോഴാണ്. എന്നാലും എപ്പോഴും രാജീവിൻ്റെ കണ്ണിൽ ലക്ഷ്മിയോട് പ്രണയം മാത്രമാണ്, ഒരു കൊച്ചിനെ തരാൻ കഴിയില്ല എങ്കിലും രാജീവിനെ പോലെ സ്നേഹിക്കുന്ന ഒരു ഭർത്താവിനെ ആർക്കും ലഭിക്കില്ല എന്ന് ലക്ഷ്മിക്കും അറിയാം.

അങ്ങനെ മനോഹരമായ അവരുടെ വിവാഹ ജീവിതം 21 വർഷം പിന്നിട്ടു. എന്നും രാത്രി ഓഫീസിലെ കാര്യങ്ങൾ കഴിഞ്ഞ് ക്ലബിൽ പോയി കുടിച്ച് ലക് കെട്ട് വരുന്ന രാജീവ് അന്ന് സ്വബോധത്തോടെ വീട്ടിലേക്ക് കയറി വരുന്നത് കണ്ടപ്പോൾ തന്നെ ലക്ഷ്മിക്ക് അത്ഭുദമായിരുന്നു.

കയ്യിലെ ചെറിയ ഒരു ഫയൽ ലക്ഷ്മിയുടെ നേരെ നീട്ടിക്കൊണ്ട് രാജീവ് ഒരു പുഞ്ചിരി സമ്മാനിച്ചു, തുറന്നു നോക്കിയപ്പോൾ നഗരത്തിലെ ഒരു ട്രാവൽ ഏജൻസിയുടെ പേപ്പറുകളും അവരുടെ പാസ്പോർട്ടും ടിക്കറ്റും ആയിരുന്നു.

2 ആഴ്ചക്ക് ശേഷം തങ്ങളുടെ 22 ആം വിവാഹ വാർഷികവും, അതിൻ്റെ 3 ദിവസത്തിന് ശേഷമുള്ള തൻ്റെ പിറന്നാളിനും ചേർന്നുള്ള രാജീവിൻ്റെ സമ്മാനം, ഫ്രാൻസിലേക്ക് ഒരു സെക്കന്റ് ഹണിമൂൺ. കുറച്ച് ദിവസം മുൻപ് അവൾ ഇൻസ്റ്റഗ്രാമിലെ ഒരു റീൽ കണ്ട് രാജീവിനോട് പറഞ്ഞിരുന്നു, അവൾക്ക് പാരീസ് നഗരത്തിൽ രാജീവിൻ്റെ കയ്യും പിടിച്ച് നടക്കണം എന്ന്. ആ സ്വപ്നം സാക്ഷാത്കരിക്കാൻ രാജീവ് തിരഞ്ഞെടുത്തത് അവരുടെ 22 ആം വിവാഹവാർഷികമാണ്.

പിന്നീടുള്ള ഒരാഴ്ച കാലം ലക്ഷ്മിയുടെ മനസ്സിൽ എപ്പോഴും പാരീസ് ആയിരുന്നു. ഈഫിൽ ടവറിൻ്റെ മുന്നിൽ നിന്ന് രാജീവിനെ ചുംബിച്ച് കൊണ്ട് ഒരു ഫോട്ടോ എടുക്കണം എന്നത് അവളുടെ ഒരു സ്വപ്നം ആയിരുന്നു.

എന്നാൽ ലക്ഷ്മിയുടെ സ്വപ്നങ്ങളെ എല്ലാം തല്ലി കെടുത്തിക്കൊണ്ട് രാജീവിൻ്റെ ഓഫീസിൽ ഒരു