Chapter Title : ലതികയും മരുമകനും [Smitha]

ചെയർമാനായിരിക്കാം...പക്ഷേ കമ്പനിയുടെ എം ഡി മാത്യു അതാത് ദിവസം എനിക്ക് തരുന്ന ബ്രീഫ് റിപ്പോർട് വായിച്ചു നോക്കലല്ല എന്റെ പണി...."

"അതുകൊണ്ടാണ്...അതുകൊണ്ട് മാത്രമാണ് ഞാൻ നിങ്ങളുടെ പേര് വി പിയുടെ സ്ഥാനത്തേക്ക് നിർദ്ദേശിച്ചത് മാത്യുവിനോട്..."

ശ്രീരാഗിന്റെ മുഖം അദ്‌ഭുതത്താൽ വിടർന്നു.

അയാൾക്ക് ഒന്നും മനസ്സിലായില്ല.

"എന്താ ഒരു കൺഫ്യൂഷൻ?"

അയാളുടെ മുഖത്തെ ഭാവം കണ്ട് വർഗ്ഗീസ് കോശി ചോദിച്ചു.

"സാർ അപ്പോൾ ...അപ്പോൾ ജോർജ്ജ്..."

"ജോർജ്ജ്?"

"അതേ ...ജോർജ്ജിന്റെയും എന്റെയും പേരുകളാണല്ലോ ലിസ്റ്റിൽ?"

"എന്തിനുള്ള ലിസ്റ്റിൽ?"

"വി പി..."

വർഗീസ്‌ കോശി ഉച്ചത്തിൽ ചിരിച്ചു. ചിരിയുടെ ശബ്ദം ഓരോ നിമിഷവും ഉച്ചത്തിലായി. അവസാനം ഭ്രാന്ത് കയറിയ ശബ്ദത്തിൽ ചിരിയൊച്ച ആ മാൻഷൻ മുഴുവൻ മുഴങ്ങി.

വർഗ്ഗീസ് കോശിയെ ഒരിക്കലും ശ്രീരാഗ് ചിരിച്ചു കണ്ടിട്ടില്ല.

"അതേ.. "

ചിരിക്കിടയിൽ ശ്രീരാഗ് അയാളുടെ വാക്കുകൾ കേട്ടു.

"വർഗ്ഗീസ് കോശിയുടെ പേര് നിർദ്ദേശിക്കുന്നതിനേക്കാൾ വേറെ ഒരു എളുപ്പ വഴിയുണ്ട്...."

ശ്രീരാഗ് കാതോർത്തു.

"രാജ്യത്തെ ഏറ്റവും വലിയ കാട്ടുകള്ളന്മാരെ താമസിപ്പിച്ചിരിക്കുന്ന ജയിലാണ് തീഹാർ ജയിൽ..അവിടെപ്പോയി ജയിൽ സൂപ്പ്രണ്ടിന്റെ അടുത്ത് പറയണം: സാർ ഈ ജയിലിലെ ഏറ്റവും കൗശലക്കാരൻ കള്ളനെ റിലീസ് ചെയ്യണം...അപ്പോൾ ബഹുമാനപ്പെട്ട സൂപ്രണ്ട കാരണം ചോദിക്കും.അന്നേരം ഞാൻ പറയും.സാർ എനിക്കൊരു ചെറിയ..ചെറിയതെങ്കിലും നല്ല രീതിയിൽ പോകുന്ന ഒരു കമ്പനി ഉണ്ട് ...അതൊന്ന് തകർത്ത് നാരായണകല്ലു പിടിപ്പിക്കാനാ..."

അദ്ദേഹം പിന്നെയും ചിരിക്കാൻ തുടങ്ങി.

"ശ്രീരാഗിന്റെ തലയ്ക്കകത്ത് എന്നാ ചാണകമാണോ ഇതുപോലത്തെ പൊട്ടത്തരം പറയാൻ?"

അദ്ദേഹം ശബ്ദമുയർത്തി.

"അല്ല ..എന്നോട് മാത്യു സാർ പറഞ്ഞത് ..എന്റെയും ജോർജ്ജിന്റെയും പേരാണ് പോസ്സിബിൾ ലിസ്റ്റിൽ ഉള്ളതെന്നാണ്..."

"അത് വേറൊന്നും കൊണ്ടല്ല ...മൂന്ന് ദിവസം മുമ്പല്ലേ പറഞ്ഞെ? അന്ന് ഏപ്രിൽ ഫാസ്റ്റല്ലാരുന്നോ?എന്റെ ശ്രീരാഗേ ...കമ്പനീടെ വി പി ചെയറിൽ ഇരുന്ന് കഴിഞ്ഞാൽ കമ്പനീടെ ഫിനാൻസ് എമ്പയർ മുഴുവൻ നിന്റെ കയ്യിലാ ...ഒരു മാത്യുവും നിനക്ക് മുകളിൽ വരില്ല ...ഞാനല്ലാതെ ...ആ പെണ്ണുപിടിയൻ കാരണം ഉണ്ടായ പൊല്ലാപ്പുകൾക്കൊന്നും ഒരു കണക്കുമില്ല ...എന്നിട്ടാണ്...ആ പൊട്ടൻ തന്നെയാ പറഞ്ഞെ...പപ്പാ എന്റെ കയ്യിൽ പൈസേടെ കൺട്രോൾ ഒന്നും വേണ്ട ...എനിക്കത്ര പിടുത്തം ഒന്നും ഇല്ല ...പപ്പാ