Chapter Title : മാളവിക 1 [Abhisha]

തളർച്ചയും അതേസമയം വല്ലാത്തൊരു ലഹരിയും അവൾക്ക് അനുഭവപ്പെട്ടു. കുറച്ചുനേരം അവിടെയൊന്ന് കിടക്കാം എന്ന് വിചാരിച്ചാണ് അവൾ കട്ടിലിലേക്ക് മലർന്നു വീണത്.

തണുത്ത കാറ്റ് ജനലിലൂടെ വന്ന് അവളുടെ നഗ്നമേനിയിൽ തലോടിക്കൊണ്ടിരുന്നു.

തണുത്ത കാറ്റേറ്റ് ആ കട്ടിലിൽ കിടന്ന മാളവിക എപ്പോഴാണ് ഉറക്കത്തിലേക്ക് വഴുതിവീണതെന്ന് അവൾ അറിഞ്ഞതേയില്ല. ശരീരത്തിന്റെ തളർച്ചയും രാത്രിയിലെ വികാരവിക്ഷോഭങ്ങളും അവളെ അത്രമേൽ ആഴത്തിലുള്ള ഉറക്കത്തിലേക്ക് നയിച്ചിരുന്നു.

പെട്ടെന്ന് അമ്മയുടെ ഉച്ചത്തിലുള്ള വിളി കേട്ടാണ് അവൾ ഞെട്ടി എഴുന്നേറ്റത്. പരിഭ്രമത്തോടെ അവൾ സൈഡ് ടേബിളിലിരുന്ന ഫോൺ എടുത്തു സമയം നോക്കിയപ്പോൾ രാവിലെ ആറുമണി!

അവൾ പെട്ടെന്ന് കട്ടിലിൽ നിന്ന് ചാടി എഴുന്നേറ്റു. അപ്പോഴാണ് തന്റെ ദേഹത്ത് വസ്ത്രങ്ങളൊന്നും ഇല്ലെന്ന കാര്യം അവൾ ഓർത്തത്!

അവൾ പെട്ടെന്ന് കിടക്ക വിരിയും പുതപ്പും ശരീരത്തോട് ചേർത്ത് പിടിച്ചു. ആ അവസ്ഥയിൽ തന്നെ അവൾ ജനലിന് അടുത്തേക്ക് ഓടി. ജനൽ പാളികൾ അപ്പോഴും തുറന്നു കിടക്കുകയായിരുന്നു. പുറത്തെ വെളിച്ചത്തിൽ ആരെങ്കിലും തന്നെ കണ്ടോ എന്ന പേടിയോടെ അവൾ വേഗം ജനൽ വലിച്ചടച്ചു.

അമ്മ വീണ്ടും വാതിലിൽ മുട്ടി.

അമ്മ: "മാളൂ, നീ എന്തിനാ വാതിൽ തുറക്കാത്തത്? സമയം ഇത്രയുമായില്ലേ.മാളവിക വിറയ്ക്കുന്ന കൈകൾ കൊണ്ട് നിലത്ത് കിടന്ന തന്റെ പാൻറും ടോപ്പും എടുത്ത് വേഗം ധരിച്ചു. മുടി ഒതുക്കിക്കെട്ടി.

ഫോൺ ഓണാക്കാൻ ശ്രമിച്ചപ്പോൾ അതിൽ ഒട്ടും ചാർജ് ഇല്ലായിരുന്നു. രാത്രി മുഴുവൻ വീഡിയോ കോളും മറ്റും നടന്നത് കാരണം ബാറ്ററി പൂർണ്ണമായും തീർന്നുപോയിരുന്നു. മാളവിക വെപ്രാളത്തോടെ ഫോൺ ചാർജറിൽ കുത്തിയിട്ടു. ഫോൺ ഒന്ന് തെളിയാൻ പോലും സമയമെടുക്കുമെന്ന് അവൾക്ക് മനസ്സിലായി.അവൾ തന്റെ വസ്ത്രങ്ങളും മുടിയും ഒന്നുകൂടി ശരിയാക്കി. മുഖത്തെ പരിഭ്രമം പരമാവധി മറച്ചുവെച്ച് അവൾ പതുക്കെ മുറിക്ക് പുറത്തിറങ്ങി.

ഹാളിലെത്തിയ മാളവിക കണ്ടത് സോഫയിൽ തളർന്നിരിക്കുന്ന അച്ഛനെയാണ്. അമ്മ അച്ഛന് കുടിക്കാൻ വെള്ളം കൊടുക്കുന്നു.അമ്മ: "എന്താ മോളേ... നിന്റെ മുഖമാകെ വാടിയിരിക്കുന്നത്? നിനക്ക് വയ്യേ? എന്തെങ്കിലും സുഖമില്ലായ്മ ഉണ്ടോ?"

അമ്മ അവളുടെ അരികിലേക്ക് വന്ന് നെറ്റിയിൽ കൈവെച്ച് ചൂടുണ്ടോ എന്ന് നോക്കി. മാളവിക വെപ്രാളത്തോടെ ഒന്ന് പിന്നിലേക്ക് മാറി.

മാളവിക: "അതൊന്നുമില്ല അമ്മേ...