Chapter Title : മാളവിക 8 [Abhisha]

ക്ഷമിക്കേണ്ടത്? ഇനി ആ പഴയ കാര്യങ്ങൾ നമുക്ക് എടുത്തിടണ്ട. വേറെ എന്തെങ്കിലും വിശേഷങ്ങൾ സംസാരിക്കാം," മാളവിക വിഷയം മാറ്റാൻ ശ്രമിച്ചു.വിനോദ് സാർ ഒരു ദീർഘശ്വാസം വിട്ടു. അദ്ദേഹത്തിന്റെ സ്വരത്തിൽ ഇപ്പോൾ അല്പം ആശ്വാസം പ്രകടമായിരുന്നു. "അമ്മായിക്ക് ഇപ്പോൾ എങ്ങനെയുണ്ട് മാളവിക? കുറവുണ്ടോ? തെന്നി വീണതാണെന്നാണല്ലോ അറിഞ്ഞത്."

​"അമ്മയ്ക്ക് ഇപ്പോൾ കുഴപ്പമൊന്നുമില്ല സാർ. രണ്ട് ദിവസം കഴിഞ്ഞാൽ ഡിസ്ചാർജ് ചെയ്യാം എന്ന് ഡോക്ടർ പറഞ്ഞിട്ടുണ്ട്. ഇപ്പോൾ കഞ്ഞിയൊക്കെ കുടിച്ച് ഇവിടെ ടിവി കണ്ടുകൊണ്ടിരിക്കുകയാണ്. എല്ലാവരും സുഖമായിരിക്കുന്നു. സാറിന്റെ അമ്മയ്ക്ക് ഇപ്പോൾ എങ്ങനെയുണ്ട്? മരുന്ന് ഇപ്പോഴും ഉണ്ടോ?" മാളവിക ചോദിച്ചു.

​"അമ്മയ്ക്ക് ഇപ്പോൾ കുഴപ്പമൊന്നുമില്ല. ഇനി ഒരു ചെക്കപ്പ് കൂടിയുണ്ട്, അത് അളിയൻ കൊണ്ടുപോയിക്കോളും. മാളവിക... നീ എന്നോട് സംസാരിച്ചല്ലോ, അത് മതി എനിക്ക്. നീ എപ്പോഴാ സ്കൂളിൽ വരുന്നത്?" അദ്ദേഹം ആകാംക്ഷയോടെ ചോദിച്ചു.

​"രണ്ട് ദിവസം കഴിഞ്ഞ് അമ്മ ഡിസ്ചാർജ് ആയിക്കഴിഞ്ഞാൽ വരാം സാർ," മാളവിക മറുപടി നൽകി.വിനോദ് സാറുമായുള്ള സംഭാഷണം അവസാനിക്കാറായപ്പോഴാണ് അദ്ദേഹത്തിന്റെ സ്വരത്തിൽ വീണ്ടും ഒരു വിറയൽ അനുഭവപ്പെട്ടത്. ഫോൺ വെക്കാൻ തുടങ്ങുന്നതിന് മുൻപ് അദ്ദേഹം പതുക്കെ ചോദിച്ചു.

​"മാളവിക... ഒരൊറ്റ കാര്യം കൂടി ചോദിക്കട്ടെ? ഇനി നമുക്കിടയിൽ ആ പഴയ സൗഹൃദം ഉണ്ടാവില്ലേ? നമ്മൾ പഴയതുപോലെ സംസാരിക്കില്ലേ?"വിനോദ് സാറിന്റെ ഈ സ്നേഹപ്രകടനം അവൾക്ക് ഇപ്പോൾ അല്പം വിരസമായി തോന്നി.

​"സൗഹൃദമൊക്കെ ഉണ്ടാകും സാർ... നമുക്ക് നോക്കാം. ഇപ്പോൾ സാർ ഇതാലോചിച്ച് വിഷമിക്കണ്ട. എനിക്ക് ഇവിടെ കുറച്ച് തിരക്കുണ്ട്, അമ്മായി വിളിക്കുന്നുണ്ട്. ഞാൻ വെക്കുകയാണ്," മാളവിക കൂടുതൽ വിശദീകരണങ്ങൾക്ക് നിൽക്കാതെ പറഞ്ഞു.

​"ശരി മാളവിക... നീ പറഞ്ഞത് എനിക്ക് ആശ്വാസമായി. ഗുഡ് നൈറ്റ്," അദ്ദേഹം ആശ്വാസത്തോടെ പറഞ്ഞു.

​"ഗുഡ് നൈറ്റ് സാർ," മാളവിക കോൾ കട്ട് ചെയ്തു.

​ഫോൺ കട്ടിലിലേക്ക് എറിഞ്ഞ് അവൾ ഒരു ദീർഘശ്വാസം വിട്ടു.കറുത്ത പശ്ചാത്തലത്തിൽ പെയ്യുന്ന മഴത്തുള്ളികൾ അവളുടെ ഉള്ളിലെ കാമനകളെ വീണ്ടും ഉണർത്തി.

​പെട്ടെന്ന് ഫോൺ വീണ്ടും വൈബ്രേറ്റ് ചെയ്തു. ഇത്തവണ ഒരു വീഡിയോ കോൾ ആയിരുന്നു. സ്ക്രീനിൽ 'അർജുൻ' എന്ന് തെളിഞ്ഞു നിൽക്കുന്നത് കണ്ടപ്പോൾ അവളുടെ ചുണ്ടിൽ ഒരു വശ്യമായ ചിരി വിരിഞ്ഞു.അമ്മായി ടിവി കാണുന്ന തിരക്കിലായതിനാൽ അവൾ പതുക്കെ എഴുന്നേറ്റ് മുറിയുടെ ഒരു മൂലയിലേക്ക് മാറി ഇരുന്നു.

​"എന്താടാ... ട്രെയിനിൽ തിരക്ക് ഉണ്ടെന്ന് തോന്നുന്നു ?" മാളവിക സ്വരം താഴ്ത്തി ചോദിച്ചു.​അർജുൻ ട്രെയിനിലെ തന്റെ ബർത്തിൽ കിടക്കുകയായിരുന്നു. "ഞാൻ ബെർതിൽ ഇടുന്നത്