Chapter Title : മാളവിക 8 [Abhisha]

പറഞ്ഞ് ഡോക്ടർ റൂമിൽ നിന്നും ഇറങ്ങി.മാളവിക അമ്മായിയുടെ കട്ടിലിനരികിൽ ഇരിക്കുമ്പോഴാണ് അവളുടെ ഫോൺ ശബ്ദിച്ചത്. സൗമ്യമിസ്സ് ആയിരുന്നു അത്.​"ഹലോ മാളൂ... നീ എവിടെയാ? സ്കൂളിലേക്ക് വരുന്നില്ലേ ഇന്ന്?" സൗമ്യയുടെ ശബ്ദത്തിൽ വല്ലാത്തൊരു പരിഭ്രമമുണ്ടായിരുന്നു.

​"ഇല്ല സൗമ്യാ, അമ്മായിക്ക് വയ്യാതെ ഹോസ്പിറ്റലിലാണ്. നാളെയേ ഡിസ്ചാർജ് ഉള്ളൂ. എന്താ എന്തുപറ്റി?" മാളവിക തിരക്കി.

​"അയ്യോ മാളൂ, നീ അറിഞ്ഞില്ലേ! നാളെ സ്കൂളിൽ അത്യാവശ്യമായി എഇഒ ഓഫീസിൽ നിന്നുള്ള ഓഡിറ്റിംഗ് (Audit) വരുന്നുണ്ട്. പ്രിൻസിപ്പൽ ഇവിടെ ഭയങ്കര കലിപ്പിലാണ്. നീ നോക്കുന്ന ആ സെക്ഷനിലെ പ്രധാനപ്പെട്ട പേപ്പർ വർക്കുകളും ഫയലുകളും സബ്മിറ്റ് ചെയ്യണം. പ്രിൻസിപ്പൽ സാർ രാവിലെ തന്നെ നിന്നെ തിരക്കുന്നുണ്ടായിരുന്നു. നാളെ രാവിലെ ആ ഫയലുകൾ ഇവിടെ എത്തിയില്ലെങ്കിൽ വലിയ പ്രശ്നമാകും."

​സൗമ്യ അത് പറഞ്ഞപ്പോഴാണ് മാളവികയ്ക്ക് കാര്യം ഓർമ്മ വന്നത്. ഓഡിറ്റിന് വേണ്ട പ്രധാനപ്പെട്ട ഡാറ്റയും ഫയലുകളും എല്ലാം അവളുടെ വീട്ടിലിരിക്കുന്ന ലാപ്‌ടോപ്പിലാണ് കിടക്കുന്നത്. അത് പ്രിന്റ് എടുത്ത് ഫയൽ ചെയ്യേണ്ടതുണ്ട്.​"ശരി സൗമ്യാ, നീ പേടിക്കേണ്ട. ആ പേപ്പർ വർക്കുകൾ എല്ലാം എന്റെ ലാപ്പിലാണ് ഉള്ളത്.

ഞാൻ ഇപ്പോൾ തന്നെ വീട്ടിൽ പോയി അത് പൂർത്തിയാക്കി റെഡിയാക്കി വെച്ചോളാം," എന്ന് പറഞ്ഞ് മാളവിക ഫോൺ വെച്ചു.ഫോൺ വെച്ച ശേഷം മാളവിക നേരെ അച്ഛന്റെയും അമ്മയുടെയും അടുത്തേക്ക് ചെന്നു.

​"അമ്മേ... സ്കൂളിൽ നിന്ന് സൗമ്യ വിളിച്ചിരുന്നു. നാളെ സ്കൂളിൽ വലിയൊരു ഓഡിറ്റിംഗ് ഉണ്ട്. ഞാൻ ചെയ്യേണ്ട പ്രധാനപ്പെട്ട പേപ്പർ വർക്കുകൾ എല്ലാം വീട്ടിലെ ലാപ്‌ടോപ്പിലാണ് കിടക്കുന്നത്. അത് ഇന്ന് തന്നെ ചെയ്തു തീർക്കണം. പ്രിൻസിപ്പൽ സാർ നാളെ രാവിലെ അത് സബ്മിറ്റ് ചെയ്യാൻ പറഞ്ഞിട്ടുണ്ട്."അമ്മ അല്പം വിഷമത്തോടെ ചോദിച്ചു, "അയ്യോ മോളേ, കുറേ ചെയ്യാൻ ഉണ്ടോ രാത്രിക്ക് മുമ്പ് നീ ഇങ്ങോട് വരില്ലേ?"​"അത് അറിയില്ല അമ്മേ," അച്ഛൻ ഇടപെട്ടു.

"സ്കൂളിലെ കാര്യമല്ലേ, ഓഡിറ്റ് എന്ന് പറഞ്ഞാൽ വലിയ ഉത്തരവാദിത്തമാണ്. മകൾ പൊയ്ക്കോളൂ. ഇന്ന് രാത്രി ഞാനും അമ്മയും കൂടി ഇവിടെ അമ്മായിയുടെ കൂടെ നിന്നോളാം. നീ പോയി ആ പേപ്പർ വർക്കുകൾ സമാധാനമായി ചെയ്യ്."​"അതേ അമ്മേ, അമ്മായിക്ക് വസ്ത്രങ്ങളും കുറവാണ്. ഞാൻ