Chapter Title : മാമാങ്കം 2 [Manny Kumar] [രക്തവും ലൈംഗികതയും സാമൂതിരിയുടെ ദർബാർ]

സിംഹാസനത്തിന് കീഴിൽ പ്രതികാരത്തിന്റെ വിത്ത് നിശബ്ദമായി മുളച്ചുകൊണ്ടിരുന്നു.

സാമൂതിരി കൊട്ടാരത്തിന്റെ ഉൾഭാഗത്ത്, പടയാളികളുടെ കാൽശബ്ദം പോലും എത്താത്ത ഇടത്താണ് ആ സ്വകാര്യ ശയനമുറി. ഇരട്ട കതകിനപ്പുറം ഭാരമുള്ള സിൽക്ക് തിരശ്ശീലകൾ തറവരെ ഇറങ്ങിനിന്നു. കാറ്റ് ഇല്ല. വെളിച്ചം പുറത്തുനിന്ന് കയറുന്നുമില്ല. മുറി സ്വയം ഒരു ലോകമായി അടഞ്ഞുകിടന്നു.

അകത്ത് വായു ഞെരുങ്ങിയിരുന്നു. ധൂപം ആദ്യം. പിന്നെ ചന്ദനം. അതിനു ശേഷം വിയർപ്പ്. അതിനും അപ്പുറം രക്തത്തിന്റെയും ലൈംഗികതയുടെയും മണം മെല്ലെ പറ്റിയിരുന്നു. ഒന്നിനെയും മറ്റൊന്നിൽ നിന്ന് വേർതിരിക്കാൻ പറ്റില്ല. ശ്വാസമെടുത്താൽ തൊണ്ടയിൽ കയ്പും മധുരവും ഒരുമിച്ച് നിൽക്കും.

സ്വർണ്ണ സ്റ്റാൻഡുകളിൽ കുറച്ച് എണ്ണവിളക്കുകൾ മാത്രം. അവ മിന്നി അണഞ്ഞ് മിന്നി. വെളിച്ചം മുഴുവൻ മുറിയെ കാണിച്ചില്ല. കാണിച്ചത് ഭാഗങ്ങളെ മാത്രം. ഭിത്തിയിലെ അശ്ലീല ചിത്രങ്ങൾ — ദേവന്മാരും സ്ത്രീകളും, കൈകളും കാലുകളും ഇഴഞ്ഞ ശില്പങ്ങൾ — വിളക്കിന്റെ ചലനത്തിൽ ജീവിക്കുന്നതുപോലെ തോന്നി. സ്വർണ്ണപ്പണിയുള്ള തുണികൾക്ക് മുകളിൽ നീണ്ട നിഴലുകൾ ആടി.

തറയിൽ പരവതാനി. ഒരു മൂലയിൽ ചെമ്പ് കിണ്ണങ്ങളും ജലപാത്രവും. മറ്റൊരു വശത്ത് വസ്ത്രങ്ങൾ വലിച്ചെറിഞ്ഞ നിലയിൽ. മുണ്ട്, മേൽമുണ്ട്, ഒരു സ്വർണ്ണമാലയുടെ അറ്റം.

നടുക്ക് വലിയ കാനോപ്പിക്കട്ടിൽ. മുകളിൽ പട്ടുതുണി തൂങ്ങിനിൽക്കുന്നു. അതിന്റെ അരികിൽ സ്വർണ്ണനൂൽ. കട്ടിലിന് മുകളിലെ സിൽക്ക് ഷീറ്റുകൾ, ചുക്കിപ്പിടിച്ച്, ഒരു ഭാഗം തലയിണയോട് ചേർന്ന് കുഴിഞ്ഞ്, മറ്റേ ഭാഗം തറയോളം ഇഴഞ്ഞിറങ്ങി. വെളിച്ചം അവിടെ പതിച്ചപ്പോൾ തുണിയുടെ നനവ് തിളങ്ങി.

മുറിയിൽ സമയം നിന്നുപോയിരുന്നു. പുറത്ത് ദർബാർ ഹാളിൽ മാമാങ്കവും പടയും ചാവേരും. ഇവിടെ അതൊന്നുമില്ല. ഇവിടെ വിളക്കും നിഴലും അടഞ്ഞ