Chapter Title : മാറി മറിഞ്ഞ ജീവിതം [ശ്രീരാജ്]

എന്റെ മോൾക്ക്, അല്ല എനിക്ക് കിട്ടിയ ഭാഗ്യം ആണ്.

ആദ്യം ഒന്ന് ഞെട്ടി എങ്കിലും, അഞ്ജുവിന്റെ മുഖത്ത് പുഞ്ചിരി വിടർന്നു.

ഹരി പതിയെ തല ഉയർത്തി സുലോചനയെ നോക്കി പുഞ്ചിരിച്ചു. സുലോചന തിരിച്ചും.

തല വിട്ടെങ്കിലും, ഹരിയുടെ കൈകളിൽ സുലോചന അമർത്തി ഭദ്രമായി പിടിച്ചു തന്റെ മടിയിൽ തന്നെ വച്ചു. എന്നിട്ട് പറഞ്ഞു : ഈ അമ്മക്ക് ഒരു ആഗ്രഹം ഉണ്ട്... പറഞ്ഞോട്ടെ?..

ഹരി : എന്താന്ന് വച്ചാൽ അമ്മക്ക് എന്നോട് പറഞ്ഞൂടെ?..

സുലോചന : എന്റെ കാലങ്ങൾ ആയുള്ള ആഗ്രഹം ആണുട്ടോ.. ഒരു പുതിയ, അടച്ചോറപ്പുള്ള ടെറസ് ഒക്കെ ഇട്ട ഒരു വീട്. ഈ കാട്ടു മുക്കിൽ അല്ല കേട്ടോ. വേറെ എവിടെങ്കിലും, നല്ല ഒരു സ്ഥലത്ത്. ഹരിക്ക് പറ്റുന്ന സമയത്ത്. ഞാൻ കണ്ണടക്കുന്നതിനു മുൻപേ...

പ്രാർത്ഥനാ പൂർവ്വം തന്റെ കണ്ണുകളിലേക്ക് നോക്കി ഹരി പറഞ്ഞു: മനസ്സിലുണ്ട് അമ്മേ,, ഞാൻ ചെയ്തു തന്നിരിക്കും... അമ്മക്ക് വേണ്ടി, അഞ്ജുവിന് വേണ്ടി...

സുലോചന സന്തോഷം കൊണ്ട് പുഞ്ചിരിച്ചു കൊണ്ട് ഹരിയുടെ കൈ പൊക്കി എടുത്തു ഉമ്മ വച്ചു പറഞ്ഞു : സന്തോഷം ആയേടാ ഈ അമ്മക്ക്.

" ഓഓഓഓഫ്ഫ്ഫ് "... അഞ്ജുവിന്റെ ശബ്ദം കേട്ട് ഇരുവരും അങ്ങോട്ടേക്ക് നോക്കിയപ്പോൾ കണ്ടത്, ബിയർ ഗ്ലാസ്‌ കാലിയാക്കി, കണ്ണടച്ചു കൊണ്ട് ചവർപ്പിന്റെ രുചിചിരിക്കുന്ന അഞ്ജുവിന്റെ ആണ്...

സുലോചനയും ഹരിയും അഞ്ജുവിന്റെ മുഖഭാവം കണ്ട് പൊട്ടിച്ചിരിച്ചു...

പിന്നെയും ഓരോ കാര്യങ്ങൾ സംസാരിച്ചിരിക്കുന്നതിനിടയിൽ ആണ്, സുലോചനയുടെ പഴയ നോക്കിയ ഫോൺ റിങ് ചെയ്തു ഉടനെ...

സുലോചന ഫോൺ കയ്യിൽ എടുത്തപ്പോൾ, ഹരിയും ഫോണിൽ കാണിച്ച