Chapter Title : മാതാ പുത്ര PART_008 [ഡോ. കിരാതൻ]

എന്തായാലും അവരുടെ നന്മക്ക് വേണ്ടിയല്ലേ. ഒരു കൈ നോക്കുക തന്നെ.

മാധവൻ അമ്മയെ വിളിച്ചപ്പോഴാണ് ദൂരെ ഒരു ഗ്രാമത്തിൽ ഒരു വീടുണ്ടെന്ന് അറിയുന്നത്. വിജയനങ്കിൾ പണ്ട് അമ്മയുടെ പേരിൽ വാങ്ങിയതാണത്രേ. അവിടേക്ക് പോയിക്കൂടേയെന്ന് അമ്മ പറഞ്ഞപ്പോൾ പിന്നീടൊന്നും ആലോചിച്ചില്ല. അമ്മ പറഞ്ഞതിൽ പ്രകാരം അമ്മയുടെ മുറിയിലെ  ഷെൽഫ് തുറന്ന് നോക്കിയപ്പോൾ ഒരു വലിയ കവർ കണ്ടു. അതിൽ അതിന്റെ ആധാരവും താക്കോൽക്കൂട്ടവും കണ്ടു.

മാധവന് വല്ലാത്തോരു ആശ്വാസം കൈകൊണ്ടു. വളരെ നാളുകളായി വിരസമായ ജീവിതത്തിൽ അൽപ്പം സാഹസികതയൊക്കെ വരാൻ പോകുന്നു.

കാറിൽ കുറച്ച് വസ്ത്രങ്ങൾ നിറച്ച ബാഗെടുത്ത് വച്ച് അതിന്റെ പുറകിൽ സൈക്കിൾ ഘടിപ്പിക്കാവുന്ന സ്റ്റാൻഡിൽ പൊന്നോമന സൈക്കിൾ പിടിപ്പിച്ചു.  കാറിലെ ജിപിഎസിൽ പോകേണ്ട സ്ഥലത്തെ മാപ്പ് സേവ് ചെയ്ത് കുറച്ചു നേരം മാധവൻ എന്തിനോ വേണ്ടി ആലോചിച്ചു.

അവൻ തിരികെ വീട്ടിൽ കയറിയപ്പോൾ മേരിയും റിൻസിയും ആകെ പേടിച്ച മട്ടിൽ മുറിയുടെ മൂലയ്ക്ക് ഇരിക്കുകയായിരുന്നു.മാധവന്റെ പരുക്കൻ പെരുമാറ്റം അവരെ അൽപ്പം ഭയപ്പെടുത്തിട്ടുണ്ട് എന്നത് പരമാർത്ഥം തന്നെയാണ്. അവരുടെ പേടി മാറ്റാൻ വേണ്ടി മാധവൻ അവരുടെ അരികിലേക്ക് ചെന്നു.

" .....  പേടിക്കേണ്ട ....  പത്ത് ദിവസം നമുക്ക് ഇവിടെ നിന്ന് മാറി നിൽക്കണം ....  അത് കഴിഞ്ഞാൽ എല്ലാം പഴയ പോലെയാകും .... ".

".. ... മോന്റെ അമ്മ പറഞ്ഞിരുന്നു കാര്യങ്ങളൊക്കെ മോൻ ശരിയാക്കി തരുമെന്ന് ....  എനിക്കും മോൾക്കും മോനേ വിശ്വാസമാണ് ....  ". മേരി ഒറ്റ ശ്വാസത്തിൽ പറഞ്ഞു.

" . .. അടുക്കളയിൽ മാവിരിപ്പുണ്ട് .... ദോശ ഞാനുണ്ടാക്കാനോ അതോ ... "

". ... അത് ഞങ്ങൾ ഉണ്ടാക്കിക്കോളാന്നെ ....  മോൻ പോകാനുള്ളതെല്ലാം ഒരുക്കിക്കോ ..... ".

മേരി അതു പറഞ്ഞു കൊണ്ട് അടുക്കളയിലേക്ക് നടന്നു. മാധവൻ റിൻസിയുടെ അടുത്ത് സോഫയിൽ ഇരുന്നു.

" ...... റിൻസിക്ക് നന്നായി വിശക്കുന്നുണ്ട് അല്ലേ ... ".

മാധവന്റെ ചോദ്യത്തിന് വിശപ്പില്ല എന്ന മട്ടിൽ അവൾ തലകുലുക്കി. ക്ഷീണം ഏറിയ അവളുടെ മുഖം നന്നായി വിശക്കുന്നുണ്ട് എന്ന് വെളിപ്പെടുത്തിയിരുന്നു.

" .....  എന്തിനാ ഇങ്ങനെ നുണ പറയുന്നേ .... മുഖത്ത് നല്ല ക്ഷീണം ഉണ്ടല്ലോ .....".

".  ...  ഇന്നലെ രാത്രി സോളമന്റെ ഗുണ്ടകൾ ചേർന്ന് വീട്ടിൽ നിന്ന് ഇറക്കി വിട്ടതാണ്..  വീട്ടിൽ നിന്നും വസ്ത്രങ്ങൾ എടുക്കാൻ പോലും അവർ സമ്മതിച്ചില്ല... വളരെ കഷ്ടപ്പെട്ടാണ് പഠിച്ച