Chapter Title : മായാമയൂരം 2 [കാട്ടിലെ കണ്ണൻ]

25 വയസ്സ് തോന്നിക്കുന്ന ഒരു ശാലീന സുന്ദരി. നീല സാരിയും അതിനിണങ്ങിയ മാലയും കമ്മലും നെറ്റിക്ക് മുകളിലായി സിന്ദൂരവും നെറ്റിയിൽ ഒരു ചന്ദനക്കുറിയും. കൈയ്യിൽ ഒരു കവറുമുണ്ടായിരുന്നു വരാന്തയിൽ അപ്പുവിനെ കണ്ട അവൾ ഒരു മന്തസ്മിതം തൂകി കൊണ്ട് ചോദിച്ചു

അനൂപിന്റെ വീടല്ലേ ഇത് ?

അതേ എന്ന് അപ്പു മറുപടി കൊടുത്തു.

ഒന്ന് വിളിക്കാമോ ?

ചേട്ടൻ ഇവിടില്ല ഏട്ടത്തിയുടെ വീട്ടിൽ പൊയേക്കുവാ

ഓഹോ എപ്പോ വരും ?

അതറിയില്ല നിങ്ങളാരാ ? അപ്പു ആകാംഷയോടെ ചോദിച്ചു

ഓഹ് സോറി ഞാൻ പരിചയപെടുത്താൻ മറന്നു ഞാൻ മയൂര അനൂപിന്റെ ഒപ്പം ഗൾഫിൽ ജോലിചെയ്യുന്ന പ്രവീണിന്റെ വൈഫ് ആണ്.

ഓഹ് !! കയറി ഇരിക്കു ഞാൻ അമ്മയെ വിളിക്കാം എന്ന് പറഞ്ഞ് അപ്പു അകത്തേക്ക് പോയി.

അമ്മേ ദേ ഏട്ടനെ കാണാൻ ഒരാൾ വന്നിരിക്കുന്നു ..

പ്രിയ അവിടെ കണ്ട ഒരു ചെയറിലോട്ട് ഇരുന്നു

ആരാ മോളെ നീ ? എന്ത് വേണം

അമ്മേ ഇത് ഏട്ടന്റെ ഒപ്പം ജോലി ചെയ്യുന്ന പ്രവീണേട്ടന്റെ വൈഫാ മറുപടി കൊടുത്തത് അപ്പു ആയിരുന്നു.

മയൂര അമ്മയെ നോക്കി ചിരിച്ചു അമ്മയും തിരിച്ചൊരു ചിരി കൊടുത്തു.

അനൂപിന്റെ കൈയിൽ ഞങ്ങളുടെ മാര്യേജ് സർട്ടിഫിക്കറ്റ് കൊടുത്തു വിടാൻ പ്രവീണേട്ടൻ പറഞ്ഞിരുന്നു. ഞാൻ അനൂപിനെ ഇന്നലെ വിളിച്ചപ്പോൾ ഉച്ചകഴിഞ്ഞ് ഇവിടെയുണ്ടാകുമെന്ന് പറഞ്ഞിരുന്നു.

ഉച്ചയൂണും കഴിഞ്ഞ് ഇറങ്ങും എന്നാ അവൻ പറഞ്ഞത് ഇതുവരെ ഇവിടെ എത്തിയിട്ടില്ല എവിടെ പോയി കിടക്കുകയാണാവോ ? മോൾക്ക് കുടിക്കാൻ എന്താ എടുക്കണ്ടേ ?

അയ്യോ ഒന്നും വേണ്ട ആന്റി .