Chapter Title : മായാമയൂരം 4 [കാട്ടിലെ കണ്ണൻ]

വിശക്കുന്നുണ്ടോ മായേ ?

ഇല്ല , ചെറുതായിട്ട് വിശക്കുന്നുണ്ടെങ്കിലും അവൾ കള്ളം പറഞ്ഞു.

എന്നാൽ ഞാൻ ഒന്ന് കുളിക്കട്ടെ എന്നിട്ട് കഴിക്കാം നിങ്ങൾ സംസാരിച്ചിരിക്ക്. അനൂപ് ബെഡ്റൂമിലേക്ക് കയറി, പ്രവീൺ മായയെ നോക്കി ഒന്നു ചിരിച്ചു അവളും എന്ത് പറയണമെന്ന് അറിയാതെ മറുപടി എന്നോണം ഒരു പുഞ്ചിരി മാത്രം സമ്മാനിച്ചു .. ആ ഹാളിൽ മൗനം തളംകെട്ടി നിന്നു

"പ്രവീണേട്ടനും ഇവിടെ തന്നെയാണോ താമസം" ആ മൗനാന്തരീക്ഷത്തിന് വിരാമമിട്ടുകൊണ്ട് മായ ചോദിച്ചു..

എന്തേ എന്റെ പ്രസൻസ് ബുദ്ധിമുട്ടായോ ?

അയ്യോ അതല്ല ചേട്ടാ ഇവിടെ രണ്ട് ബെഡ്റൂം ഉണ്ട് ഒന്ന് അടച്ചിരിക്കുകയാണ് അതോണ്ട് ചോദിച്ചതാ ..

ഉം .. അത് എന്റെ ബെഡ് റൂം ആണ് .. അല്ല ആയിരുന്നു എന്ന് പറയുന്നതാവും ശരി. ഞാൻ ഇപ്പോൾ വെറെ ഫ്ലാറ്റിൽ ആണ് താമസം

അതെന്ത് പറ്റി?

നിങ്ങളുടെ സ്വർഗത്തിലെ കട്ടുറുമ്പ് ആകണ്ട എന്നുകരുതി പ്രവീൺ ചിരിച്ചു കൊണ്ടു പറഞ്ഞു

ഉപ്പ്

ഒരു തമാശ കേട്ടതുപോലെ മായയും ചിരിച്ചു..

ഞാൻ ചുമ്മാ പറഞ്ഞതാടോ ഞാൻ വേറെ ഫ്ലാറ്റ് എന്റെ രണ്ട് മൂന്ന് മാസമായി എന്റെ ഫാമിലിയും ഉണ്ട് ഇവിടെ..

ഓഹ് അപ്പോ അനൂപേട്ടനാണെല്ലെ കട്ടുറുമ്പ് ഹ ഹ ഹ .. മായ അതും പറഞ്ഞ് കുറേ ചിരിച്ചു. അപ്പോഴാണ് അനൂപ് കുളിയും കഴിഞ്ഞ് അങ്ങോട്ടേക്ക് വന്നത്. "കഴിക്കാം" അവരിരുപരോടുമായി അവൻ പറഞ്ഞു.. ശേഷം അവൻ തന്നെ അടുക്കളയിൽ നിന്ന് പാത്രങ്ങൾ എടുത്തു കൊണ്ടുവന്നു അപ്പോഴേക്കും പ്രവീൺ കൊണ്ടുവന്ന കവറിൽ നിന്നും ഭക്ഷണം എടുത്ത് പുറത്ത് വച്ചിരുന്നു.

നല്ല ചൂട് പൊറോട്ടയും ബീഫ് കറിയും അവർ മൂവരും പെട്ടെന്ന് തന്നെ അകത്താക്കി. എതാണ്ട് അര മണിക്കൂർ കൂടി അവിടെ ചിലവഴിച്ചതിന് ശേഷം പ്രവീൺ അവരോട് പിന്നെ കാണാം എന്ന് പറഞ്ഞ് പോയി...

പ്രവീൺ പോയതിനു ശേഷം അവർ നേരെ ലുലു മാളിലേക്ക് പോയി. വീട്ടിലേക്ക് ആവശ്യമുള്ള സാധനങ്ങൾ വാങ്ങി തിരിച്ചു വന്നു. റൂമിൽ എത്തിയപ്പോൾ എതാണ്ട് പത്ത് മണി ആയിരുന്നു.

മായ യാത്ര ക്ഷീണം കാരണം നേരെ ബെഡിലേക്ക് കേറി കിടന്നു.