Chapter Title : മായരാഗം പോലെ 2 [MJ]

കേട്ട് വിനോദം കണ്ടെത്തുക എന്നത് ആയിരുന്നു.

അവർ രണ്ടു പേരും എനിക്കു സഹിക്കാൻ പറ്റാത്ത രീതിയിൽ ഉപദ്രവിക്കുകയും എൻ്റെ കന്യാകാത്വം കവർന്നു എടുക്കുകയും ചെയ്തു.

രണ്ടേ രണ്ടു ദിവസം അവരുടെ ക്രൂരത ഞാൻ അനുഭവിച്ചു. എങ്ങനെയോ അവരിൽ നിന്ന് ഞാൻ രാത്രി രക്ഷപ്പെട്ടു. അവർ എന്നെ കാറിൽ

പിന്തുടർന്ന് കൊണ്ടിരുന്നു. ഏതോ മറവിൽ ഒളിച്ച ഞാൻ അവരുടെ നിലവിളി കേട്ടു. ഏതോ

കണ്ടെയ്നറുമായി അവരുടെ കാർ കൂട്ടിയിടിച്ചു.

ഞാൻ തിരികെ എങ്ങനെയോ വീട്ടിൽ എത്തി. അവിടെ നിന്ന് എൻ്റെ കൂട്ടുകാരിയെ ഫോണിൽ ബന്ധപ്പെട്ടു. അവൾ അച്ഛനെ കൂട്ടി വന്നു എന്നേ കണ്ടൂ. എല്ലാം ഞാൻ അവളോട് പറഞ്ഞപ്പോൾ അവൾ കരഞ്ഞു കൊണ്ട് എന്നെ കെട്ടിപ്പിടിച്ചു.

അവർ എന്നെ അവരുടെ വീട്ടിലേക്ക് കൊണ്ട് പോയി. അവൾ പഠിക്കുന്നത് ചെന്നൈയില് ആണ്. വീട് ഇവിടെയും.. ഒരു മാറ്റം നല്ലത് ആണെന്ന് പറഞ്ഞു കൊണ്ട് അവളുടെ അച്ഛൻ എന്നെ അവളുടെ കൂടേ അയച്ചു. കുറെ ദിവസം ഞാൻ മുറിക്ക് പുറത്ത് ഇറങ്ങിയില്ല. ഒരു ദിവസം എന്നെ കാണാൻ അവർ വന്നു. വല്യച്ഛനും അമ്മയും. നന്ദുട്ടൻ്റെ അമ്മയെ

ഞാൻ അമ്മ എന്ന് വിളിച്ചാണ് വളർന്നത്. അമ്മയുടെ കുറവ് എന്നേ അറിയിച്ചില്ല.

കാര്യങ്ങള് എല്ലാം അവർ അറിഞ്ഞു. ചേർത്ത് പിടിച്ചു എന്നേ ആശ്വസിപ്പിച്ചു. അമ്മയുടെ നെഞ്ച് എനിക്ക് സമാധാനം തന്നു. നിശബ്ദമായി കരഞ്ഞു തീർത്തു. കൂട്ടി കൊണ്ട് പോകാൻ ശ്രമിച്ചപ്പോൾ പോയില്ല. എൻ്റെ ഇഷ്ടത്തിന് വിട്ടു.

അവളുടെ കൂടേ പഠിക്കാൻ പോയി. പഠിക്കുന്ന കാലത്ത് ആരെയും നോക്കാൻ പോയില്ല. പഠിച്ചു ബാങ്കിൽ ജോലിക്ക് കയറി. മനസ്സ് കല്ലാക്കി കർക്കശമായി പെരുമാറി. ആരോടുമായും സൗഹൃദം പുലർത്താൻ തോന്നിയില്ല. പക്ഷേ എന്തോ ഒന്ന് എന്നെ നാട്ടിലേക്ക് വിളിക്കുന്നു. ഞാൻ മറന്ന എന്തോ ഒന്ന്. വർഷങ്ങൾക്ക് ശേഷം ആണ് ഞാൻ തിരികെ നാട്ടിലേക്ക് ചെന്നത്. അവിടുത്തെ ജോലി മതിയാക്കി പോന്നത് ആണ്.

നാട്ടിലേക്ക് പോകുന്ന കാര്യം പറഞ്ഞപ്പോൾ ഏറ്റവും കൂടുതൽ സന്തോഷം അമ്മയ്ക്ക് ആയിരുന്നു. അപ്പോഴാണ് ആരുടെയോ സ്വരം കാതിൽ വീണത്. ആരോ അമ്മയോട് എന്തൊക്കെയോ പറയുന്നു. അതേ.. നന്ദു..