Chapter Title : മായരാഗം പോലെ [MJ]

കുളിരും തീറ്റ തേടുന്ന കിളികളുടെ

ശബ്ദവും പുഴയുടെ കളാകളാരവും എല്ലാം മനസ്സിൽ എന്തെന്നില്ലാത്ത സന്തോഷം നിറച്ചു. അങ്ങു ദൂരെ പച്ചപ്പ് നിറഞ്ഞ മലകൾ

മഞ്ഞ് പുതച്ചു നിൽപ്പുണ്ട്. ഞാൻ കണ്ടൂ..

കുഞ്ഞ് കേറ്റത്തിനു മുകളിൽ തല ഉയർത്തി നിൽക്കുന്ന മാളിക.. ഞാനും എൻ്റെ മായേച്ചിയും കളിച്ചു വളർന്ന വീട്.. പൊതു

വഴിയിൽ നിന്ന് ഉള്ളിലേക്ക് ഇരുന്നൂറു മീറ്റർ ഉള്ളിലാണ് വീട്. ജാതിക്ക തോട്ടമണ്. കൊക്കോയും മറ്റും ഉണ്ട്.. ഞാൻ വേഗത്തിൽ

നടന്നു.. പുറം പണിക്കാർ എന്ന് പറയാൻ ആകെ ഒരാളെ ഉള്ളൂ.. കേശവൻ മാമൻ..

ഞാൻ മുന്നോട്ടു നടക്കുമ്പോൾ വിളിച്ചു പറയുന്നത് ഞാൻ കേട്ടു..

" സുഭദ്രമ്മേ... ദേ കൊച്ചു മോൻ വന്നിരിക്കുന്നു.."

മുറ്റത്ത് എത്തിയതും ഞാൻ കണ്ടൂ എൻ്റെ വീടിനെ.. അഞ്ചു വർഷങ്ങൾക്ക് ശേഷം

ആണ് ഞാൻ ഇവിടെ വരുന്നത്. കേശവൻ

മാമനെ നോക്കി ഞാൻ ചിരിച്ചു..

" വർഷങ്ങൾ എത്രയായെന്ന് അറിയോ നീ

ഇങ്ങോട്ട് വന്നിട്ട്.."

ഞാൻ ചെറുപ്പം മുതലേ കാണുന്ന ആൾ ആണ് കേശവൻ മാമൻ. ആളുടെ വീട് കുറച്ചു ദൂരെ ആണ്. മാമൻ ചെറു പരിഭവം പറഞ്ഞു.

അടുത്തേക്ക് വരാൻ ഒരുങ്ങിയപ്പോൾ എന്നെ തടഞ്ഞു..

" വേണ്ട കുട്ടി നിറയെ അഴുക്ക് ആണ്..."

" ഇപ്പോഴും ആരോഗ്യത്തിന് കുറവ് ഒന്നും ഇല്ലല്ലോ.. നല്ല ഉഷാർ ആണല്ലേ.. വാസന്തി ആയിരിക്കും ആരോഗ്യ രഹസ്യം.."

ഞാൻ കള്ള ചിരിയോടെ പറഞ്ഞപ്പോൾ

ആൾ ഒന്ന് ഞെട്ടി..

" മിണ്ടാതിരിയെടാ... സുഭദ്രമ്മ കേട്ടാൽ എന്നെ ഓടിക്കും ഇവിടുന്ന്.."

" മോനെ നന്ദുട്ട..."

മുത്തശ്ശി വേഗത്തിൽ വന്നു എന്നെ പുണർന്നു. ആ കണ്ണുകൾ നിറഞ്ഞിട്ടുണ്ട്.

അഞ്ച് വർഷങ്ങൾക്ക് ശേഷം കൊച്ചു മകനെ കാണുന്ന സങ്കടവും സന്തോഷവും ആ മുഖത്തു ഞാൻ കാണുന്നുണ്ട്.. സ്നേഹ ലാളന കഴിഞ്ഞ് പടിപ്പുര കയറുമ്പോൾ കണ്ണുകൾ തേടിയത് എൻ്റെ മായേച്ചിയെ ആണ്. മുത്തശ്ശിയോട് ചോദിച്ചു..

" നിന്നെ കണ്ടപ്പോൾ ഞാൻ മറന്നു പോയി,

അവൾക്ക് ഇന്നലെ മുതൽ പനി ആയിരുന്നു.

ഇപ്പൊൾ കുറഞ്ഞിട്ടുണ്ട്.. കിടക്കുകയാണ്..

മോൻ യാത്ര കഴിഞ്ഞ് വന്നത് അല്ലേ.. പോയി കുളിക്കു.. സമയം