Chapter Title : മധുര പതിനെട്ടിൽ ആയിഷ 5 [ഗില്ലി ബാല]

എല്ലാം കാണാ പാടമാണ്…

​ഫൈസി ഉടനെ ഫോണെടുത്ത് അജുവിനെ വിളിച്ചു. രണ്ടാമത്തെ ബെല്ലിൽ അവൻ ഫോണെടുത്തു. പശ്ചാത്തലത്തിൽ ആൺകുട്ടികളുടെ ആർപ്പുവിളികളും ഫുട്ബോൾ തട്ടുന്ന ശബ്ദവും വ്യക്തമായി കേൾക്കാമായിരുന്നു.

​"എടാ അജൂ... നീ ഇത് എവിടെയാ? ഞങ്ങൾ ഇവിടെ വാതിൽക്കൽ നിൽക്കുവാ," ഫൈസി അല്പം കടുപ്പത്തിൽ തന്നെ ചോദിച്ചു.

​"ഞാൻ ഗ്രൗണ്ടിലാ ഇക്കാ... ഒരു മാച്ച് നടക്കുവാ," അജു കിതച്ചുകൊണ്ട് മറുപടി പറഞ്ഞു.

​"എടാ, ഞങ്ങൾ വരുന്നത് നിനക്ക് അറിയാവുന്നതല്ലേ? എന്നിട്ടാണോ നീ കളിക്കാൻ പോയത്? ഉമ്മയെങ്കിലും ഉണ്ടായിരുന്നെങ്കിൽ സാരമില്ലായിരുന്നു. ഇതിപ്പോ ഞങ്ങൾ പുറത്ത് നിൽക്കണോ?"

ഫൈസിക്ക് ശരിക്കും ദേഷ്യം വന്നു.

​"ഓ... അതിന് ഇക്ക വരുന്നതിന് ഞാനെന്തിനാ അവിടെ കാവലിരിക്കുന്നത്? ഇക്കയ്ക്ക് വീട് അറിയില്ലേ? ആ വലതുവശത്തെ ജനലിന്റെ അരികിൽ തപ്പിയാൽ ചാവി കിട്ടും. എടുത്ത് അകത്ത് കയറിക്കോ... എനിക്ക് ഇവിടെ കളി തീരാനായിട്ടില്ല. ഞാൻ രാത്രി വരാം

," അജു ഒട്ടും ഗൗരവമില്ലാതെ പറഞ്ഞു തീർത്തതും ഫോൺ കട്ടായി.

​"കണ്ടോ... ഇവന്റെ ഒരു കാര്യം," ഫൈസി ഫോൺ പോക്കറ്റിലിട്ട് ഐഷുവിനെ നോക്കി.

"നാട്ടിലെ പിള്ളേരുടെ കൂടെ ഗ്രൗണ്ടിലാ. നമുക്ക് ചാവി എടുക്കാം."

​ഫൈസി പറഞ്ഞതുപോലെ ജനൽപ്പടിക്കൽ നിന്നും ചാവി കണ്ടെത്തി. വാതിൽ തുറന്ന് അകത്തേക്ക് കയറിയപ്പോൾ വീടിനുള്ളിൽ ഒരു തണുപ്പും ഏകാന്തതയും അനുഭവപ്പെട്ടു. ഉമ്മയും ഉപ്പയും ഇല്ലാത്ത ആ വലിയ വീട് ഇപ്പോൾ അവർക്ക് മാത്രമായി തുറന്നു കൊടുക്കപ്പെട്ടതുപോലെ തോന്നി.

​"വാ ഐഷൂ... അകത്തേക്ക് കയറിക്കോ,"

ഫൈസി ലൈറ്റുകൾ തെളിച്ചു.
​ഉമ്മറത്തെ വലിയ ഹാളും അവിടുത്തെ സോഫകളും കണ്ടപ്പോൾ ഐഷുവിന് വലിയൊരു ആശ്വാസം തോന്നി. അജു