Chapter Title : മധുര പതിനെട്ടിൽ ആയിഷ 7 [ഗില്ലി ബാല]

പ്രാക്ടീസ് ഉണ്ടോ?" ആമി സംശയത്തോടെ ചോദിച്ചു.

​"ഉണ്ട്, സെലക്ഷൻ വരാൻ പോവുകയല്ലേ. വേഗം വാ," ആ പെൺകുട്ടി നിർബന്ധിച്ചു.

​ആമി ഐഷുവിനെ നോക്കി. തനിച്ചാക്കി പോകാൻ മടിയുള്ളതുപോലെ.

"നീ പൊയ്ക്കോ ആമീ... ഞാൻ ഇവിടെ ഇരുന്നോളാം. കളി കാണാലോ," ഐഷു അവൾക്ക് ധൈര്യം നൽകി.

​"ശരി, ഞാൻ വേഗം വരാം," എന്ന് പറഞ്ഞ് ആമി എഴുന്നേറ്റു പോയി.

​ഗാലറിയിൽ നിന്നും ആമി അകന്നു പോകുന്നത് ദൂരെ മൈതാനത്ത് നിന്ന് ഷാനി കാണുന്നുണ്ടായിരുന്നു.

തന്റെ മുന്നിലെ തടസ്സം മാറിയത് കണ്ടതും ഷാനിയുടെ കണ്ണുകളിൽ ഒരു വന്യമായ തിളക്കം വന്നു. ഐഷു ഇപ്പോൾ ഗാലറിയിൽ തനിച്ചാണ്... അവന്റെ ചുണ്ടിൽ ഒരു കള്ളച്ചിരി വിരിഞ്ഞു.

​​ആമി കണ്മുന്നിൽ നിന്നും മറഞ്ഞതും ഗാലറിയിലെ ആൾക്കൂട്ടത്തിനിടയിലൂടെ ഷാനി ഐഷുവിന്റെ അടുത്തേക്ക് നടന്നു വന്നു.

അവന്റെ നടപ്പിലും നോട്ടത്തിലും ഒരു പ്രത്യേക വേഗതയുണ്ടായിരുന്നു. ഐഷുവിന്റെ അടുത്തെത്തിയതും യാതൊരു അനുവാദവും ചോദിക്കാതെ അവൻ അവളുടെ തൊട്ടടുത്ത് വന്നിരുന്നു.

ഷാനിയുടെ ശരീരത്തിൽ നിന്നുള്ള ആ വിയർപ്പിന്റെയും പെർഫ്യൂമിന്റെയും ഗന്ധം ഐഷുവിൽ ഇന്നലത്തെ ഓർമ്മകൾ ഉണർത്തി.

​"എന്താ ഐഷൂ... ഒറ്റയ്ക്കിരുന്ന് കളി കാണുകയാണോ? ആമി നിന്നെ ഇട്ടിട്ട് പോയല്ലേ?" അവൻ ഒരു കള്ളച്ചിരിയോടെ ചോദിച്ചു.

​ഐഷു അവനെ ഒന്ന് നോക്കി. "നീ എന്താ ഇവിടെ? നിനക്ക് മാച്ച് ഇല്ലേ? എല്ലാവരും ഗ്രൗണ്ടിൽ ഓടുമ്പോൾ നീ എന്തിനാ ഇവിടെ വന്നിരിക്കുന്നത്?"

​ഷാനി ഗാലറിയിലെ പടികളിൽ കാൽ കയറ്റി വെച്ച് സുഖമായി ഒന്നിരുന്നു. എന്നിട്ട് അവളുടെ മുഖത്തേക്ക് നോക്കി പതുക്കെ പറഞ്ഞു,

"എനിക്ക് ഈ ടീമിൽ മാച്ച് ഒന്നുമില്ലെടി. എന്റെ കളി ഈ