Chapter Title : മദിരാശിപട്ടണം 3 [ലോഹിതൻ]

അയാൾക്ക് മാത്രം പ്രയോജനം ഉണ്ടാകുന്ന കാര്യത്തിനു പോലും പലരുടെയും കിടക്ക അവൾ പങ്കിട്ടു... പുതിയ പടങ്ങൾ വരുകയും ബാങ്കിലെ അക്കൌണ്ടിൽ തുക കൂടുകയും ചെയ്യുന്നത് മാത്രമായി അവളുടെ ശ്രദ്ധ.. പണം ധരാളം സമ്പാദിക്കണം.. എല്ലാ സുഖസൗകര്യങ്ങളും സ്വന്തമായി നേടിയെടുക്കണം.. പെരുമാളുമായി അമ്മയുടെ ബന്ധം വഴിവിട്ടുപോയി എന്നൊക്കെ ശ്രീകുട്ടിക്കും ജലജക്കും മനസിലായിരുന്നു.. അവർ അതിൽ പ്രശ്നമൊന്നും കണ്ടില്ല.. മഹാ നഗരത്തിൽ തങ്ങൾക്ക് ഗാർഡിയനായി ഒരാൾ ആവശ്യമാണ്‌ എന്ന് ചിന്തിക്കാനുള്ള വിവരമൊക്കെ അവർക്കുണ്ട്.. ഇതിനിടയിൽ ജലജയെ കോളേജിൽ ചേർത്തു.. നാട്ടിൽ വെച്ച് ഒരിക്കലും നടക്കില്ലന്ന് കരുതിയ കോളേജ് പഠനം സാധ്യമായതിൽ പെരുമാൾ മാമയോട് മനസുകൊണ്ട് അവൾ നന്ദി പറഞ്ഞു... ഇതിനിടയിൽ ഒരു സിനിമയുടെ ഔട്ട്‌ ഡോർ ഷൂട്ടിംഗിനായി കൊല്ലത്തു വന്നപ്പോൾ കുന്നിക്കോട് വന്നു പത്മ.. നാട്ടിൽ നിന്നും പോയിട്ട് ഒരു വർഷം കഴിഞ്ഞിരുന്നു അപ്പോൾ.. വിലകൂടിയ വസ്ത്രങ്ങൾ ധരിച്ചു ടാക്സിയിൽ വന്നിറങ്ങിയ പത്മയെ കണ്ട് സുമതി ഉൾപ്പെടെയുള്ള അയൽക്കാർ അന്തംവിട്ടു.. മനസ്സിൽ വല്ലാത്ത അസൂയ തോന്നിയെങ്കിലും സുമതി പത്മയെ സന്തോഷത്തോടെ സ്വീകരിച്ചു.. വരാൻ പോകുന്നു പടങ്ങളെ കുറിച്ചൊക്കെ പത്മയോട് ചോദിച്ചറിഞ്ഞു... പുരുഷന് ക്ഷീണം ഒന്നും ഇല്ലായിരുന്നു എങ്കിലും മുഷിഞ്ഞ മുണ്ടും ഷർട്ടും നീണ്ട മുടിയും ഷേവ് ചെയ്യാത്ത മുഖവും അയാളെ ഒരു പ്രാകൃതനെ പോലെ തോന്നിച്ചു... പുരുഷനെ കണ്ടപ്പോൾ പത്മയുടെ ഉള്ളം ഒന്നു വിങ്ങി.. താൻ ഉണ്ടായിരുന്നപ്പോൾ പഴയതാണെങ്കിലും മുണ്ടും ഷർട്ടുമൊക്കെ കഴുകി കൊടുത്തിരുന്നു.. അയാളെയും കൂട്ടി കൊട്ടാരക്കരയിൽ പോയി മുടി വെട്ടിച്ച ശേഷം രണ്ടു ജോഡി ഷർട്ടും മുണ്ടും കൈലികളും ഒക്കെ വാങ്ങിച്ചു.. ഭാര്യ താൻ പ്രതീക്ഷിച്ച പോലെ