Chapter Title : മഹേഷിന്റെ ചിന്തകൾ 1 [Solorider]

ഞാനും മതിൽ ചാടി അകത്തുപോയി. വിനോദ് ബൈക്ക് എടുത്തു മുന്നോട്ടു പോയി. സമയം പതിനൊന്നായിരുന്നു. ലൈറ്റെല്ലാം ഓഫ്ആക്കി വച്ചിരുന്നു. ആനന്ദിന്റെ തോളിൽ ചവിട്ടി ഞാൻ ബാൽക്കണിയിൽ കയറി. ഗ്രിൽസിൽ പെട്ടെന്നിറങ്ങാൻ ഒരു കയർ കെട്ടിവച്ചു. താഴെനിന്നും ആനന്ദ് തംബ്‌സ് അപ്പ് കാട്ടി. ഭയം ഒരു ത്രില്ലിലേക്കു വഴിമാറി. ഒന്നു ചുറ്റും നോക്കി. റോഡിലെ സ്ട്രീറ്റ്‌ലൈറ് പ്രകാശം മാത്രം. ഫോൺ എടുത്തു ചിന്തയേവിളിച്ചു. "കുട്ടാ നീയെന്താ വിളിക്കാഞ്ഞേ ?" ചിന്ത ചോദിച്ചു "പറയാം. നീ എന്തു ചെയ്യുവാ " "കിടക്കുന്നു. എന്താ " "നിന്റെ ബാൽക്കണിയിൽ ഞാനൊരു ഗിഫ്റ് വച്ചിട്ടുണ്ട്. പോയി നോക്കിക്കേ " ഞാൻ പറഞ്ഞു. "ഒന്നു പോടാ." അവൾ വിശ്വസിച്ചില്ല. "ചുമ്മാ നോക്കെന്നേ" ഞാൻ നിർബന്ധിച്ചു. അല്പം കഴിഞ്ഞു ബാൽക്കണിയിലെ ലൈറ്റ് കത്തി. ഞാൻ ചുവരിനോട് ഒട്ടി നിന്നു. വാതിൽ പതിയെ തുറന്നു. ചിന്തയുടെ തല പതുക്കെ പുറത്തേക്കു വന്നു "ഹലോ" ഞാൻ പതുക്കെ വിളിച്ചു. ചിന്തയുടെ വായിൽനിന്നും ഞെട്ടലിന്റെ അപശബ്ദം. അവൾ നോര്മലാകാൻ അല്പം സമയമെടുത്തു. "നീയെന്താ ഇവിടെ" ? പതിഞ്ഞ ശബ്ദത്തിൽ അവൾ ചോദിച്ചു "ചിന്ത വരാൻ പറഞ്ഞു. മഹേഷ് വന്നു." ബാൽക്കണിയിൽ നിൽക്കുന്നത് അപകടമാണെന്ന് തോന്നിയ ചിന്ത എന്റെ കൈക്കുപിടിച് അകത്തേക്കു വലിച്ചു. അവളുടെ മുറിയിലേക്ക് കൊണ്ടുപോയി. "എന്താ മോന്റെ ഉദ്ദേശം " വിശാലമായ ബെഡിൽ നിവർന്നു കിടക്കുന്ന എന്നോട് ചിന്ത ചോദിച്ചു.

"ഞാൻ നിനക്കൊരു കമ്പനി തരാൻ വന്നതല്ലേ." ഞാൻ പറഞ്ഞു. "അയ്യടാ ഒരു കമ്പനിക്കാരൻ. പക്ഷെ നിനക്കിത്രയും ധൈര്യമുണ്ടെന്ന് ഞാൻ എന്തായാലും കരുതിയില്ല." "ഞാനേ തച്ചോളി ഒതേനന്റെ പിനമുറക്കാരനാണ്.