Chapter Title : മലയോരങ്ങളിൽ 2 [സണ്ണി]

പിന്നെ ഇപ്പോത്തന്നെ താമസിച്ചില്ലേ...  പോയി ഡെൽനയോട് പറഞ്ഞിട്ട് ഏണീമെടുത്ത് കെഴെക്ക് വശത്തേക്ക് വാ.. ഞങ്ങളവിടെയാ..." ചേച്ചി വീട്ടുപടിയിൽ വെച്ച  കൊട്ടകളിലൊന്നെടുത്തു നടക്കാനാഞ്ഞു..

“ ശരി കൊച്ചമ്മേ..." അവൻ കളിയാക്കുന്ന പോലെ കൈ കൂപ്പി..

“ പോട... മൈ മോനെ. പോയിട്ട് വാ." ചേച്ചി കയ്യിലെകൊട്ട കറക്കി ചുമ്മാ അവനെ അടിക്കാനാഞ്ഞു..

“ശരി തമ്പ്രാട്ടി.. കെഴക്ക് എത് വളവിലാ.." അവൻ കൊട്ട തടഞ്ഞ് ചേച്ചിയുടെ പുറത്തൊരടി വെച്ചു കൊടുത്തു..

“ ഡാ.. പു... മോനെ... പുതിയ കൊച്ചിന്റെ മുന്നില് രാവിലെ തന്നെ എന്നെ തെറി പറയിപ്പിക്കല്ല്. നീയാ നാലാംവളവിലേക്ക് വാ മര്യായ്ക്ക്." ചേച്ചി അവനെ കൊഞ്ഞനം കുത്തിക്കാണിച്ച് നടന്ന് നീങ്ങി.

“ ഡാ... സമയം പോയി വാ... പിന്നെ ഡെൽന ചേച്ചിയായോണ്ട് കുഴപ്പമില്ല.."ചേച്ചിയുടെ തെറിയിലെ വഴക്കം കണ്ട് മുഖം വല്ല ചുരുളിയിലുള്ളതാണോയെന്നോർത്ത് തിരിഞ്ഞ് നോക്കുന്നതിനിടയിൽ അവനെന്റെ കൈപിടിച്ച് വലിച്ചു..

“എടാ.. ഇതാണോ വീട് ..." വലിയൊരു തറവാട് പോലെ ഉണ്ടെങ്കിലും ആകെ പൊട്ടിപ്പൊളിഞ്ഞ് വൃത്തികേടായി കിടക്കുന്നത് കണ്ട് ഞാൻ മിഴിച്ചു നോക്കിക്കൊണ്ട് വൃത്തിയില്ലാത്ത ചുറ്റു വഴിയിലൂടെ നടന്ന് മുൻ വശത്തെത്തി.

“ശ്ശെ..ഹി ഹി.. ഇതവരുടെ പഴയ വീടാടാ.. ഇപ്പോൾ മുഴുവൻ പണി സാധനങ്ങളാ ഉള്ള് നിറയെ ..ഈ മുറ്റത്താ ഇനി കാപ്പിയും  മുളകുമൊക്കെ ഉണക്കുന്നത് ...നീ വായിങ്ങോട്ട്" അവന്റെ കളിയാക്കിച്ചിരിയിൽ തന്നെ പുതിയ വീടിന്റെ വലുപ്പമുണ്ടായിരുന്നു..

“ദാ.. ഏണികള് ... തിരിച്ച് വരുമ്പോ എടുക്കാ.." വലിയൊരു പ്ളാവിൽ ചാരിവെച്ച പലതരത്തിൽ പെട്ട എട്ട് പത്ത് ഏണികളിലേക്ക് കൈ ചൂണ്ടി അവൻ മുറ്റത്തെ സ്റ്റെപ്പിറങ്ങി ഒരു റോട്ടിലെത്തി.

“ ദാ ടാ... വീട് .. എങ്ങനുണ്ട്.." റോട്ടിലിറങ്ങി അഞ്ച് മിനിറ്റ് നടന്ന് ഒരു വളവ് തിരിഞ്ഞ് കൈ ചൂണ്ടിയപ്പോൾ ഞാൻ പ്രതീക്ഷിച്ച പോലെഅന്ധാളിച്ചു.. വലിയ ഗേറ്റും മതിലും പൂന്തോട്ട പഴത്തോട്ട വളപ്പും മുറ്റവുമൊക്കെയായി ഒരു കൊട്ടാരം തന്നെ.!

“ഭൗ ഭൗ" ഗേറ്റിൽ തട്ടിയപ്പോൾ വീണ്ടും പ്രതീക്ഷിച്ച പോലെ മൂന്നാല് യമണ്ടൻ പട്ടികളും ഒരു മാക്സി മുട്ടിനു മുകളിൽകയറ്റിക്കുത്തിയ തടിച്ച സ്ത്രീയും നീണ്ട വഴിയ്ക്കപ്പുറം അങ്ങ് സിറ്റൗട്ടിൽ പ്രത്യക്ഷപ്പെട്ടു.

“