മംഗല്യധാരണം 11

Mangaallyadharanam Part 11 | Author : Nishinoya

[ Previous Part ] [ www.kkstories.com]

"... നീ ഇത്രമാത്രം സഹിക്കുന്നുണ്ടെന്ന് എനിക്ക് അറിയില്ലായിരുന്നു. അറിയാൻ ശ്രമിച്ചില്ല എന്നതാ സത്യം. ഒരുപക്ഷെ നിന്നെ കേൾക്കാൻ ഞാൻ തയ്യാർ ആയിരുന്നെങ്കിൽ ഇങ്ങനെ ഒന്നും സംഭവിക്കില്ലായിരുന്നു..." ഏങ്ങൽ അടിച്ചു കരഞ്ഞ ചാരുവിനെ ചേർത്തുപിടിച്ചു നെറുകയിൽ ചുംബിച്ചു.

കുറെ സമയം ഞങ്ങൾ അങ്ങനെ തന്നെ ഇരുന്നു. മനസ്സിലെ വിഷമങ്ങളും വേദനകളും മാറുന്നവരെ. രാത്രി ആയതോടെ എന്നെ അവൾ റൂമിലേക്ക് എത്തിച്ച് ചാരു താഴേക്ക് പോയി. എന്റെ മനസ്സ് ആകെ അസ്വസ്ഥമായിരുന്നു എത്ര വിചാരിച്ചിട്ടും ചാരു പറഞ്ഞ കാര്യങ്ങൾ മനസ്സിൽ നിന്നും മായുന്നില്ല.

സത്യത്തിൽ ഞാൻ അവളെ സ്നേഹിച്ചിട്ടുണ്ടോ എന്ന് പോലും തോന്നിപോയി. രാത്രി ആയപ്പോ ചാരു എനിക്കുള്ള ചോറുമായി വന്നു. അവൾ എന്നെ താങ്ങി കൈ കഴുകാൻ കൊണ്ട് പോയി കഴിക്കുന്ന വേളയിലും ഞാൻ മൗനം ആയിരുന്നു. കഴിച്ചു കഴിഞ്ഞ് വീണ്ടും അവളുടെ സഹായത്തോടെ കൈ കഴുകി തിരിച്ചു ബെഡിൽ എത്തി അവൾ തന്ന മരുന്ന് കഴിച്ചു.

"... എന്താ ആദി എന്നോട് ഒന്നും മിണ്ടാത്തെ..." മരുന്ന് കഴിച്ചു കുനിഞ്ഞിരുന്ന എന്നോട് അവൾ ചോദിച്ചു.

"... അയ്യേ എന്റെ ചെക്കൻ കരയണോ..." ഇരു കൈകൊണ്ടും.എന്റെ കവിളിൽ താങ്ങി അവൾക്ക് നേരെ മുഖം ഉയർത്തി.

"...എന്നോട് ക്ഷമിക്ക് ചാരു. ഞാൻ ഒരിക്കൽ പോലും നിന്നെ മനസ്സിലാക്കാൻ ശ്രമിച്ചിട്ടില്ല. നീ എന്നെ സ്നേഹിച്ചത് വച്ച് നോക്കുമ്പോൾ ഞാൻ നിനക്ക് വേദനകൾ മാത്രമേ നൽകിയിരുന്നുള്ളു. എനിക്ക് എന്നോട് തന്നെ അറപ്പ് തോന്നുന്നു. എന്നോട് ക്ഷമിക്ക് ചാരു..." അവളുടെ ആരയിലൂടെ കെട്ടിപ്പിടിച്ച് ഞാൻ പൊട്ടി കരഞ്ഞു.

"... നീ തന്നയല്ലേ പറഞ്ഞെ പഴയതിനെ കുറിച്ച് ഒന്നും ഓർക്കരുത് ഇത് നമ്മുടെ പുതിയ ജീവിതം ആണെന്ന്. എന്നിട്ട് നീ തന്നെ ഇങ്ങനെ കരഞ്ഞാൽ എങ്ങനെയാ..." അവളെ കെട്ടിപിടിച്ചിരുന്ന എന്റെ തലയിൽ തലോടികൊണ്ട് ചാരു പറഞ്ഞു.

"...നിന്റെ കണ്ണിൽ നിന്നും വീഴുന്ന ഓരോ തുള്ളി കണ്ണുനീരും നിന്നെക്കാൾ വേദനിപ്പിക്കുന്നത് എന്നെയ..." രണ്ട് കൈകൾ കൊണ്ടും എന്റെ മുഖം ഉയർത്തി തള്ളവിരലുകളാൽ എന്റെ എന്റെ കണ്ണീർ തുടച്ചു.

"...മരുന്ന് കഴിച്ചത് അല്ലെ ക്ഷീണം കാണും. വേണ്ടാത്തത് ആലോചിച്ചു മനസ്സ് വിഷമിപ്പിക്കാതെ കിടന്നോ. പാത്രം ഒക്കെ കഴുകി വച്ച് ഞാൻ വേഗം വരാം കേട്ടോ..." എന്റെ നെറുകയിൽ ഒരു മുത്തവും തന്ന് പ്ലാസ്റ്റർ ഇട്ട കാൽ ബെഡിൽ എടുത്ത് വച്ച് എന്നെ കിടത്തിയ ശേഷം പാത്രവുമായി ചാരു താഴേക്ക് പോയി.

"... എന്താ മോളെ മുഖം വല്ലാണ്ടിരിക്കുന്നെ.ആദി വഴക്ക് വല്ലതും പറഞ്ഞോ..." പാത്രവുമായി താഴെയെത്തിയ എന്നോട് അമ്മ ചോദിച്ചു.

"...ഏയ്യ് അങ്ങനെ ഒന്നും ഇല്ല അമ്മ..."

"... എന്നാ കൊള്ളാം. നീ വാ ചോർ കഴിക്കാം..."

അമ്മ എനിക്കും ചോർ എടുത്തു. അച്ഛനും അമ്മയും അമ്മുവിനൊപ്പവും ഇരുന്ന് ചോർ കഴിച്ചു. എത്രയും പെട്ടെന്ന് കഴിച്ചു കഴിഞ്ഞ് ആദിക്ക് അരികിലേക്ക് എത്താൻ എന്റെ ഉള്ളു കൊതിച്ചു. സാധാരണ കഴിക്കുന്നതിലും