Chapter Title : മനപ്പൂര്‍വ്വം ചെയ്ത തെറ്റ് [Eros - God of Lust]

ചോദിച്ചു.

“അവിടെ വീടുകള്‍ കുറവായിരുന്നു. റോഡില്‍ നിന്നും കുറെ ഉള്ളിലോട്ടായിരുന്നത് കൊണ്ട്‌ സ്ട്രീറ്റ് ലൈറ്റും ഇല്ലായിരുന്നു.”

“ഓക്കെ, ബാക്കി പറ.”

“അവളുടെ വീട് രണ്ട് നില വീടാണ്. വീട്ടിനു പുറകില്‍ വിശാലമായ പറമ്പുണ്ട്. അതിൽ ഒരുപാട്‌ തെങ്ങും, വാഴയും, കപ്പ കൃഷിയും കാരണം, രാത്രി സമയത്ത്‌ പൊതുവേ വെളിച്ചം കുറവായിരുന്നു. പിറകുവശത്ത് വേറെ വീടുകളും ഇല്ലായിരുന്നത് കൊണ്ട്‌ സേഫ് ആയിരുന്നു. വലിയ മതില്‍കെട്ട് ഉണ്ടെങ്കിലും പുറകില്‍ ചെറിയൊരു ഗെയിറ്റ് ഉണ്ടായിരുന്നു. പറമ്പിന്റെ ഒരു സൈഡിൽ കൃഷിക്ക് വെള്ളമടിക്കാൻ സൗകര്യത്തിനായി ഒരു പമ്പ് റൂം ഉണ്ടായിരുന്നു. അതിനകത്ത് വരണം എന്നാണ്‌ അവൾ പറഞ്ഞിരുന്നത്.”

“ഓഹോ. എന്നിട്ട്?”

“ഞാൻ പമ്പ് റൂം വാതിൽ തുറന്ന് അകത്ത് വേഗം കേറി വാതിൽ അടച്ചു. എന്നിട്ടാണ് നോക്കിയത്. അവൾ അവിടെ തന്നെ ഉണ്ടായിരുന്നു. പമ്പ് റൂമിൽ ഒരു കസേര, ഒരു വലിയ മേശ - മേശപ്പുറത്ത് നാലഞ്ച്‌ കണക്ക് പുസ്തകങ്ങള്‍, പിന്നേ നാലായി മടക്കാൻ കഴിയുന്ന ഒരു ബെഡ്, ഒരു മൺ കുടം, ഇത്രയുമാണ് അവിടെ ഉണ്ടായിരുന്നത്. ആ കസേരയില്‍ ഇരിക്കുകയായിരുന്ന അവൾ പെട്ടന്ന് എഴുനേറ്റ് എന്റെ അടുത്തേക്ക് വന്നു. ഏതോ അത്യാവശ്യമായി എന്നോട് സംസാരിക്കാൻ ഉണ്ടെന്ന് പറഞ്ഞാണ് അവളെന്നെ വിളിച്ചത്… പക്ഷേ —”

“പക്ഷേ?” ആകാംഷയോടെ ഞാനും ആവര്‍ത്തിച്ചു.

“അവള്‍ക്ക് അങ്ങനെ പ്രത്യേകിച്ച് സംസാരിക്കാന്‍ ഒന്നും ഉണ്ടായിരുന്നില്ല.”

“പിന്നേയോ?” സംഭവം എന്താണെന്ന് എനിക്ക് മനസ്സിലായെങ്കിലും ത്രില്ല് ഉള്ളില്‍ ഒളിപ്പിച്ച് കൊണ്ട്‌ ഞാൻ ചോദിച്ചു.

“പിന്നേ….!”

“ഹാ, കാര്യം പറയടാ.”

“അതുപിന്നെ…. ചേച്ചിയോട് ഞാൻ എങ്ങനെ പറയും!!” അവന്‍ പറയാൻ മടിച്ച് പെട്ടന്ന്