Chapter Title : മനസാകെ ഉന്മാദം 1 [സ്പൾബർ]

പിന്നെ… ഇനി ഒന്നും നോക്കില്ല.. എപ്പോ അവൾ ചിണുങ്ങുന്നോ അപ്പോത്തന്നെ എന്തെങ്കിലും കയറ്റി അവളുടെ വിശപ്പ് മാറ്റും..
ഇനി തൽക്കാലം വയറിന്റെ വിളി കേൾക്കാം…
അടുക്കളയിൽ ചെന്ന് ചോറ് വിളമ്പി..
അതിലേക്ക് സാമ്പാറൊഴിച്ചപ്പോൾ കുളിര് കോരി…

ഏത്… ?
മറ്റേ വഴുതനയിട്ട സാമ്പാറ്…

ആന്നേ.. അത് തന്നെ…

രണ്ട് കഷ്ണം മീൻ പൊരിച്ചതും, ഉപ്പേരിയും എടുത്ത് അങ്കത്തിനിരുന്നു.

ഏമ്പക്കം കേട്ടാലറിഞ്ഞൂടെ ഭക്ഷണം കഴിപ്പ് കഴിഞ്ഞെന്ന്.
ഇനിയൊരു ഉറക്കം… അല്ല മയക്കം..
അല്ലെന്നേ… വെറുതേ ഒരു കിടത്തം…
ഭംഗിയിലും, വൃത്തിയിലും സൂക്ഷിച്ച സ്നേഹയുടെ ബെഡ്റൂം… മനോഹരമായ ചിത്രങ്ങളുള്ള ബെഡ്ഷീറ്റ് ഒരു ചുളിവു പോലുമില്ലാതെ വിരിച്ചിട്ടുണ്ട്..
അതിലേക്ക് സ്നേഹക്കുട്ടി മലർന്ന് കിടന്നു.
ഹൗ… അതൊരു കിടത്തം തന്നെയാണേ….

ഇപ്പോൾ സമയം രണ്ട് മണി… നട്ടുച്ച..
കുറേ നേരമായി അന്തരീക്ഷം മൂടിക്കെട്ടി നിൽക്കുകയാണ്.. ഇപ്പോൾ മഴ പെയ്തേക്കുമെന്ന് തോന്നാൻ തുടങ്ങിയിട്ട് നേരം കുറച്ചായി..

സ്നേഹ ബെഡിലേക്ക് കിടന്നതും മഴ ആർത്തലച്ച് പെയ്യാൻ തുടങ്ങി.. നല്ല കലിപ്പൻ മഴ…
മഴയെ പ്രണയിച്ചിരുന്ന സ്നേഹ ചാടിയെഴുന്നേറ്റു..

മറ്റാരേയും പ്രണയിക്കാൻ ഇത് വരെ അവസരം കിട്ടാത്തത് കൊണ്ടും, എത്ര മഴ പെയ്താലും തന്റെ വീട്ടിലേക്ക് വെളളം കയറില്ല എന്ന ധൈര്യമുള്ളത് കൊണ്ടും അവൾ മഴയെ നന്നായിട്ട് പ്രണയിച്ചു.
ഒരു ജനൽ പാളി തുറന്നിട്ട് പുറത്തേക്ക് നോക്കി, കോരിച്ചൊരിയുന്ന മഴയെ കണ്ട് നിന്നു.
ചീറ്റൽ തുള്ളികൾ മുഖത്തേക്കടിച്ചപ്പോൾ അവൾ മുഖം ജനൽ കമ്പിയിലേക്കമർത്തി.

ജനൽ തുറന്നാൽ, മുറ്റവും, അതിരിൽ മതിലും കാണാം..
മതിലിനപ്പുറം വിശാലമായ തെങ്ങിൻ തോപ്പാണ്..
അവിടെ മഴ പെയ്യുന്നത് മനോഹരമായൊരു കാഴ്ചയാണ്..
അതും നോക്കി