Chapter Title : മന്ദാരക്കനവ് 3 [Aegon Targaryen]

ചന്ദ്രിക ചേച്ചി പടവുകൾ ഇറങ്ങിക്കൊണ്ട് വിളിച്ച് ചോദിച്ചു.

"അടിയൻ ആന്നേ…"

"ഹഹഹ…ഞാൻ പറഞ്ഞില്ലേടീ അവൻ ആയിരിക്കുമെന്ന്. ഇന്നലെയും അവനാ ആദ്യം വന്നത് അതാ ഞാൻ ഊഹിച്ചത്."

"ഹാ…ഇന്നലെ അവൻ പറഞ്ഞിരുന്നു ചേച്ചിയെ കണ്ട കാര്യം."

"ആഹാ…അത് ശരി." ചന്ദ്രിക അറിഞ്ഞില്ലെന്ന രീതിയിൽ അവളോട് പറഞ്ഞു.

"വരത്തന്മാരൊക്കെ നമ്മുടെ കുളം കൈയേറുമെന്ന് തോന്നുന്നല്ലോ ചേച്ചി…" ശാലിനി ആര്യൻ കേൾക്കാൻ എന്ന വണ്ണം താഴത്തെ പടവിൽ വന്ന് നിന്നുകൊണ്ട് ഉറക്കെ പറഞ്ഞു.

"അതെയതെ…ഇങ്ങനെ പോയാൽ ഇനി എന്തൊക്കെ കൈയേറും എന്തോ ആവോ…"

"ഹാ ഇവിടുള്ളവർക്കൊന്നും വെളുപ്പിനെ എഴുന്നേറ്റ് വരാൻ വയ്യെങ്കിൽ വരത്തന്മാർ ഒക്കെ വന്ന് കൈയേറിയെന്നിരിക്കും…" അതിന് മറുപടിയെന്നോണം ആര്യനും ശബ്ദത്തിൽ പറഞ്ഞു.

"ഓ പിന്നേ ഒരു കയ്യേറ്റക്കാരൻ വന്നിരിക്കുന്നു." പറഞ്ഞത് ചന്ദ്രിക ആയിരുന്നു.

"എന്താ ചേച്ചിക്ക് സംശയം ഉണ്ടോ?" ആര്യൻ ചന്ദ്രികയോട് ചോദിച്ചു.

"ഒഹ് ഇല്ലേ…" അവൻ്റെ ചോദ്യത്തിലെ അർത്ഥം മനസ്സിലായ ചന്ദ്രിക ഉള്ളിൽ ഒന്ന് ചിരിച്ചു.

"ഞാൻ വരുന്ന വഴി ചേച്ചിടെ വീട്ടിൽ ലൈറ്റ് കിടക്കുന്നത് കണ്ടിരുന്നു."

"എന്നിട്ടാണോ എന്നെ ഈ ഇരുട്ടത്ത് നടത്തി നീ ഒറ്റക്ക് ഇങ്ങു പോന്നത്." തന്നോടാണ് ആര്യൻ അത് പറഞ്ഞതെന്ന് മനസ്സിലാക്കിയ ശാലിനി അവന് മറുപടി കൊടുത്തു.

"അത് ശരി അതിന് ഞാൻ അറിഞ്ഞില്ലല്ലോ…അല്ലാ അപ്പോ ഇന്നലെ വരെ ഒറ്റക്ക് തന്നെ അല്ലായിരുന്നോ വന്നോണ്ടിരുന്നത്…?"

"അങ്ങനെ ചോദിക്കെടാ നീ." ചന്ദ്രിക ആര്യൻ്റെ കൂടെ നിന്നു.

"അത് പിന്നെ ഇപ്പോ ഒരാള് നമ്മളെ സുരക്ഷിതമായി കൊണ്ടുവരാൻ ഇവിടെ ഉണ്ടല്ലോ…നിന്നേ ഞാൻ ഇന്നലെ വീട്ടിൽ കേറ്റി ചായ തന്നതൊക്കെ വെറുതെയാടാ സ്നേഹം ഇല്ലാത്തവനേ."

"അയ്യോ പിണങ്ങല്ലെ…നാളെ മുതൽ ആവട്ടെ ചേച്ചിയേയും കൊണ്ടേ ഞാൻ വരൂ പോരെ."

"ഹാ ആണെങ്കിൽ നിനക്ക് കൊള്ളാം."

ആര്യൻ അവൻ്റെ തുണികൾ മുഴുവൻ അലക്കി കഴിഞ്ഞ ശേഷം കുളിക്കുവാനായി തുടങ്ങി. ചന്ദ്രികയും ശാലിനിയും ഈ സമയം തുണികൾ കല്ലിലിട്ടു കഴുകാൻ തുടങ്ങി.

ചന്ദ്രിക ഇന്നലത്തെ പോലെ തന്നെ തുണികൾ എല്ലാം അഴിച്ച് തോർത്ത് ഉടുത്തു. വെട്ടം വീഴാഞ്ഞതിനാലും ആര്യൻ അവരുടെ അടുത്ത് നിന്നും അൽപ്പം അകലെ ആയിരുന്നതിനാലും അവന് സീൻ പിടിക്കാൻ