Chapter Title : മഞ്ജുവിന്റെ അവിഹിത ഭാവനാലോകം 3 [മഞ്ജു വർമ]

ആ മൃദുവായ നനുനനുത്ത കൈ പിടിച്ച് ഞാൻ ചോദിച്ചു.

" ചേച്ചി എന്റെ കയ്യിൽപ്പിടിച്ച് കൂടെ നടക്കുമ്പോൾ എനിക്ക് വല്ലാത്ത സുരക്ഷിതത്ത്വം തോന്നുന്നു, ചേച്ചി എന്റെ ആരൊക്കെയോ ആണെന്നൊരു തോന്നൽ, ഒരുപാട് മുൻപ് പരിചയമുള്ള ആരെയോ പോലെ...ചേച്ചി ആരാ, എന്താ ചേച്ചീടെ പേര്?"

നിരയൊത്ത കുടമുല്ലപ്പല്ല് കാണിച്ച് കുട്ടികളെപ്പോലെ വെളുക്കനെ ചിരിച്ചിട്ട്  അവർ പറഞ്ഞു.

" ഇതാപ്പോ നന്നായേ...രാമായണം മുഴുവൻ കേട്ടിട്ട് രാമന്റെ ആരാ സീത എന്ന് ചോദിച്ച പോലെ ആയല്ലോ കുട്ടി...!!!"

അവരുടെ സംസാരം കേട്ടപ്പോൾ അങ്ങനെയൊരു ചോദ്യം ചോദിക്കേണ്ടിയിരുന്നില്ല എന്നെനിക്ക് തോന്നിപ്പോയി. ചമ്മി നാറി നിന്ന എന്നെ ചേർത്തുപിടിച്ചുകൊണ്ട് അവർ പറഞ്ഞു.

"നിന്റെ ഭർത്താവിന് ഒരു ചേട്ടനും ഒരു അനിയത്തിയുമാണുള്ളത്. നിന്റെ ഭർത്താവിന്റെ ചേട്ടന്റെ വാമഭാഗമാണ് മോളേ ഞാൻ...പേര്...'ചിത്ര'!!"

"വൗ...ചിത്ര... സൂപ്പർ പേര്...ചേച്ചിക്ക് ഈ പേരല്ലാതെ വേറൊരു പേരും ചേരും എന്ന് എനിക്ക് തോന്നുന്നില്ല...!!"

ഞങ്ങൾ കൈകോർത്ത് നിന്ന് പൊട്ടിച്ചിരിച്ചു...

പെട്ടെന്നായിരുന്നു ഞാനും ചിത്ര ചേച്ചിയും തമ്മിൽ അടുത്തത്. ആദ്യമായി കെട്ടിയോന്റെ വീട്ടിലെത്തിയ എന്റെ മനസിലെ പരിഭ്രമം ഇല്ലാതാക്കിത്തന്ന ആളാണ് ചിത്രചേച്ചി. ഭർത്താവിന്റെ ചേട്ടന്റെ ഭാര്യ എന്നതിലുരി എന്റെ ഏറ്റവും അടുത്ത സുഹൃത്ത് എന്ന രീതിയിലായിരുന്നു ചിത്രച്ചേച്ചി എന്നോട് പെരുമാറിയിരുന്നത്. അമ്മായിയമ്മ പോരിൽ നിന്നും നാത്തൂൻ പോരിൽ നിന്നും എന്നെ എപ്പോഴും രക്ഷിച്ചിരുന്നത് ചിത്രേച്ചി ആയിരുന്നു.

കെട്ടിയോന്റെയും ചേട്ടന്റെയും മദ്യപാനം ഏറ്റവും കൂടുതൽ ബാധിച്ചത് ഞങ്ങളെ ആയിരുന്നു. ഉറക്കമില്ലാത്ത രാത്രികൾ. പലപ്പോഴും ചിത്രച്ചേച്ചി സ്വീകരണ മുറിയിലെ സോഫയിൽ ഉറങ്ങുന്നത് ഞാൻ കണ്ടിട്ടുണ്ട്. എന്റെ അവസ്ഥയും മറിച്ചായിരുന്നില്ല. ഭാര്യ എന്നാൽ ജോലിയെടുക്കാൻ മാത്രമുള്ള ഒരു വസ്തു