Chapter Title : മഞ്ഞ്മൂടിയ താഴ് വരകൾ 4 [സ്പൾബർ]

എത്തിക്കാം എന്ന് പറഞ്ഞു.
പിന്നെ മാത്തുക്കുട്ടി, ടോണിയേയും കൊണ്ട് പോയത്, ഒരു ഹോൾ സെയിൽ കടയിലേക്കാണ്. മാത്തുക്കുട്ടി സാധനങ്ങൾ വാങ്ങുന്നതും ഈ കടയിൽ നിന്നാണ്.
മണിമലയിൽ ടോണിച്ചൻ ഒരു കട തുടങ്ങുന്ന വിവരം അവൻ കടക്കാരോട് പറഞ്ഞ് പരിചയപ്പെടുത്തി. അവർ സന്തോഷത്തോടെ അവനെ സ്വീകരിച്ചു. അവിടെയും കാര്യങ്ങളെല്ലാം സംസാരിച്ച് ഇറങ്ങി.ഇന്ന് മാത്തുക്കുട്ടിക്ക്കുറച്ച് സാധനങ്ങളേ വാങ്ങാനുള്ളൂ. അവർ സംസാരിച്ചിരുന്ന സമയം കൊണ്ട് കടയിലെ പണിക്കാർ അതെല്ലാം ജീപ്പിൽ കയറ്റി.

അവിടുന്ന് വണ്ടിയെടുക്കുമ്പോൾ മാത്തുക്കുട്ടിടോണിയെ ഒന്ന് നോക്കി.

“”ടോണിച്ചാ… എന്തേലും വാങ്ങണോ… ഇവിടെ അടുത്തൊരു ബിവറേജുണ്ട്.. വേണമെങ്കിൽ ഒന്ന് വാങ്ങിപ്പോകാം…”

“” വേണം മാത്തൂ… ഇന്നെന്തായാലും വേണം.. നീ വണ്ടി വിട്…”

ഷംസു ചാടിപ്പറഞ്ഞു.
അവരങ്ങിനെ കുടിയൊന്നുമില്ല. എപ്പോഴെങ്കിലും മൂന്നാളും കുറേശെ അടിക്കും.
ടോണി തല ചെരിച്ച് ഷംസുവിനെ നോക്കി. അവൻ നാണത്തോടെ തലതാഴ്ത്തി.
അപ്പോഴും അവന്റെ മനസ് അലമുറയിടുന്നുണ്ട്..
അമ്പാനേ.. ശ്രദ്ധിക്ക്…

===========================

“ആ മാത്തുക്കുട്ടി ഇനി എന്ത് ചെയ്യും എന്റെ റബ്ബേ… ശോശാമ്മയുടെ കാര്യമാലോചിച്ചിട്ടാ എനിക്ക് വെഷമം.. ആ സേവ്യറച്ചന്റെ പണിയാണിത്.. എവിടുന്നോ വന്ന ഒരുത്തന് വേണ്ടി.. “”

ഉച്ചത്തേക്കുള്ള കറിക്ക് അരിഞ്ഞ് കൊണ്ട് തന്റെ അമ്മായമ്മ നബീസു എന്തോ പറയുന്നത് കേട്ട് റംല ചോദിച്ചു.

“” എന്താ ഉമ്മാ ഇങ്ങള് പറയുന്നത്… ? മാത്തുക്കുട്ടിക്ക് എന്ത് പറ്റി.. ?"

“” അപ്പോ നീയൊന്നും അറിഞ്ഞില്ലേ ന്റെ റംലാ..നമ്മുടെ മാത്തുക്കുട്ടി വഴിയാധാരമായെന്ന്.. ഏതോ ഒരുത്തൻ ഇവിടെ വന്ന് ഒരു കട തുടങ്ങുന്നുണ്ടെന്ന്…”

“എന്റുമ്മാ.. മാത്തുക്കുട്ടിക്ക് പ്രശനമൊന്നുമില്ല… അയാളുടെ കൂടെ കച്ചവടത്തിന് മാത്തുക്കുട്ടിയേയും കൂട്ടുമെന്നാ ഷംസു രാവിലെ പറഞ്ഞത്…