Chapter Title : മഞ്ഞുനീർതുള്ളി പോലെ 6 [Dheepa]

വീണ്ടും വരുന്നു മെസ്സേജ്

"ഇനി എപ്പോഴാ തിരിച്ചു വരുന്നത് "

"വന്നിട്ടെന്തിനാ അയാളുടെ ചവിട്ടും കുത്തും കൊണ്ടു കിടക്കണോ അവിടെ "

"അങ്ങനല്ല പുള്ളി കാണിച്ചത് മോശമായി പോയി പക്ഷെ ഇയാൾക്കൊന്നു ക്ഷമിക്കാൻ പാടില്ലേ"

"ആദ്യം അയാൾ എന്നോട് ചെയ്തതിനു മാപ്പ് പറയട്ടെ. ക്ഷമിക്കുന്ന കാര്യം ഒക്കെ പിന്നെ ആലോചിക്കാം "

"പുള്ളിക്കാരൻ ഇയാള് പോയതിനു ശേഷം ഭയങ്കര കുടിയാണ്.."

"ആ കുടിച്ചു ചാകട്ടെ എനിക്കെന്താ.. ശരി എന്നാൽ കുഞ്ഞിനെ ഉറക്കണം "

"Ok ഫ്രീ ആകുമ്പോൾ മെസേജ് ചെയ് "

പിന്നെ എന്റെ പട്ടി മെസ്സേജ് ചെയ്യും... അല്ലതെ തന്നെ മനുഷ്യന് ഭ്രാന്തു പിടിച്ചിരിക്കുകയാണ്.. അപ്പോഴാ ഇനി അവനു മെസ്സേജ് ഉണ്ടാക്കാൻ പോണത്.അപ്പോഴേക്കും അമ്മ എത്തി...

"അമ്മ ഇന്നു പോയില്ലേ..."

"ഞാൻ അതിനു ജോലിക്ക് പോയതല്ല എനിക്ക് നാളയെ ജോലി ഉളളൂ..."

"അപ്പോൾ ഇന്നെവിടെ പോയതാ "

"നീ വന്നിട്ട് 3-4 ദിവസം ആയില്ലേ കുഞ്ഞിന് കൊണ്ടു വന്ന ഉടുപ്പെല്ലാം അവൻ മുള്ളി നാറ്റിചില്ലേ ... നീ ഇത് ഏത് ലോകത്താണ് ഞാൻ അവനു ഡ്രസ്സ്‌ വാങ്ങാൻ പോയതാണ്..."

"അമ്മ ആള് കൊള്ളാം എങ്കിൽ എന്നോട് ഒന്ന് പറയാൻ പാടില്ലായിരുന്നോ ഞാനും കൂടെ വരില്ലായിരുന്നോ "

"നീ അതിനു ഇപ്പോഴും മൂട്ടിൽ വെയില് കൊള്ളുന്ന വരെ ഉറക്കമല്ലേ... രാത്രീല് കക്കാൻ പോണ കള്ളന്മാരെ പോലെ "

എന്റെ നെഞ്ചിൽ ഒരു വെള്ളിടി വെട്ടിയത് പോലെ തോന്നി...

ഈ തള്ള രാത്രി ഞാൻ പുറത്തിറങ്ങിയത് കണ്ടോ.... ഉറക്കവുമില്ലേ ഈ പണ്ടാരം തള്ളക്കു എന്നും വിചാരിച്ചു ഞാൻ പറഞ്ഞു...