Chapter Title : മണ്ണാങ്കട്ടയും കരിയിലയും 1 മാളിയേക്കൽ തറവാട്ടിലെ മൊഞ്ചത്തി [JM&AR]

"സാധാരണ അവള് തൃശ്ശൂര് വഴിക്കുള്ള ബസ്സിനല്ലേ പോവല് ? പാലക്കാട് സേലം വഴി ? കോഴിക്കോട് ബസ് നേരത്തേ ബുക്ക് ചെയ്ത് പോവുന്ന ദിവസം പ്ലാൻ ചെയ്ത് രണ്ടും കൂടെ ഒരുമിച്ച്... എന്നേ കൊണ്ടൊന്നും പറയിപ്പിക്കണ്ട. ഇത് വരെ അവള് നിനക്ക് ജുമൈലത്ത് ആയിരുന്നില്ലേ? ഇപ്പോ നിൻ്റെ മിന്നൂസും"

"എൻ്റെ മിന്നൂസല്ല. ഇംതിയാസിൻ്റെ മിന്നൂസ്. ഇംതിയാസ് മരിച്ചിട്ട് ഡിപ്രഷനല്ലേന്നോ. എന്നെ പരിചയപ്പെട്ട് എൻ്റെ കൂടെ കമ്പനി കൂടി അതൊക്കെ മാറീന്ന്. ലാസ്റ്റ് കൗൺസിലിങ് സെഷനേന്നു ഇന്നത്തേത്. അതിന് പോന്നതാ ഇംഹാൻസില്. അപ്പോ പിന്നെ ഇതിലേ പോവാന്ന് വിചാരിച്ചിട്ടുണ്ടാവും. അതിനെന്താ"?

രേണു ഒന്നും പറഞ്ഞില്ല. ഞാനും കൂടി കഴിച്ച് കഴിഞ്ഞതോടെ പാത്രങ്ങൾ എടുത്ത് അടുക്കളയിലേക്ക് പോയി.

ഞാൻ രേണുവിൻ്റെ അരികിലെത്തി. രേണു ജുമൈലത്തിനോടുള്ള ദേഷ്യം പാത്രങ്ങളോട് തീർക്കുകയായിരുന്നു.

"രേണൂ... ആർ യു ജെലസ്"?

"എന്തിന്? നീയാ മുതുക്കിയുടെ കൂടെ നടക്കുന്നത് കണ്ടിട്ടോ"?

"ജുമൈലത്തിന് അത്രക്ക് പ്രായം ഒന്നൂല്ല. മുപ്പതേ ഉള്ളൂ"

രണ്ട് മൂന്ന് പാത്രങ്ങൾ ഉള്ളത് വേഗം കഴുകി കഴിഞ്ഞു. എല്ലാം എടുത്ത് വെച്ച് ലൈറ്റ് ഓഫാക്കി രേണു ഉടൻ തന്നെ പോയി കിടന്നു. ഞാൻ അടുത്ത് ചെന്ന് കിടക്കയുടെ ഒരറ്റത്ത് ഇരുന്നു.

"അതൊരു പാവം ഡോക്ടറാ രേണൂ. ഞാൻ പറഞ്ഞതല്ലേ.... ഇംതിയാസിൻ്റെ കാര്യം.."

"വിഷമിച്ച് നടക്കുന്നവരുടെയൊക്കെ സങ്കടം മാറ്റാൻ നീയാരാ? അതിനെന്തിനാ ആ മോതിരം" ?

"രേണു അത് കണ്ടോ"?

"എൻ്റെ കണ്ണിന് തിമിരമൊന്നും ഇല്ല. മൂന്നാല് മാസായിട്ട് അലമാരേല് ഇരിക്കുന്നതല്ലേ? അന്ന് ചോദിച്ചപ്പോ എന്താ പറഞ്ഞത്? ഒരാൾക്കുള്ള ഗിഫ്റ്റാന്ന്. ഞാൻ കാർത്തികയാവൂന്ന് കരുതി"

"അത് കാർത്തികക്കല്ല.