Chapter Title : മണ്ണാങ്കട്ടയും കരിയിലയും 1 മാളിയേക്കൽ തറവാട്ടിലെ മൊഞ്ചത്തി [JM&AR]

പൂമുഖത്തെ മരപ്പടിയിൽ ഇരിക്കുന്നു. ഞാൻ മനോഹരമായി ചിരിച്ചു കാണിച്ചു. ഇടക്കിടക്ക് വരുന്നത് കൊണ്ട് ജോലിക്കാരെയൊക്കെ എനിക്ക് അറിയാം. അവർക്ക് എന്നെയും അറിയാം.

ജുമൈലത്ത് പുറത്തേക്ക് വന്നു. ബാംഗ്ലൂരിൽ ഗൈനക്കോളജിസ്റ്റാണ്. ജംഷീറിൻ്റെയും മൻസൂറിൻ്റെയും മൂത്ത ജ്യേഷ്ഠത്തി. മൂന്ന് ദിവസം മുൻപാണ് എത്തിയത്.

"ഇത്ര പെട്ടെന്ന് എത്തിയോ? അവടെ നോക്കി നിക്കാതെ അകത്തിക്ക് വാ"

ജുമൈലത്ത് എൻ്റെ കയ്യിൽ പിടിച്ച് അകത്തേക്ക് നയിച്ചു. നീല ഞരമ്പുകൾ തെളിഞ്ഞു കാണുന്ന വെളുത്ത കൈകൾ അൽപം അധികാരത്തോടെ എൻ്റെ കൈത്തണ്ടയിൽ മുറുകി. ജുമൈലത്തിൻ്റെ കൈപ്പത്തി കാണാൻ നല്ല ഭംഗിയാണ്. ഞാൻ ഒരു നിമിഷത്തേക്ക് ആ കൈകൾ ശ്രദ്ധിച്ചു. നീണ്ട മോതിര വിരൽ ശൂന്യമായി കിടക്കുന്നു.

"മോതിരം എവിടെ" ?

ജുമൈലത്ത് കൈത്തലം നീട്ടിപ്പിടിച്ചൊന്നു നോക്കി കൈ താഴേക്കിട്ടു.

"സിസേറിയനല്ലേ. ഇപ്പോ ആണെങ്കില് ഗ്ലൗസ് ഊരാനും ഇടാന്വേ നേരള്ളൂ. അത് കയ്യില്ണ്ടാവുമ്പോ എടങ്ങേറാ.  ഞാനത് ഊരി വെച്ചു"

"പേരുള്ളതായിരുന്നില്ലേ" ?

"ഇത് നോക്ക് "

കഴുത്തിലെ നെക് ലേസിൻ്റെ ലോക്കറ്റ് ജുമൈലത്ത് പൊക്കി പിടിച്ച് എന്നെ കാണിച്ചു. ഞാൻ മാല കൈയിൽ എടുത്ത് പിടിച്ച് ലോക്കറ്റ് നോക്കി. ഇംതിയാസിൻ്റെ മുഖം എൻഗ്രേവ് ചെയ്ത സ്വർണ്ണലോക്കറ്റ്. ഞാൻ എത്തിയതറിഞ്ഞ് ജംഷീർ പടികൾ ഇറങ്ങി വന്ന് അടുത്തുള്ള സോഫയിൽ ഇരുന്നു. ഞാൻ ജുമൈലത്തിൻ്റെ കൈകൾ എൻ്റെ കൈകളിൽ ചേർത്ത് പിടിച്ചു.

"ജംഷീ... നിൻ്റെ കയ്യൊന്ന് നീട്ടെടാ"

ജംഷീർ കൈപ്പത്തി തുടകൾക്ക് മേലേ നിവർത്തി വെച്ചു. ഞാൻ എൻ്റെ കൈപ്പത്തി ജുമൈലത്തിനെ കാണിച്ചു.

"ഇത് കണ്ടോ... ഞങ്ങളെ വിരലിന് വളവും തിരിവും ഒക്കെണ്ട്. തൊടുമ്പോ എല്ലുന്തി നിൽക്കുന്ന പോലെയാ.