Chapter Title : മണ്ണാങ്കട്ടയും കരിയിലയും 1 മാളിയേക്കൽ തറവാട്ടിലെ മൊഞ്ചത്തി [JM&AR]

നിക്കാഹ് അടുപ്പിച്ച് നന്നായി മിനുങ്ങിയിട്ടുണ്ട്. ജിമ്മിൽ മല മറിച്ച് ബോഡിയൊക്കെ റെഡിയാക്കിയിട്ടുണ്ട്. നീറ്റായി ട്രിം ചെയ്ത താടിയും ഫേഡഡ് ഹെയർകട്ടും ഒരു മോഡലിൻ്റെ മുഖത്തെ അനുസ്മരിപ്പിച്ചു. ഓഫ് വൈറ്റ് ഷർട്ടും ബ്ലൂ ജീൻസും. സൗന്ദര്യത്തിൻ്റെ കാര്യത്തിൽ ഷഹാനയും ഒട്ടും പിന്നിലല്ല. ലെയറായിട്ടുള്ള വൈറ്റ് ഗൗണാണ് വേഷം. തോളിലേക്ക് വീണു കിടക്കുന്ന തട്ടം ഉമ്മയെ കണ്ടപ്പോൾ ഷഹാന വലിച്ച് തലയിലേക്കിട്ടു. വെള്ളച്ചാട്ടം പോലെയുള്ള സമൃദ്ധമായ ചെറിയ ചെമ്പൻ നിറമുള്ള മുടി തട്ടത്തിനുള്ളിൽ മറഞ്ഞു. മാനുക്ക മോങ്ക്സ്ട്രാപ്പ് അഴിച്ച് വാതിലിനടുത്തുള്ള  ചെരിപ്പുകൾ വെക്കാനുള്ള ചെറിയ ഷെൽഫിലേക്ക് വെച്ചു.

"ഇയ്യെന്തിനേ കണ്ണാ അത് പൊറത്തൂരിവെച്ചത്? ഇതില് വെച്ചാ പോരേന്നോ"?

"ഓ... അത് സാരല്ല...മാനുക്ക സിക്സ് പാക്ക് ഒക്കെയായി സൂപ്പറായല്ലോ"

"ആ പള്ള ഓള് കണ്ടാലോന്ന് പേടിച്ചിട്ടാ കണ്ണാ"

"പിന്നേ ഓള് കാണാത്തതാണല്ലോ അത്. ഇഞ്ഞിപ്പോ പള്ളണ്ടേ തന്നെ അന്നെ കളഞ്ഞിട്ടൊന്നും പോവൂല മാന്വോ. അട്ട ഒട്ടും പോലെയാ ഓള് ഒട്ടീത്"

മാനുക്കക്ക് ഒന്നും പറയാൻ അവസരമുണ്ടായില്ല. കയറി വന്ന പാടെ ഉമ്മയും ജുമൈലത്തും കൂടി ഒന്നിച്ച് ആക്രമിച്ചതോടെ മാനുക്ക ദൈന്യ ഭാവത്തിൽ എന്നെ നോക്കി. സിക്സ് പാക്കിൻ്റെ കാര്യം എഴുന്നള്ളിക്കണ്ടായിരുന്നു എന്നെനിക്ക് തോന്നി. ഒപ്പമുണ്ടായിരുന്ന ഷഹാനക്കും അത് ക്ഷീണമായി.

മാനുക്ക എൻ്റെ അടുത്ത് ജുമൈലത്തിൻ്റെ ഇപ്പുറത്ത് വന്നിരുന്നു. ഷഹാന മടിച്ച് മടിച്ച് ജുമൈലത്തിൻ്റെ അടുത്ത് ചെന്നിരുന്നു.

"ഓൾക്ക് ഉമ്മാനെ കണ്ടിട്ടാ"

"ഇവിടെ വന്നാ എന്നും കാണണ്ടതല്ലേ" ?

"അതെന്നെ. ഉമ്മ ഒരു പാവല്ലേ? പേടിക്കാനൊന്നൂല്ല"

ഷഹാന എന്നെ നോക്കി കണ്ണുരുട്ടി. മാനുക്ക എൻ്റെ കയ്യിലെ വാച്ച് കണ്ടു. ജുമൈലത്ത് അവരുടെ നടുവിൽ