Chapter Title : Manojinte Mayalokam 8

ആന്റി....?" ഞാൻ വിഷമിച്ച് ചോദിച്ചു "അങ്ങേർക്ക് നിങ്ങളേപറ്റി എല്ലാം അറിയാമെടാ.... രണ്ടും കൂടി കിടപ്പ് ഒരുമിച്ചാക്കിയതും വരെ..!" "ങേ...." ഞാൻ ഞട്ടി "ഹ ...ഹ നീയെന്തിനാ ഞെട്ടുന്നേ...? രാത്രീ ഒരു മുറീലാണോന്ന് സംശയമുണ്ട് സൂര്യേ എന്റൊപ്പം കിടത്താൻ പോകുവാന്ന് പറഞ്ഞപ്പോൾ അങ്ങേരാ പറഞ്ഞത് കൊച്ചു കുഞ്ഞുങ്ങളൊന്നുമല്ല അവരുടെ ഇഷ്ടത്തിന് എന്താന്നാ ആയിക്കോട്ടെ എന്ന്...! നിന്റെ അഛനുമായും അങ്ങേര് സംസാരിച്ചിട്ടുണ്ട് ഈ വരവിൽ അവർ രണ്ടും കൂടി ഇത് പരസ്യമാക്കിക്കോളും...! നീ ഇനി പൊയ്കോ...ക്ളാസ് കഴിയുന്പോൾ അങ്ങ് എത്തണ്ടേ..." മീരാന്റി എന്നെ യാത്രയാക്കി.... പറഞ്ഞത് പോലെ തന്നെ ഞങ്ങൾ ഇരുവരുടെയും പ്രധാന ബന്ധുക്കളെയൊക്കെ അറിയിച്ച് പഠനം കഴിഞ്ഞ് കല്യാണം എന്നും തീരുമാനിച്ചാണ് അദ്ദേഹം മടങ്ങിയത്...! ഞങ്ങളെ വിളിച്ചും ഉപദേശിച്ചു "മനൂ നിനക്ക് 21 ആകണം കല്യാണം നടത്തണേൽ ഞങ്ങൾ നിങ്ങൾക്ക് നൽകിയ സ്വാതന്ത്ര്യം ദുരുപയോഗപ്പെടുത്തരുത്....!" എനിക്ക് വീട്ടുകാരെ ഫെയ്സ് ചെയ്യാൻ ചെറിയ ചമ്മൽ ഉണ്ടായിരുന്നു... കാര്യം എല്ലാവർക്കും അറിയാമായിരുന്നെങ്കിലും...! തൊട്ടടുത്ത ദിവസം ഞാൻ ശ്രീജുവുമായി കോളേജ് കാന്റീനിൽ ചെന്നിരുന്നു... "വീട്ടുകാരുടെ തീരുമാനമോ എന്റെയും സൂര്യയുടെയും ഇഷ്ടങ്ങളോ ഒന്നും നീ നോക്കണ്ട..! നിന്റെ ഇഷ്ടം അതാണ് എനിക്കറിയേണ്ടത്...?" ശ്രീജൂ ചിരിച്ചു: "എനിക്കിഷ്ടമല്ലെന്ന് പറഞ്ഞാൽ നീ സൂര്യയെ വേണ്ടന്ന് വെയ്കുമോ...? "നിനക്കെന്താ ശ്രീജൂ അതിനിത്ര സംശയം...?" അവൻ വീണ്ടും ചിരിച്ചു: "സൂര്യയെ വേണ്ടന്ന് വെക്കും സമ്മതിച്ചു...! അത് കഴിഞ്ഞോ...? നീ ആത്മഹത്യ ചെയ്യുവോ അതോ നാടുവിടുവോ..?" "അത് പിന്നത്തെ കാര്യം...! നിന്റെ പെങ്ങളെ അവൾക്കിങ്ങനെ ഇഷ്ടമുണ്ടെന്ന് അറിഞ്ഞപ്പോളേ പറഞ്ഞ് തിരുത്തേണ്ടയാളാ ഞാൻ അതോ ചെയ്തില്ല നിന്റെ ഇഷ്ടത്തിലും വലുതല്ല എനിക്ക് മറ്റൊന്നും..!" വീണ്ടും ശ്രീജൂ ചിരിച്ചു: "അപ്പോൾ നിന്റെ താൽപ്പര്യങ്ങൾ എനിക്കൊന്നുമല്ല എന്ന് അല്ലേ..? ഞാൻ നിന്നിലും ചേരുന്ന വേറേ ആരെ കണ്ടെത്തി എന്റെ പെങ്ങൾക്ക് നൽകും..? ഇനി ഒരുത്തനെ കണ്ടെത്തിയാലും അവൾ സമ്മതിക്കുമോ..?" ...അങ്ങനെ ആ കടന്പയും കഴിഞ്ഞു...!!

കുറശ്ശ് കാലം കൂടി കഴിഞ്ഞാണ് സൂര്യ എന്ന തന്റേടിയുടെ യധാർത്ഥ മുഖം വെളിവായത്....! എന്റെ അമ്മ വീടിന് പുറകിലെ ഉരുളൻ കല്ലുകൾ നിറഞ്ഞ ഇടവഴിയിൽ ഒന്ന് വഴുതി വീണു.. ആശുപത്രിയിൽ ചെന്ന്